വില്ല്യം കാരി
ഇംഗ്ലീഷ് മിഷനറിയും വിദ്യാഭ്യാസ പ്രവർത്തകനുമായിരുന്നു വില്ല്യം കാരി.(ജ: 17ആഗസ്റ്റ് 1761 – മ:9 ജൂൺ 1834).പ്രൊട്ടസ്റ്റന്റ് സഭകളുടെ പിതാവ് എന്നതിലുപരി പത്തൊൻപതാം നൂറ്റാണ്ടിൽ ഭാരതത്തിലെ നവോത്ഥാനത്തിനു രൂപം നൽകിയവരിൽ കാരിയുടെ പങ്ക് നിസ്തുലമാണ് .[1].[2][3]
William Carey | |
|---|---|
 Missionary to India | |
| ജനനം | 17 ഓഗസ്റ്റ് 1761 Paulerspury, England |
| മരണം | 9 ജൂൺ 1834 (പ്രായം 72) Serampore, India |
ആദ്യകാലം തിരുത്തുക
ഇംഗ്ലണ്ടിലെ പൗളേഴ്സ്സ്പറി ഗ്രാമത്തിലെ ഒരു നെയ്ത്തുകാരന്റെ മകനായിരുന്നു കാരി. നന്നേ ചെറുപ്പത്തിൽ തന്നെ സസ്യശാസ്ത്രത്തിൽ ആകൃഷ്ടനായ കാരി ഭാഷാപഠനത്തിലും അതീവ താത്പര്യം കാണിച്ചുപോന്നു. ദൈവശാസ്ത്രത്തിലും താത്പര്യം കാണിച്ചുപോന്ന കെറി ബാപ്റ്റിസ്റ്റ് സമ്മേളനങ്ങളിൽ പങ്കെടുത്തുവന്നു. 1782 ൽ അദ്ദേഹം ബാപ്റ്റിസ്റ്റ് മിഷനറിയായി പ്രവർത്തനം ആരംഭിച്ച് 1793 ൽ ബംഗാളിലേയ്ക്കു കാരിയും കുടുംബവും കപ്പൽ കയറി.
ബംഗാൾ ജീവിതം തിരുത്തുക
ബംഗാളിലെ ജീവിതവുമായി അടുത്ത് ഇടപഴകിയ കാരി ആദ്യമായി ചെറിയ ബംഗാളി നിഘണ്ടുവും, ബൈബിളിന്റെ 4 ഭാഗങ്ങളും തർജ്ജിമ ചെയ്ത് ഇംഗ്ലണ്ടിലേയ്ക്ക് അയച്ചു,പ്രതികരണം ആശാവഹമായിരുന്നില്ലെങ്കിലും കാരി തന്റെ പരിശ്രമം അശ്രാന്തം തുടർന്നുപോന്നു. ഫോർട്ട് വില്ല്യം കോളേജിൽ ഭാഷാദ്ധ്യാപകനായി ജോലി ലഭിക്കുകയുണ്ടായി. 1801 ൽ കഥോപകഥൻ എന്ന ഒരു സമാഹാരം കാരി രചിച്ചു. 1812 ൽ ഇതിഹാസമാല എന്ന കൃതിയും പുറത്തു വന്നു.
പ്രധാനകൃതികൾ തിരുത്തുക
1815-1825 കാലത്ത് ബംഗാളി- ഇംഗ്ലീഷ് ഭാഷാ നിഘണ്ടു രണ്ടു ക്വാർട്ടോ വാല്യങ്ങളായി പ്രസിദ്ധീകരിയ്ക്കപ്പെട്ടു. മറാത്ത ഭാഷാ വ്യാകരണം 1805 ൽ പ്രസിദ്ധീകരിയ്ക്കപ്പെട്ടു.[4] സസ്യശാസ്ത്രത്തിനു അദ്ദേഹം നൽകിയ സംഭാവന കണക്കിലെടുത്ത് ചില സസ്യങ്ങൾക്ക് അദ്ദേഹത്തിന്റെ നാമം നൽകുകയുണ്ടായി. ചില ചെടികൾക്ക് കാരിയ ഹെർബേസിയ, കാരിയ സ്റ്റോയിസ്റ്റിക്ക, കാരിയ അൽബോറിസിയ എന്നും പേരു നൽകപ്പെടുകയുണ്ടായി.
അവലംബം തിരുത്തുക
- ↑ Gonzalez, Justo L. The Story of Christianity Vol. 2 p. 306
- ↑ http://www.missionfrontiers.org/issue/article/william-carey
- ↑ http://www.revelationmovement.com/uncategorized/william-carey-the-father-of-modern-india/
- ↑ http://www.revelationmovement.com/uncategorized/william-carey-the-father-of-modern-india/