വിക്കിപീഡിയ:തിരഞ്ഞെടുത്ത ലേഖനം/111

സൗദി അറേബ്യൻ ഭൂപടത്തിൽ മക്കയുടെ സ്ഥാനം

സൗദി അറേബ്യയുടെ പടിഞ്ഞാറു ഭാഗത്ത് സ്ഥിതി ചെയ്യുന്ന ഒരു പുരാതന നഗരമാണ് മുസ്ലിങ്ങളുടെ വിശുദ്ധ നഗരമായ മക്ക. സൗദി അറേബ്യയുടെ ഭാഗമാകുന്നതിന് മുൻപ് ഹിജാസ് ഭരണത്തിൻ കീഴിലായിരുന്നു പുരാതന കാലത്ത് ബെക്ക എന്നറിയപ്പെട്ടിരുന്ന മക്ക. 26 കിലോമീറ്റർ വിസ്തീർണ്ണമുള്ള മക്കയിൽ 2007 ലെ ജനസംഖ്യാ കണക്കനുസരിച്ച് 1,700,000 ജനങ്ങൾ അധിവസിക്കുന്നു. കുന്നുകളാൽ ചുറ്റപ്പെട്ടു കിടക്കുന്ന മക്ക സമുദ്ര നിരപ്പിൽ നിന്നും 277 മീറ്റർ ഉയരത്തിലാണ് സ്ഥിതി ചെയ്യുന്നത്. ഇസ്ലാമിക നാഗരികതയുടെയും സംസ്കാരത്തിന്റെയും ഈറ്റില്ലമാണ് മക്ക. ഹജ്ജ്, ഉംറ തീർഥാടന കേന്ദ്രം, സംസം കിണർ, മുഹമ്മദ്‌ നബിയുടെ ജന്മ ഗ്രാമം തുടങ്ങി മത പ്രാധാന്യമുള്ള പ്രദേശമായ മക്കയിലേക്ക് മുസ്ലീങ്ങൾക്ക് മാത്രമാണ് പ്രവേശനമുള്ളത്. ഇബ്രാഹിം നബി അവരുടെ മകൻ ഇസ്മായിൽ നബിയുടെ സഹായത്തോടെ മരുഭൂമിയിൽ കഅബ പുനർനിർമ്മിക്കുന്നത് മുതലാണ് മക്കയുടെ ചരിത്രം ആരംഭിക്കുന്നത്.

	കൂടുതൽ വായിക്കുക...
	തിരഞ്ഞെടുത്ത ലേഖനങ്ങൾ		സംശോധനായജ്ഞം		തിരഞ്ഞെടുക്കാവുന്ന ലേഖനങ്ങൾ

തിരുത്തുക