റിച്ചാർഡ് കോളിൻസ്
പത്തൊൻപതാം നൂറ്റാണ്ടിൽ ജീവിച്ചിരുന്ന ഒരു മലയാള വ്യാകരണ പണ്ഡിതനും സി.എം.എസ്. മിഷനറിയുമായിരുന്നു റിച്ചാർഡ് കോളിൻസ് (ഇംഗ്ലീഷ്: Richard Collins, മരണം: 1900[1]). 1855 മുതൽ 1867 വരെ കോട്ടയം സി.എം.എസ് കോളേജിൽ പ്രഥമാദ്ധ്യാപകനായിരുന്ന അദ്ദേഹമാണ് ആദ്യത്തെ മലയാളം-മലയാളം നിഘണ്ടു പുറത്തിറക്കിയത്. 1865ലാണ് ഈ നിഘണ്ടു പ്രസിദ്ധീകൃതമായത്.[2]
Vic. റിച്ചാർഡ് കോളിൻസ് | |
|---|---|
Richard Collins | |
 | |
| ജനനം | ഒക്ടോബർ 20, 1828 |
| മരണം | ഒക്ടോബർ 30, 1900 (പ്രായം 72) |
| സംഘടന(കൾ) | ചർച്ച് മിഷണറി സൊസൈറ്റി |
| അറിയപ്പെടുന്നത് |
|
അറിയപ്പെടുന്ന കൃതി |
|
| ജീവിതപങ്കാളി(കൾ) |
|
| കുട്ടികൾ |
|
| മാതാപിതാക്ക(ൾ) |
|
1855 മുതൽ 1865 വരെ കോട്ടയം സി.എം.എസ്. കോളേജ് പ്രിൻസിപ്പൽ ആയിരുന്നു. ആ കാലത്ത് 'വിദ്യാസംഗ്രഹം' എന്നപേരിൽ ഇന്ത്യയിലെ ആദ്യകോളേജ് മാഗസിൻ ആരംഭിച്ചു. മലയാളം-മലയാളം നിഘണ്ടു ആദ്യമായി 1865-ൽ പ്രസിദ്ധീകരിച്ചു. 1866 മുതൽ 1867 വരെ കോട്ടയം സിഎംഎസ് പ്രസ്സിന്റെ ചുമതല ഇദ്ദേഹത്തിനായിരുന്നു. 1867-ൽ റിച്ചാർഡ് ഇംഗ്ലണ്ടിലേക്ക് തിരിച്ചു പോയി. ശ്രീലങ്കയിലെ കാണ്ഡിയിൽ ഉള്ള ട്രിനിറ്റി സി.എം.എസ്. കോളേജ് ഇദ്ദേഹമാണ് ആരംഭിച്ചത്. 1872 മുതൽ 1877 വരെ ഈ കോളേജിന്റെ പ്രിൻസിപ്പൽ ആയി പ്രവർത്തിച്ചു. പിന്നീട് പ്രിൻസിപ്പൽ സ്ഥാനം ഒഴിവായി ഇംഗ്ലണ്ടിലേക്ക് തിരിച്ചു.[3]
ഫ്രാൻസെസ് ആൻ കോളിൻസ് എന്ന കോളിൻസ് മദാമ്മ ആയിരുന്നു ഇദ്ദേഹത്തിന്റെ ഭാര്യ. 1859-ൽ അദ്ദേഹത്തിന്റെ ഭാര്യ രചിച്ച "സ്ലേയർ സ്ലെയിൻ" എന്ന ഇംഗ്ലീഷ് നോവൽ 1877-78 കാലയളവിൽ അദ്ദേഹം മലയാളത്തിലേക്ക് "ഘാതകവധം" എന്ന പേരിൽ തർജ്ജമ ചെയ്തു പ്രസിദ്ധീകരിച്ചു. പത്തൊമ്പതാം നൂറ്റാണ്ടിലെ ക്രിസ്ത്യാനി കുടുംബങ്ങളിലെ ജീവിതരീതികൾ പ്രതിപാദിക്കുന്ന സാമൂഹ്യ പ്രസക്തിയുള്ള ഈ കൃതിയിലെ മുഖ്യവിഷയം സ്ത്രീധനമാണ്. ചില പണ്ഡിതർ ഈ കൃതിയെ മലയാളത്തിലെ ആദ്യ നോവൽ എന്ന് കരുതുന്നു. എന്നാൽ മറ്റു ചില പണ്ഡിതർ, വിവിധ മാനദണ്ഡങ്ങൾ ഉപയോഗിച്ച്, 1882 ൽ ആർച്ച് ഡീക്കൺ കോശി രചിച്ച "പുല്ലേലിക്കുഞ്ചു" വിനേയോ, അപ്പു നെടുങ്ങാടിയുടെ "കുന്ദലത"യേയോ ആണ് പ്രഥമ മലയാള നോവൽ ആയി കരുതുന്നത്.[4]
അവലംബം
തിരുത്തുക- ↑ ശിശിർ കുമാർ ദാസ് (2005), പുറം. 503, Chronology [കാലക്രമം].
- ↑ കെ.എം. ജോർജ്ജ് (1998), പുറം. 36, Reference books for language study [ഭാഷാപഠനത്തിനുള്ള അവലംബഗ്രന്ഥങ്ങൾ].
- ↑ ഇന്റലിജൻസർ (1900), പുറങ്ങൾ. 948, 960.
- ↑ ശിശിർ കുമാർ ദാസ് (2005), പുറം. 393, Notes and References [കുറിപ്പുകൾ പിന്നെ അവലംബങ്ങൾ].
- 'ജ്ഞാനനിക്ഷേപം' മാസികയുടെ 1856, 1857, 1858, 1859, 1860 വർഷത്തെ വിവിധ ലക്കങ്ങൾ.
- വിദ്യാമൂലങ്ങൾ: 1858, സിഎംഎസ് പ്രസ് കോട്ടയം
- ജെ.ജി. ബ്യൂട്ട്‌ലർ: മൃഗചരിതം: 1858-1860, ഒന്നാംപതിപ്പ്, സിഎംഎസ് പ്രസ് കോട്ടയം (ട്യൂബിങ്ങൻ ശേഖരത്തിൽ നിന്നും ഓക്ക്‌ലാന്റ് പബ്ലിക്ക് ലൈബ്രറി ശേഖരത്തിൽ നിന്നും ലഭിച്ചത്).
- ജെ.ജി. ബ്യൂട്ട്‌ലർ: മൃഗചരിതം, 1861, രണ്ടാംപതിപ്പ്, സിഎംഎസ് പ്രസ്സ് കോട്ടയം (കേരള സാഹിത്യ അക്കാദമി ലൈബ്രറിയിൽനിന്നു ലഭിച്ചത്).
- കെ.എം. ഗോവി: ആദിമുദ്രണം-ഭാരതത്തിലും മലയാളത്തിലും: 1998, കേരള സാഹിത്യ അക്കാദമി, തൃശൂർ.
- ബാബു ചെറിയാൻ: ജ്ഞാനനിക്ഷേപം പാഠവുംപഠനവും: 2002, പ്രഭാത് ബുക്ഹൗസ്, തിരുവനന്തപുരം.
- പി.ജെ. തോമസ്: മലയാള സാഹിത്യവും ക്രിസ്ത്യാനികളും: 1989, ഡി.സി. ബുക്‌സ്, കോട്ടയം.
- വി.ടി. ഡേവിഡ്: ആംഗലേയ സഭാചരിത്രം, 1930.
- Eira Dalton: The Baker Family, 1963, CMS Press Kottayam
- ‘Church Missionary Record’, No.9, September 1861, Vol. VI New Series
- Henry Baker Junior: The Hill Arrians of Travancore, and the Progress of Christianity Among Them, 1862, Wertheim, Macintosh, & Hunt.
- Catalogue of the Christian Vernacular literature, 1870.
- The Missionary Conference of South India and Ceylon, 1875.
- ‘The Church Missionary Intelligencer & Record’, 1877.
- The Missionary Conference of South India and Ceylon, 1879.
- ‘The Church Missionary Gleaner’ 1898.
ഗ്രന്ഥസൂചി
തിരുത്തുക- ശിശിർ കുമാർ ദാസ് (2005) [1991]. എ ഹിസ്റ്ററി ഓഫ് ഇന്ത്യൻ ലിറ്റ്റേച്ചർ: 1800-1910, വെസ്റ്റേൺ ഇമ്പാക്റ്റ്: ഇന്ത്യൻ റെസ്പോൺസസ് (A History of Indian Literature: 1800-1910, Western Impact: Indian Responses) [ഭാരതീയസാഹിത്യത്തിന്റെ ഒരു ചരിത്രം: 1800-1910, പാശ്ചാത്യ പ്രഭാവം: ഭാരതീയപ്രതികരണങ്ങൾ]. History of Indian Literature [ഭാരതീയസാഹിത്യചരിത്രം] (in ഇംഗ്ലീഷ്). ന്യൂ ഡെൽഹി: കേന്ദ്ര സാഹിത്യ അക്കാദമി. ISBN 8172010060. Retrieved നവംബർ 1, 2013.
- കെ.എം. ജോർജ്ജ് (1998) [1972]. വെസ്റ്റേൺ ഇൻഫ്ലുവൻസ് ഓൺ മലയാളം ലാംഗ്വേജ് ആന്റ് ലിറ്റ്റേച്ചർ (Western Influence on Malayalam Language and Literature) [പാശ്ചാത്യ സ്വാധീനം മലയാള സാഹിത്യത്തിനും ഭാഷയ്ക്കും] (in ഇംഗ്ലീഷ്). ന്യൂ ഡെൽഹി: കേന്ദ്ര സാഹിത്യ അക്കാദമി. ISBN 8126004134. Retrieved നവംബർ 1, 2013.
- അനേകം അംശദാതാക്കൾ (1900). ദ ചർച്ച് മിഷണറി ഇന്റലിജൻസർ (The Church Missionary Intelligencer) (in ഇംഗ്ലീഷ്). ലണ്ടൻ: ചർച്ച് മിഷണറി സൊസൈറ്റി. Retrieved നവംബർ 1, 2023.
പുറത്തേക്കുള്ള കണ്ണികൾ
തിരുത്തുക- http://www.indulekha.com/ghathakavadham-nove-richard-collins Archived 2014-01-17 at the Wayback Machine.