ശ്രീകണ്ഠാപുരം

ഇതേ പേരിലുള്ള നഗരസഭയ്ക്ക്, ദയവായി ശ്രീകണ്ഠാപുരം നഗരസഭ കാണുക.

ശ്രീകണ്ഠാപുരം
ശ്രീകണ്ഠാപുരം
12°01′59″N 75°30′00″E / 12.033°N 75.5°E / 12.033; 75.5
ഭൂമിശാസ്ത്ര പ്രാധാന്യം	പട്ടണം
രാജ്യം	ഇന്ത്യ
സംസ്ഥാനം	കേരളം
ജില്ല	കണ്ണൂർ
ഭരണസ്ഥാപനം(ങ്ങൾ)	നഗരസഭ
ചെയർപേഴ്സൺ	ഡോ.കെ.വി ഫിലോമിന ടീച്ചർ
'
'
വിസ്തീർണ്ണം	69ചതുരശ്ര കിലോമീറ്റർ
ജനസംഖ്യ	33,489
ജനസാന്ദ്രത	485/ച.കി.മീ
കോഡുകൾ • തപാൽ • ടെലിഫോൺ	670631 +0460
സമയമേഖല	UTC +5:30
പ്രധാന ആകർഷണങ്ങൾ

കേരളത്തിലെ കണ്ണൂർ ജില്ലയിലെ മലയോരമേഖലയിലെ ഒരു പ്രധാന ടൗൺ ആണ് ശ്രീകണ്ഠാപുരം. ഈ ഗ്രാമം തളിപ്പറമ്പ് താലൂക്കിൽ ഉൾപ്പെടുന്നു. ശ്രീകണ്ഠാപുരം പുഴ ഇതിലൂടെ ഒഴുകുന്നു. വളപട്ടണം പുഴയിൽ എത്തിച്ചേരുന്ന ശ്രീകണ്ഠാപുരം പുഴയുടെ ഒരു കരയിലാണ് ശ്രീകണ്ഠാപുരം പട്ടണം സ്ഥിതി ചെയ്യുന്നത്. കണ്ണൂർ നഗരത്തിൽ നിന്ന് 34 കി.മീ വടക്ക് കിഴക്ക് മാറിയാണ് ശ്രീകണ്ഠാപുരം പട്ടണം. മലപ്പട്ടം, ചെമ്പന്തൊട്ടി, നടുവിൽ, ചെമ്പേരി, ഇരിക്കൂർ, ഇരിട്ടി, തളിപ്പറമ്പ് എന്നിവയാണ്‌ അടുത്ത പട്ടണങ്ങൾ.

ചരിത്രം

ചരിത്രപരമായി പ്രസിദ്ധമായ ഈ പ്രദേശം മൂഷികരാജവംശത്തിന്റെ കീഴിലായിരുന്നു ഭരിക്കപ്പെട്ടിരുന്നത്. മൂഷിക രാജാവായ ശ്രീകണ്ഠൻ ഭരിച്ചിരുന്നതിനാലാണ് ശ്രീകണ്ഠന്റെ പുരം അഥവാ ശ്രീകണ്ഠാപുരം ഉണ്ടായതെന്നാണ് ചരിത്രം. കേരളത്തിൽ ഇസ്ലാം മതം പ്രചരിച്ചിരുന്ന ആദ്യകാല കേന്ദ്രങ്ങളിലൊന്നായിരുന്നു ശ്രീകണ്ഠാപുരം. കൊടുങ്ങല്ലൂരിനൊപ്പം ഇവിടെയും ഇസ്ലാം മതം പ്രചരിച്ചുവെന്ന് കരുതപ്പെടുന്നു.^{[അവലംബം ആവശ്യമാണ്]} കേരളത്തിൽ ഇസ്ലാം മതം എത്തിയ വർഷങ്ങളെക്കുറിച്ച് ചരിത്രകാരന്മാർക്കിടയിൽ അഭിപ്രായവ്യത്യാസം ഉണ്ടെങ്കിലും മുഹമ്മദ് നബി ജീവിച്ചിരുന്ന കാലത്തേ ഇവിടെ ഇസ്ലാം എത്തിയതായി കണക്കാക്കുന്നു.^{[അവലംബം ആവശ്യമാണ്]} പഴയ ചിറക്കൽ താലൂക്കിൽ പെട്ട ജഫർത്താൻ പഴയങ്ങാടി ആണെന്നാണ് ചരിത്രകാരന്മാരുടെ അഭിപ്രായം.^{[അവലംബം ആവശ്യമാണ്]} വളപട്ടണം പുഴ വഴി മാലിക് ദിനാറും സംഘവും പഴയങ്ങാടി പുഴക്കരയിൽ എത്തിയതായി ചരിത്രം പറയുന്നു.^{[അവലംബം ആവശ്യമാണ്]} അന്ന് നാല് ഇല്ലങ്ങളാണ് ഇവിടെ ഉണ്ടായിരുന്നത്.^{[അവലംബം ആവശ്യമാണ്]} കുന്നത്തില്ലം, ബപ്പനില്ലം, മേലാക്കില്ലം, തുയ്യാടില്ലം.^{[അവലംബം ആവശ്യമാണ്]} ഈ നാല് ഇല്ലത്തിന്റെ പേരുകളിൽ അറിയപ്പെടുന്ന കുടുംബക്കാരും ഇവിടത്തെ നാടുവാഴികളായിരുന്നു.^{[അവലംബം ആവശ്യമാണ്]}

ഇസ്ലാംമതപ്രവാചകരുടെ പരാമർശങ്ങളിൽ ഇവർ അറിയപ്പെടുന്നത് ജെറൂൾ, തഹ്ത്, ഹയ്യത്ത്, മുതലായ അറബി പേരുകളിലാണ്.^{[അവലംബം ആവശ്യമാണ്]} ജെറൂൾ എന്ന അറബി നാമം പിന്നീട് ചെറോൽ ആയും, ഹയ്യത്ത് അയ്യകത്ത് ആയും ത്ഹ്ത് താഴത്ത് ആയും പിന്നീട് അറിയപ്പെട്ടു.^{[അവലംബം ആവശ്യമാണ്]} മാലിക് ദിനാറിന്റെ സംഘത്തിൽ പെട്ടവർ ഇവിടെ പള്ളി സ്ഥാപിച്ചത് ഹിജ്‌റ 22ൽ ആണെന്ന് വിശ്വസിക്കപ്പെടുന്നു.^{[അവലംബം ആവശ്യമാണ്]} ഇതു പ്രകാരം നോക്കിയാൽ ഇസ്ലാം മതം ഈ നാട്ടിൽ എത്തിയിട്ട് 1400 വർഷത്തിലേറെയായി.^{[അവലംബം ആവശ്യമാണ്]} ജൻമിത്തത്തിനും നാടുവാഴിത്തത്തിനുമെതിരായി നടന്ന ഐതിഹാസികമായ കർഷക സമരത്തിനെതിരെ നടന്ന MSP വെടിവെപ്പിൽ നിരവധിപേർ രക്തസാക്ഷികളേണ്ടിവന്ന കാവുമ്പായി സമരക്കുന്നുശ്രീകണ്ഠപുരം പട്ടണത്തിനടുത്താണ്..

പ്രധാന വിദ്യാഭ്യാസ സ്ഥാപനങ്ങൾ

എസ്.ഇ.എസ്. കോളേജ്, ശ്രീകണ്ഠാപുരം
ശ്രീകണ്ഠാപുരം ഗവണ്മെന്റ് ഹയർസെക്കണ്ടറി സ്കൂൾ
മേരിഗിരി സീനിയർ സെക്കണ്ടറി സ്കൂൾ
സൽ സബീൽ ഇംഗ്ലീഷ് മീഡിയം സ്കൂൾ
ശ്രീകണ്ഠപുരം പബ്ലിക്‌ സ്കൂൾ
പി .കെ. എം . ബി എഡ് കോളേജ്
കോട്ടുർ ഗവൺമെന്റ് ഐടിഐ, ശ്രീകണ്ഠാപുരം
ലിറ്റിൽ ഫ്ലവർ സ്കൂൾ, കോട്ടൂർ
നെടുങ്ങോം ഗവണ്മെന്റ് ഹയർസെക്കണ്ടറി സ്കൂൾ

പ്രധാന സർക്കാർ സ്ഥാപനങ്ങൾ

നഗരസഭാ കാര്യാലയം
വില്ലേജ് ഓഫീസ്
പോലീസ് സ്റ്റേഷൻ
എക്സൈസ് റേഞ്ച് ഓഫീസ്
പോസ്റ്റ് ഓഫീസ്
സബ് ട്രഷറി
സബ് രജിസ്ട്രാർ ഓഫീസ്
കെഎസ്ഇബി ഇലക്ട്രിക്കൽ സർക്കിൾ ഓഫീസ്

പ്രധാന ആരാധനാലയങ്ങൾ

സലഫി മസ്ജിദ് ശ്രീകണ്ഠപുരം ബസ് സ്റ്റാൻഡ്
ജുമാമസ്ജിദ് ശ്രീകണ്ഠപുരം
ശാദുലി മസ്ജിദ് ശ്രീകണ്ഠപുരം ടൌൺ
പുതിയ പള്ളി ശ്രീകണ്ഠപുരം
ബിലാൽ മസ്ജിദ് ശ്രീകണ്ഠപുരം
മാലിക് ബിന് ദീനാർ മസ്ജിദ് പഴയങ്ങാടി
സെന്റ്. തോമസ് ചർച്ച്, കോട്ടുർ
പരിപ്പായി മുച്ചിലോട്ട് കാവ്
ശ്രീമുത്തപ്പൻ മഠപ്പുര
ഇൻഫന്റ് ജീസസ് ചർച്ച്, ശ്രീകണ്ഠാപുരം ടൗൺ
ഐ പി സി എബനെസ്സർ ചർച്ച്, കോട്ടൂർവയൽ.
അമ്മകോട്ടം ദേവീ ക്ഷേത്രം
കോട്ടൂർ മഹാവിഷ്ണൂ ക്ഷേത്രം
ഫൊറോന പള്ളി, മടമ്പം
തൃക്കടമ്പ ശ്രീ മഹാവിഷ്ണു ക്ഷേത്രം

അവലംബം

കണ്ണൂർ ജില്ലയുടെ ഭൂമിശാസ്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക.