റഹുമാനി

ലക്ഷദ്വീപിലെ ജനങ്ങൾ തലമുറകളായി കൈവശംവച്ചുവരുന്ന ഒരു കൃതിയാണ് റഹുമാനി. അഹർമാനം ദിവസത്തിന്റെ (സമയത്തിന്റെ) അളവ് എന്നർത്ഥമുള്ള സംസ്‌കൃതത്തിൽ നിന്നു വന്നതാണ് ഈ പദം. നാവികജ്ഞാനം മുതൽ സ്ത്രീ പുരുഷന്മാരുടെ സ്വഭാവവിശേഷങ്ങൾ വരെയുള്ള പലതരംവിഷയങ്ങൾ ഈ ഗ്രന്ഥത്തിൽ പ്രതിപാദിക്കുന്നു. മനുഷ്യനിലും പ്രകൃതിയിലും വരുന്ന ഭാവമാറ്റങ്ങളെ സൂക്ഷ്മമായി മനസ്സിലാക്കാനുള്ള ശ്രമമാണ് ഈ ഗ്രന്ഥം.

ഭാഷ

റഹുമാനി ആദ്യം എഴുതിയിരുന്നത് വട്ടെഴുത്തിലാണ്, പിന്നീട് അറബി മലയാളവും വട്ടെഴുത്തും ഇടകലർത്തിയും അതു കഴിഞ്ഞ് അറബി മലയാളത്തിൽ മാത്രമായും എഴുതിയിരുന്നു. ഇപ്പോൾ മലയാള ലിപിയിലും റഹുമാനി ലഭ്യമാണ്.