ഒരു ശ്രീലങ്കൻ രാഷ്ട്രീയനേതാവാണ് റനിൽ വിക്രമസിംഗെ(ജനനം: 24 മാർച്ച് 1949). മൂന്ന് തവണ ശ്രീലങ്കയുടെ പ്രധാനമന്ത്രി സ്ഥാനത്ത് എത്തിയിട്ടുണ്ട് ഇദ്ദേഹം.[1]1994 നവംബർ 12 മുതൽ യുണൈറ്റഡ് നാഷണൽ പാർട്ടിയുടെ നേതാവായി സേവനമനുഷ്ഠിച്ചിട്ടുണ്ട്. 1977 ൽ ബിയാഗാമ എന്ന മണ്ഡലത്തിൽ നിന്നും തിരഞ്ഞെടുക്കപ്പെട്ടാണ് ഇദ്ദേഹം ആദ്യമായി പാർലമെന്റിൽ എത്തുന്നത്. 1993 മുതൽ 1994 വരെയും 2001 മുതൽ 2004 വരെയും വിക്രമസിംഗ പ്രധാനമന്ത്രിയായി സേവനമനുഷ്ഠിച്ചിട്ടുണ്ട്. 1994 ലെ പ്രസിഡന്റ് തിരഞ്ഞെടുപ്പിനുള്ള പ്രചാരണ വേളയിൽ ഗാമിനി ദിസനായകയെ വധിച്ചതിനെത്തുടർന്ന് 1994 നവംബറിൽ പാർട്ടി നേതാവായി നിയമിതനായി. [2] 2015 ജനുവരി 8 ന് പ്രസിഡന്റ് മഹീന്ദ രാജപക്സെയെ പരാജയപ്പെടുത്തിയ പ്രസിഡന്റ് മൈത്രിപാല സിരിസേനയാണ് 2015 ജനുവരി 8 ന് വിക്രമസിംഗയെ പ്രധാനമന്ത്രിയായി നിയമിച്ചത്. [3]

റനിൽ വിക്രമസിംഗെ
Ranil Wickremesinghe.jpg
റനിൽ വിക്രമസിംഗെ
ശ്രീലങ്കൻ മുൻ പ്രധാനമന്ത്രി
Presidentമൈത്രിപാല സിരിസേന
Personal details
Born
റനിൽ വിക്രമസിംഗെ

(1949-03-24) 24 മാർച്ച് 1949 (പ്രായം 70 വയസ്സ്)
കൊളംബോ
Citizenshipശ്രീലങ്കൻ
Spouse(s)മൈത്രി വിക്രമസിംഗെ
Parents
  • എസ്മണ്ട് വിക്രമസിംഗെ
  • നളിനി വിക്രമസിംഗെ
Alma materകൊളംബോ സർവകലാശാല
WebsiteOfficial website
റനിൽ വിക്രമസിംഗെ, ഇന്ത്യൻ പ്രധാനമന്ത്രി നരേന്ദ്ര മോദിയോടൊപ്പം, ന്യൂഡൽഹിയിലെ ഹൈദരാബാദ് ഹൗസിൽ

ആദ്യകാലജീവിതം, വിദ്യാഭ്യാസംതിരുത്തുക

1949 മാർച്ച് 24 ന് കൊളംബോയിൽ ജനിച്ച റനിൽ വിക്രമസിംഗെ, എസ്മോണ്ട് വിക്രമസിംഗെയുടെയും നളിനി വിക്രമസിംഗെയുടെയും രണ്ടാമത്തെ മകനായിരുന്നു. അദ്ദേഹത്തിന്റെ പിതാവ് ഒരു മുൻ അഭിഭാഷകനായിരുന്നു. പിന്നീട് അദ്ദേഹം ലേക് ഹൗസ് ഗ്രൂപ്പ് എന്ന പത്രകമ്പനി ഏറ്റെടുത്ത് ഒരു മാധ്യമരാജാവ് ആയി.

കൊളംബോയിലെ റോയൽ കോളേജിലാണ് വിക്രമസിംഗെ വിദ്യാഭ്യാസം നേടിയത്. അന്നത്തെ പ്രധാനമന്ത്രി സോളമൻ ബന്ദരനായകയുടെ മകൻ അനുര ബന്ദരനായകയുടെ സഹപാഠിയും സുഹൃത്തും ആയിരുന്നു റനിൽ. വിക്രംസിംഗെ കൊളംബോ കാമ്പസിലെ സിലോൺ സർവകലാശാലയിലെ(ഇന്നത്തെ കൊളംബോ സർവകലാശാല) നിയമ പഠനത്തിന് ചേർന്നു. ബിരുദപഠനത്തിനു ശേഷം ശ്രീലങ്ക ലോ കോളേജിൽ നിയമ പരീക്ഷകൾ പൂർത്തിയാക്കിയ അദ്ദേഹം 1972 ൽ എച്ച്. ഡബ്ല്യു. ജയവർധനയുടെ കീഴിൽ അഭിഭാഷകനായി പ്രാക്റ്റീസ് ചെയ്തു. [4] സമ്പദ്വ്യവസ്ഥ, വിദ്യാഭ്യാസം, മനുഷ്യാവകാശം എന്നിവയിലെ പരിഷ്കാരങ്ങളിൽ ശ്രദ്ധേയമായ സംഭാവനകൾ നൽകിയതിന് 2017 ഫെബ്രുവരി 14 ന് ഓസ്ട്രേലിയയിലെ ഡീക്കിൻ സർവകലാശാലയിൽ നിന്ന് വിക്രമസിംഗയ്ക്ക് ഓണററി ഡോക്ടറേറ്റ് ലഭിച്ചു. [5]

രാഷ്ട്രീയജീവിതംതിരുത്തുക

വിക്രമസിംഗെ യുണൈറ്റഡ് നാഷണൽ പാർട്ടിയിൽ (യുഎൻപി) ചേർന്നു. 1970 കളുടെ മധ്യത്തിൽ കേളാനിയ വോട്ടർമാരുടെ മുഖ്യ സംഘാടകനായി നിയമിതനായ അദ്ദേഹം പിന്നീട് 1977 ലെ പാർലമെന്റ് തെരഞ്ഞെടുപ്പിൽ ബിയാഗാമയിലെ മുഖ്യ സംഘാടകനായി നിയമിതനായി. ഇവിടെ നിന്ന് തെരഞ്ഞെടുപ്പിൽ വിജയിച്ച് അദ്ദേഹം പാർലമെന്റിൽ എത്തി. ജെ. ആർ. ജയവർധനയുടെ പുതിയ സർക്കാരിൽ വിദേശകാര്യ ഉപമന്ത്രിയായി നിയമിതനായ അദ്ദേഹം താമസിയാതെ യുവജനകാര്യ, തൊഴിൽ മന്ത്രി സ്ഥാനത്തേക്ക് സ്ഥാനക്കയറ്റം നേടി. ഈ നിയമനത്തോടെ അദ്ദേഹം ശ്രീലങ്കയിലെ ഏറ്റവും പ്രായം കുറഞ്ഞ കാബിനറ്റ് മന്ത്രിയായി. [6] പിന്നീട് വിക്രമസിംഗെ വിദ്യാഭ്യാസ മന്ത്രിയായി. [7]


1989 ൽ അദ്ദേഹത്തെ സഭാ നേതാവായി നിയമിച്ചു. പ്രസിഡന്റ് രണസിംഗ പ്രേമദാസയെ തമിഴ് പുലികൾ വധിച്ചതിനെ തുടർന്ന് ഡി. ബി. വിജേതുങ്കയെ ആക്ടിംഗ് പ്രസിഡന്റാകുകയും 1993 മെയ് 7 ന് വിക്രമസിംഗെ പ്രധാനമന്ത്രിയായി സത്യപ്രതിജ്ഞ ചെയ്യുകയും ചെയ്തു. ഈ കാലഘട്ടത്തിൽ ശ്രദ്ധേയമായ സാമ്പത്തിക പരിവർത്തനത്തിലൂടെ രാജ്യത്തെ മുന്നോട്ട് നയിക്കുകയുണ്ടായി. പൊതുവേ ഈ പരിഷ്ക്കാരങ്ങൾക്ക് ബിസിനസ്സ് സമൂഹത്തിന്റെ പിന്തുണയുമുണ്ടായിരുന്നു. [8]

1994 ലെ പാർലമെന്റ് തെരഞ്ഞെടുപ്പിൽ യുഎൻപി ചന്ദ്രിക ബന്ദരനായക കുമാരതുംഗയുടെ പീപ്പിൾസ് അലയൻസ് പാർട്ടിയോട് പരാജയപ്പെട്ടു, കുമാരതുംഗ രാജ്യത്തിന്റെ പ്രധാനമന്ത്രിയായി നിയമിക്കപ്പെട്ടു.

1999 ലെ തിരഞ്ഞെടുപ്പിൽ യുഎൻപിയുടെ പ്രസിഡന്റ് സ്ഥാനാർത്ഥിയായി വിക്രമസിംഗയെ നാമനിർദ്ദേശം ചെയ്തു. ഈ പ്രസിഡന്റ് തിരഞ്ഞെടുപ്പിൽ പരാജയപ്പെട്ടതിന് ശേഷം 2000 ലെ പാർലമെന്റ് തിരഞ്ഞെടുപ്പിൽ വിക്രമസിംഗെ തന്റെ പാർട്ടിയെ നയിച്ചുവെങ്കിലും, വീണ്ടും പീപ്പിൾസ് അലയൻസ് പാർട്ടിയോട് പരാജയപ്പെട്ടു.

2001 ലെ പാർലമെന്റ് പൊതുതെരഞ്ഞെടുപ്പിൽ റനിൽ വിക്രമസിംഗെയുടെ നേതൃത്വത്തിൽ യുഎൻഎഫ് 109 സീറ്റുകൾ നേടി. പിഎയ്ക്ക് 77 സീറ്റുകൾ മാത്രമേ നേടാനായുള്ളൂ. തൽഫലമായി, ഒരു പുതിയ യുഎൻഎഫ് സർക്കാർ രൂപീകരിക്കാൻ അദ്ദേഹത്തിന് കഴിഞ്ഞു. 2001 ഡിസംബർ 9 ന് ശ്രീലങ്കയുടെ പതിനേഴാമത്തെ പ്രധാനമന്ത്രിയായി സത്യപ്രതിജ്ഞ ചെയ്തു. [9]

2004 ഏപ്രിൽ 2 ന് നടന്ന പാർലമെൻറ് തെരഞ്ഞെടുപ്പിൽ റനിൽ വിക്രമസിംഗെയുടെ യുഎൻഎഫിന് അധികാരം നഷ്ടപ്പെട്ടു. 2015 വരെ അദ്ദേഹം പ്രതിപക്ഷ നേതാവ് സ്ഥാനത്ത് തുടർന്നു.

2015 ലെ രാഷ്ട്രപതി തെരഞ്ഞെടുപ്പിന്റെ യുണൈറ്റഡ് നാഷണൽ പാർട്ടിയുടെ നേതൃത്വത്തിലുള്ള പൊതു സ്ഥാനാർത്ഥി മൈത്രിപാല സിരിസേന 51.28 ശതമാനം വോട്ടുകൾ നേടി. 100 ദിവസത്തെ പ്രോഗ്രാം പ്ലാനിന് പ്രധാനമന്ത്രിയായി വിക്രമസിംഗെയെ നിയമിച്ചു. ഇതോടെ മൂന്നാം തവണ വിക്രമസിംഗെ ശ്രീലങ്കയുടെ പ്രധാനമന്ത്രിയായി. [10]

ഐക്യ സർക്കാരിൽ നിന്ന് യുണൈറ്റഡ് പീപ്പിൾസ് ഫ്രീഡം അലയൻസ് പിന്മാറിയതിനെത്തുടർന്ന് 2018 ഒക്ടോബർ 26 ന് വൈകുന്നേരം പ്രസിഡന്റ് മൈത്രിപാല സിരിസേന മഹീന്ദ രാജപക്സെയെ പ്രധാനമന്ത്രിയായി നിയമിച്ചു. [11] റനിൽ വിക്രമസിംഗെയെ സ്ഥാനത്തു നിന്ന് നീക്കിയതായും അദ്ദേഹം അറിയിച്ചു. ഈ നടപടി ഭരണഘടനാ വിരുദ്ധമാണെന്ന് പറഞ്ഞ വിക്രമസിംഗെ പുറത്താക്കൽ അംഗീകരിക്കാൻ വിസമ്മതിച്ചു. സുപ്രീംകോടതിയുടെയും അപ്പീൽ കോടതിയുടെയും വിധിന്യായങ്ങളെത്തുടർന്ന് രാജപക്സെ പിന്മാറി. വിക്രമസിംഗെയെ 2018 ഡിസംബർ 16 ന് പ്രധാനമന്ത്രിയിൽ വീണ്ടും നിയമിച്ചു.

രാഷ്ട്രപതി തെരഞ്ഞെടുപ്പിൽ ഭരണകക്ഷിയുടെ സ്ഥാനാർത്ഥിയായിരുന്ന സജിത് പ്രേമദാസ, ഗോതബയ രാജപക്സെയോട് പരാജയപ്പെട്ടതിനെ തുടർന്ന് വിക്രമസിംഗെ പ്രധാനമന്ത്രിപദം രാജിവച്ചു. പാർലമെന്റിൽ തന്റെ സർക്കാരിന് ഇപ്പോഴും ഭൂരിപക്ഷമുണ്ടെങ്കിലും രാഷ്ട്രപതി തെരഞ്ഞെടുപ്പിൽ രാജപക്സെ നേടിയ ജനവിധിയെ മാനിച്ച് സ്ഥാനമൊഴിയാൻ തീരുമാനിച്ചതായി അദ്ദേഹം പറഞ്ഞു.[12]

വ്യക്തിജീവിതംതിരുത്തുക

1994 ൽ ഒരു ഇംഗ്ലീഷ് പ്രൊഫസർ ആയ മൈത്രി വിക്രമസിംഗെയെ വിവാഹം കഴിച്ചു. തന്റെ സ്വകാര്യജീവിതത്തെ രാഷ്ട്രീയത്തിൽ നിന്ന് മാറ്റി നിർത്താൻ വിക്രമസിംഗ എപ്പോഴും ശ്രമിച്ചിരുന്നു. അദ്ദേഹത്തിന്റെ വ്യക്തിജീവിതം വളരെ അപൂർവമായി മാത്രമേ ചർച്ച ചെയ്യപ്പെടാറുള്ളൂ. 2015 ൽ പ്രധാനമന്ത്രിയായി വിക്രമസിംഗെ വീണ്ടും തെരഞ്ഞെടുക്കപ്പെടുന്നതുവരെ മൈത്രി വിക്രമസിംഗെ രാഷ്ട്രീയ ശ്രദ്ധ പിടിച്ചുപറ്റി.

വിക്രമസിംഗെയുടെ കുടുംബത്തിലെ നിരവധി അംഗങ്ങൾ നിലവിൽ സർക്കാരിൽ സജീവമാണ്. പ്രതിരോധ മന്ത്രി റുവാൻ വിജേവർധന, വിദേശകാര്യ സഹമന്ത്രി വസന്ത സേനനായക, യുണൈറ്റഡ് കിംഗ്ഡത്തിലെ ശ്രീലങ്കൻ ഹൈക്കമ്മീഷണർ അമരി വിജേവർദ്ധനെ തുടങ്ങിയവർ അദ്ദേഹത്തിന്റെ അടുത്ത ബന്ധുക്കളാണ്. [13]




അവലംബംതിരുത്തുക

  1. https://www.manoramaonline.com/news/world/2018/12/16/int-cpy-sri-lanka-crisis-ends.html
  2. "Ranil Wickremesinghe – Gentlemen Politician of 4 decades, alias mature leader of the people". United National Party. മൂലതാളിൽ നിന്നും 20 ജൂലൈ 2015-ന് ആർക്കൈവ് ചെയ്തത്. ശേഖരിച്ചത് 21 ഓഗസ്റ്റ് 2015.
  3. "Sri Lanka election: shock as president Mahinda Rajapaksa concedes defeat". The Guardian. 9 January 2015. ശേഖരിച്ചത് 21 August 2015.
  4. "Lankalovers". lankalovers.com. മൂലതാളിൽ നിന്നും 18 February 2005-ന് ആർക്കൈവ് ചെയ്തത്. ശേഖരിച്ചത് 21 August 2015.
  5. "Prime Minister Wickremesinghe awarded an honorary doctorate". www.adaderana.lk.
  6. "Sri Lanka: Former Prime Ministers". priu.gov.lk. മൂലതാളിൽ നിന്നും 24 സെപ്റ്റംബർ 2015-ന് ആർക്കൈവ് ചെയ്തത്. ശേഖരിച്ചത് 21 ഓഗസ്റ്റ് 2015.
  7. "Ranil Wickremasinghe is scheduled to take oaths as Prime Minister tomorrow | ITN News". www.itnnews.lk. മൂലതാളിൽ നിന്നും 6 ജനുവരി 2016-ന് ആർക്കൈവ് ചെയ്തത്. ശേഖരിച്ചത് 24 ഒക്ടോബർ 2015.
  8. "BBC News – SOUTH ASIA – Profile: Ranil Wickramasinghe". bbc.co.uk. ശേഖരിച്ചത് 21 August 2015.
  9. Prime Minister sworn in, Dailynews, 10 December 2001 Archived 12 October 2012 at the Wayback Machine.
  10. "Ranil new Prime Minister". DailyMirror.lk. 9 January 2015. ശേഖരിച്ചത് 10 January 2015.
  11. "Mahinda Rajapaksa sworn in as Prime Minister". adaderana.lk. 26 October 2018. ശേഖരിച്ചത് 26 October 2018.
  12. https://www.thehindu.com/news/international/sri-lanka-prime-minister-ranil-wickremesinghe-resigns/article30027679.ece
  13. PM's Aunt And Leading Businesswoman Amari Wijewardena To Take Up Duties As High Commissioner In UK. Asian Mirror, Retrieved on 08 February 2016 .
"https://ml.wikipedia.org/w/index.php?title=റനിൽ_വിക്രമസിംഗെ&oldid=3257702" എന്ന താളിൽനിന്ന് ശേഖരിച്ചത്