മലയാളം: മനുഷ്യനോട് ഏറെ സാദൃശ്യമുള്ള സസ്തനിയായ മൃഗമാണ് കുരങ്ങൻ. ഇവയുടെ ബുദ്ധിശക്തി പലപ്പോഴും മറ്റുള്ള മൃഗങ്ങളിൽ നിന്ന് മെച്ചപ്പെട്ടതാണെന്ന് കരുതുന്നു. കാട്ടിലാണ് ഇവയുടെ വാസസ്ഥലമെങ്ങിലും നാട്ടിലും കൂട്ടം കുട്ടമായി കാണാറുണ്ട്. നാട്ടിലിറങ്ങുന്ന കുരങ്ങുകൾ മനുഷ്യർ നൽകുന്ന ഉപ്പ് കലർന്ന ഭക്ഷണപദാർത്ഥങ്ങളും മധുരപാനീയങ്ങളും യഥേഷ്ടം കഴിക്കാറുണ്ട്. ശരീരത്തിന്റെ നീളത്തേക്കാൾ നീണ്ടതാണിതിന്റെ വാലുകൾ. ഒരു മരച്ചിലയിൽ നിന്ന് മറ്റൊരു മരത്തിലേക്ക് ചാടിപോകുന്നതിനും വളരെ മിനുസമുള്ളതും വീതി കുറഞ്ഞതുമായ പ്രതലങ്ങളിൽക്കൂടിയും ചെങ്കുത്തായപ്രദേശങ്ങളിൽക്കൂടിയും നടക്കാനും വളരെ നിഷ്പ്രയാസം സാധിക്കും.