വയലാർ രവി
കേരളത്തിൽ നിന്നുള്ള ഒരു പ്രമുഖ കോൺഗ്രസ്സ് (ഐ) നേതാവും രാജ്യസഭ അംഗവും മുൻ കേന്ദ്ര പ്രവാസികാര്യ വകുപ്പ് മന്ത്രിയുമായിരുന്നു വയലാർ രവി (ജനനം: 1937 ജൂൺ 4 [1]).
വയലാർ രവി | |
|---|---|
 വയലാർ രവി | |
| കേന്ദ്ര പ്രവാസികാര്യ വകുപ്പ് മന്ത്രി | |
| ഓഫീസിൽ 29 January 2006 – 26 May 2014 | |
| മുൻഗാമി | ഓസ്കാർ ഫെർണാണ്ടസ് |
| പിൻഗാമി | സുഷമ സ്വരാജ് |
| രാജ്യസഭാംഗം | |
| ഓഫീസിൽ 1994-2000, 2003,2009,2015 – 2021 | |
| ലോക്സഭാംഗം | |
| ഓഫീസിൽ 1971, 1977 – 1980 | |
| മണ്ഡലം | ചിറയിൻകീഴ് |
| നിയമസഭാംഗം | |
| ഓഫീസിൽ 1982,1987–1991 | |
| മണ്ഡലം | ചേർത്തല |
| കെ.പി.സി.സി. പ്രസിഡൻറ് | |
| ഓഫീസിൽ 1992-1998 | |
| മുൻഗാമി | എ.കെ. ആൻറണി |
| പിൻഗാമി | തെന്നല ബാലകൃഷ്ണപിള്ള |
| വ്യക്തിഗത വിവരങ്ങൾ | |
| ജനനം | 4 ജൂൺ 1937 ആലപ്പുഴ, കേരളം |
| രാഷ്ട്രീയ കക്ഷി | ഇന്ത്യൻ നാഷണൽ കോൺഗ്രസ്സ് (ഐ) |
| പങ്കാളി | മേഴ്സി രവി |
| കുട്ടികൾ | രവി കൃഷ്ണ(ഉണ്ണി), ലിസാ റോഹൻ (കുഞ്ചി), ലക്ഷ്മി രവി (ചുക്കി) |
| വസതി | കേരളം |
As of June 5, 2021 ഉറവിടം: [1] | |
ജീവിതരേഖ
തിരുത്തുകആലപ്പുഴ ജില്ലയിലെ ചേർത്തല താലൂക്കിലെ വയലാർ എന്ന ഗ്രാമത്തിൽ എം.കെ. കൃഷ്ണൻ്റെയും ദേവകിയമ്മയുടേയും മകനായി 1937 ജൂൺ 4 ന് ജനിച്ചു.[2]
സിംപ്‌സൺ എന്ന ഓമനപ്പേരിൽ വീട്ടിൽ വിളിക്കപ്പെട്ടിരുന്ന അദ്ദേഹത്തിന് വയലാർ സ്കൂളിൽ ചേർന്നപ്പോൾ അവിടത്തെ അദ്ധ്യാപകൻ ദാമോദരൻപിള്ളയാണ് എം.കെ. രവീന്ദ്രൻ എന്ന പേരു നിർദ്ദേശിച്ചത്. പിന്നീട് ആലപ്പുഴ എസ്.ഡി. കോളേജിൽ കെ.എസ്.യുവിൻ്റെ നേതാവായിരുന്നപ്പോഴാണ് വയലാർ രവി എന്ന പേരിൽ അദ്ദേഹം അറിയപ്പെട്ടു തുടങ്ങിയത്.[2][3]
രാഷ്ട്രീയ ജീവിതം
തിരുത്തുകകോൺഗ്രസിന്റെ വിദ്യാർത്ഥി പ്രസ്ഥാനമായ കെ.എസ്.യു.-വിലുടെയാണ് വയലാർ രവി പൊതുരംഗത്തെത്തുന്നത്. കെ.എസ്.യു എന്ന വിദ്യാർത്ഥി സംഘടനയുടെ രൂപീകരണത്തിനും വളർച്ചയ്ക്കും നിർണ്ണായമായ പങ്ക് വഹിച്ച രവി വിദ്യാർത്ഥികളെ സംഘടിപ്പിക്കുന്നതിൽ മുൻനിരയിലുണ്ടായിരുന്നു[1][4][5]
ആലപ്പുഴ എസ്.ഡി. കോളേജിൽ പഠിക്കുമ്പോൾ 1957 മേയ് 30-നു് ആലപ്പുഴയിലെ താണു അയ്യർ ബിൽഡിങ്ങിൽ വെച്ചാണു് കേരളാ സ്റ്റുഡന്റ്സ് യൂണിയൻ കെ.എസ്.യു എന്ന സംഘടന രൂപം കൊള്ളുന്നതു്. കെ.എസ്.യുവിന്റെ ആദ്യ പ്രസിഡണ്ട് ജോർജ്ജ് തരകനും സെക്രട്ടറി രവിയും ഖജാൻ‌ജി സമദ് എന്നയാളുമായിരുന്നു. ഇതോടൊപ്പം രവി യൂത്ത് കോൺഗ്രസ് ആലപ്പുഴ ജില്ലാ സെക്രട്ടറിയുമായിരുന്നു.[2]
എറണാകുളം മഹാരാജാസ് കോളേജിൽ ബിരുദപഠനം തുടരുവാനെത്തിയ രവിയുടെ പ്രവർത്തനമേഖല അതോടെ എറണാകുളം ജില്ലയായി. മഹാരാജാസ് കോളേജിൽ പഠിക്കുന്ന കാലത്തു് കണ്ടുമുട്ടിയ മേഴ്സി രവി എന്ന യുവതി പിന്നീട് അദ്ദേഹത്തിന്റെ പ്രണയിനിയും ജീവിതസഖിയുമായി.[2] അക്കാലത്തെ പ്രമുഖ കോൺഗ്രസ്സ് നേതാവായിരുന്ന വി.കെ. കൃഷ്ണമേനോനായിരുന്നു അദ്ദേഹത്തിന്റെ രാഷ്ട്രീയ ഗുരു.[2]
കെ.എസ്.യുവിന്റെ നാലാം സമ്മേളനത്തിൽ വെച്ച് രവി സംസ്ഥാന പ്രസിഡൻ്റായി തെരഞ്ഞെടുക്കപ്പെട്ടു. വയലാർ രവി ആദ്യമായി മത്സരിച്ചത് 1971-ലെ ലോക്സഭ തിരഞ്ഞെടുപ്പിൽ ചിറയിൻകീഴ് പാർലമെന്റ് മണ്ഡലത്തിൽ നിന്ന് അദ്ദേഹം കോൺഗ്രസ്സ് സ്ഥാനാർത്ഥിയായി തെരഞ്ഞെടുക്കപ്പെട്ടു. 1972-ൽ എ.ഐ.സി.സി. പ്രവർത്തകസമിതി അംഗമായി.[2]
അടിയന്തരാവസ്ഥയ്ക്ക് ശേഷം1977-ൽ നടന്ന ലോക്സഭ തെരഞ്ഞെടുപ്പിൽ രവി വീണ്ടും ചിറയിൻകീഴ് മണ്ഡലത്തിൽ നിന്ന് ലോക്സഭാംഗമായി. പക്ഷേ, 1978-ൽ കോൺഗ്രസ്സ് രണ്ടായി പിളർന്നു. കേരളത്തിൽ ആന്റണി ഗ്രൂപ്പ് എന്നറിയപ്പെട്ടിരുന്ന (എ) ഗ്രൂപ്പിലായിരുന്നു വയലാർ രവി. 1978-ൽ ഇടതുമുന്നണിയിൽ ചേർന്നെങ്കിലും പക്ഷേ, ഏറെക്കാലം ഈ സഹകരണം നിലനിന്നില്ല. അഭിപ്രായ വ്യത്യാസങ്ങളെത്തുടർന്ന് 1981-ൽ ആന്റണി ഗ്രൂപ്പ് ഇടതുപക്ഷത്തുനിന്നും വിട്ടുപിരിഞ്ഞു. വയലാർ രവി കോഴിക്കോടു നടത്തിയ ‘കണ്ണിനു കണ്ണ്, പല്ലിനു പല്ല്’ എന്ന പ്രസംഗമാണു് ആന്റണി കോൺഗ്രസ്സ് ഇടതുപക്ഷവുമായി ബന്ധം സ്ഥാപിക്കുന്നതിന് തുടക്കമിട്ടത്[2]
1981-ൽ മാതൃകക്ഷിയായ കോൺഗ്രസ്സിൽ തിരിച്ചെത്തിയ വയലാർ രവി 1982-ൽ നടന്ന നിയമസഭ തെരഞ്ഞെടുപ്പിൽ ചേർത്തലയിൽ നിയമസഭാംഗമായി. 1982-1987-ലെ കെ. കരുണാകരൻ മന്ത്രിസഭയിൽ അദ്ദേഹം ആഭ്യന്തര വകുപ്പ് മന്ത്രിയായിരുന്നു. 1987-ൽ വീണ്ടും ചേർത്തലയിൽ നിന്നു തന്നെ നിയമസഭയിൽ അംഗമായി[2] 1992 മുതൽ 1998 വരെ കെ.പി.സി.സി. പ്രസിഡൻറായും 1994 മുതൽ 2000 വരെയും 2003 മുതൽ 2021 വരെയും രാജ്യസഭ അംഗമായും [6] എ.ഐ.സി.സി. ജനറൽ സെക്രട്ടറിയായും പ്രവർത്തിച്ചു.[2].
തിരഞ്ഞെടുപ്പ്
1971-ൽ നടന്ന ലോക്സഭ തിരഞ്ഞെടുപ്പിൽ ചിറയിൻകീഴ് മണ്ഡലത്തിൽ നിന്ന് ആദ്യമായി ലോക്സഭ അംഗമായി വയലാർ രവി തിരഞ്ഞെടുക്കപ്പെട്ടു.[1][5].[5]. 1977-ൽ നടന്ന ലോക്സഭ തിരഞ്ഞെടുപ്പിലും ചിറയിൻകീഴിൽ നിന്ന് തന്നെ വീണ്ടും ലോക്സഭയിൽ അംഗമായി. [1][5]. 1982-ൽ അദ്ദേഹം ചേർത്തലയിൽ നിന്ന് കേരള നിയമസഭയിലേയ്ക്ക് തിരഞ്ഞെടുക്കപ്പെട്ടു[1][5]. 1982-ൽ അദ്ദേഹം കേരളത്തിന്റെ ആഭ്യന്തര വകുപ്പ് മന്ത്രിയായി സ്ഥാനമേറ്റു[4][5]. മുഖ്യമന്ത്രി കെ. കരുണാകരുമായുള്ള ഒരു വഴക്കിന്റെ പേരിൽ അദ്ദേഹം 1982-ൽ ഈ സ്ഥാനം രാജി വച്ചു[4]. 1987-ൽ അദ്ദേഹം വീണ്ടും ചേർത്തലയിൽ നിന്ന് നിയമസഭയിൽ അംഗമായി.[5].[1]. 1994-ൽ അദ്ദേഹം രാജ്യസഭയിലേയ്ക്ക് തിരഞ്ഞെടുക്കപ്പെട്ടു.[1]. 2006 ജനുവരി 30-ന് അദ്ദേഹം ഇന്ത്യയുടെ പ്രവാസികാര്യ വകുപ്പ്മന്ത്രിയായി സത്യപ്രതിജ്ഞ ചെയ്ത് സ്ഥാനമേറ്റു[5] [7]
2006 മുതൽ 2014 വരെ കേന്ദ്ര പ്രവാസികാര്യ വകുപ്പ് മന്ത്രിയായിരുന്ന വയലാർ രവി. പ്രവാസികൾക്ക് ഇൻഷുറൻസും കോണ്ട്രിബ്യൂട്ടറി പെൻഷനും തുടങ്ങിവെച്ചത് ഇദ്ദേഹത്തിന്റെ ഭരണകാലത്താണ്. വിവിധരാജ്യങ്ങളുമായി തൊഴിൽ കരാറുകൾ ഒപ്പുവെച്ചതും ലിബിയൻ കലാപസമയത്ത് അടിയന്തരമായി അവിടത്തെ പ്രവാസി ഇന്ത്യക്കാരെ സുരക്ഷിതമായി നാട്ടിലെത്തിക്കാൻ കഴിഞ്ഞതും അദ്ദേഹത്തിൻ്റെ സംഭാവനകളാണ്.[2] [8]
നാലു തവണയായി കോൺഗ്രസിൻ്റെ രാജ്യസഭ അംഗമായിരുന്ന വയലാർ രവി 2021 ഏപ്രിൽ 21ന് കാലാവധി പൂർത്തിയായതിനെ തുടർന്ന് സജീവ രാഷ്ട്രീയത്തിൽ നിന്ന് വിരമിച്ചു.[9][10][11]
രാജ്യസഭയിൽ വയലാർ രവി
- 1994-2000 (ഒന്നാം വട്ടം)
- 2003-2009 (രണ്ടാം വട്ടം)
- 2009-2015 (മൂന്നാം വട്ടം)
- 2015-2021[12]
സ്വകാര്യ ജീവിതം
തിരുത്തുകമേഴ്സി രവി ആണ് ഭാര്യ. 1964 ജൂൺ 9-നു ആയിരുന്നു ഇവരുടെ വിവാഹം. കെ.എസ്.യുവിൽ ഉണ്ടായിരുന്ന കാലം മുതൽക്കെ ഉണ്ടായിരുന്ന പ്രണയമാണ് വിവാഹത്തിലെത്തിയത്. കിഡ്നി തകരാർ മൂലം മേഴ്സി രവി 2009 സെപ്തംബർ 5-ന് അന്തരിച്ചു.
മൂന്നു മക്കൾ. മകൻ രവികൃഷ്ണ ചെന്നൈയിലും മകൾ ലിസ റോഹൻ ദുബായിലും ഇളയ മകൾ ഡോ. ലക്ഷ്മി രവി കൊച്ചിയിലും താമസിക്കുന്നു.
2021 ഏപ്രിൽ 21ന് സജീവ രാഷ്ട്രീയത്തിൽ നിന്ന് വിരമിച്ചതിനെ തുടർന്ന് ഇളയ മകളായ ഡോ.ലക്ഷ്മിയൊടൊപ്പം കൊച്ചിയിലാണ് വയലാർ രവി ഇപ്പോൾ താമസിക്കുന്നത്[13][14].
അവലംബം
തിരുത്തുക- ↑ 1.0 1.1 1.2 1.3 1.4 1.5 1.6 Biographical sketch at Rajya Sabha website.
- ↑ 2.00 2.01 2.02 2.03 2.04 2.05 2.06 2.07 2.08 2.09 പ്രവീൺ കൃഷ്ണൻ, (04 ജൂൺ 2012). "വയലാർ രവിക്ക് ഇന്ന് 75". മാതൃഭൂമി ദിനപത്രം പുറം:15. കോഴിക്കോട്.
{{cite news}}: Check date values in:|date=(help); Cite has empty unknown parameter:|1=(help)CS1 maint: extra punctuation (link) - ↑ https://www.manoramaonline.com/news/kerala/2017/07/05/vayalar-ravi-birthday-celebration.html
- ↑ 4.0 4.1 4.2 "New Minister for NRI affairs", nriol.com.
- ↑ 5.0 5.1 5.2 5.3 5.4 5.5 5.6 5.7 Profile at Ravi website Archived 2008-02-09 at the Wayback Machine..
- ↑ https://www.india.gov.in/my-government/indian-parliament/shri-vayalar-ravi
- ↑ "ആർക്കൈവ് പകർപ്പ്". Archived from the original on 2021-06-04. Retrieved 2020-12-22.
- ↑ https://www.manoramaonline.com/news/editorial/2017/08/17/lp-antony-on-ravi.html
- ↑ https://www.mathrubhumi.com/mobile/features/politics/vayalar-ravi-84th-birthday-1.5719936[പ്രവർത്തിക്കാത്ത കണ്ണി]
- ↑ https://www.manoramaonline.com/news/sunday/2021/03/27/sunday-special-story-about-vayalar-ravi.html
- ↑ https://keralakaumudi.com/news/mobile/news-amp.php?id=533169&u=vayalar-ravi
- ↑ https://www.thehindu.com/news/national/andhra-pradesh/vayalar-ravi-to-be-renominated-to-rajya-sabha/article7038172.ece
- ↑ https://www.manoramaonline.com/news/kerala/2021/04/21/vayalar-ravi-to-kochi.amp.html
- ↑ https://www.mathrubhumi.com/mobile/print-edition/india/left-delhi-vayalar-ravi-spends-the-rest-of-his-life-with-his-daughter-1.5606268[പ്രവർത്തിക്കാത്ത കണ്ണി]
|
കേരളത്തിലെ രാഷ്ട്രീയപ്രവർത്തകരെ കുറിച്ചുള്ള ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പും കാണുക. |