മലയാളം: കേരളീയ വാസ്തുശിൽപ്പ വിദ്യക്കു മകുടോദാഹരണമായി നിൽക്കുന്ന നാലുകെട്ടുകൾ, മനകൾ, ഇല്ലങ്ങൾ എന്നിവയുടെ മാതൃകകൾ ഈർക്കിലും മുളയും ഉപയോഗിച്ചു നിർമ്മിക്കുകയാണു ലിജീഷ്‌ വേങ്ങേരി എന്ന കലാകാരൻ .തൂണുകളും, ചാരുപടിയും, വാതിലുകളും, നടുമുറ്റവും എല്ലാം പഴമയുടെ ഭംഗിയിൽ തന്നെയാണു നിർമ്മിച്ചിരിന്നതു.

ആധുനികവത്കരണതിണ്റ്റെ പേരിലും,പരിപാലിക്കാനുള്ള വിഷമതിന്റെ പേരിലും നമുക്കു നഷ്ടം വന്നുകൊണ്ടിരിക്കുകയാണു ഈ വാസ്തുശിൽപ്പ പൈത്രുകങ്ങൾ.ഇവയോടുള്ള അഗാധമായ താൽപര്യമാണു ഇത്തരത്തിലുള്ള വസ്തുക്കളുടെ ചെറു രൂപങ്ങൾ ഉണ്ടാക്കുന്നതിലേക്കു ഈ കലാകാരനെ ശ്രദ്ധ തിരിച്ചു വിട്ടത്‌.

ഈർക്കിൾ ഉപയോഗിച്ചു ഉണ്ടാക്കുവാനുദ്ധേശിക്കുന്ന ഭവനത്തിനെ പല ഭാഗങ്ങളാക്കി ആദ്യം ഉണ്ടാക്കുന്നു, പിന്നീട്‌ ഇവയെല്ലാം നല്ല പൊലെ ഉരച്ച്‌ മിനുസപ്പെടുത്തി പോളിഷ്‌ ചെയ്യുന്നു, അതിനു ശേഷം ഭാഗങ്ങൾ കൂട്ടി ചേർക്കുന്നു.. ഇവ പൂർത്തീകരിക്കനായി മാസങ്ങൾ വേണ്ടി വരുന്നു.