"ജോസഫ് മാർത്തോമ്മ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

മലങ്കരയുടെ നവീകരണ പിതാവ് എന്നറിയപെടുന്ന അബ്രഹാം മൽപാൻറെ കുടുംബമായ പാലക്കുന്നത്തു തറവാട്ടിൽ 1931 ജൂൺ 27 നു പി. ടി. ലൂക്കൊസിൻറെയും മറിയാമ്മയുടെയും മകനായി പി. ടി. ജോസഫ്‌ ജനിച്ചു. ആലുവ യൂണിയൻ ക്രിസ്ത്യൻ കോളേജിലെ പഠനത്തിനു ശേഷം അദ്ദേഹം 1954 ൽ ബാംഗ്ലൂർ യുനയ്റ്റെഡ് തിയോളങി കോളേജിൽ ബി.ഡി പഠനത്തിനു ചേർന്നു. 1957 ഒക്ടോബർ 18 നു കശീശ പട്ടം ലഭിച്ചു. മാർത്തോമാ സഭാ പ്രതിനിധി മണ്ഡലത്തിൻറെ തീരുമാനപ്രകാരം 1975 ജനുവരി 11 നു റമ്പാനായും ഫെബ്രുവരി 8 നു ജോസഫ്‌ മാർ ഐറെനിയോസ് എന്ന അഭിനാമത്തിൽ എപിസ്കോപ്പയായും അഭിഷിക്തനായി. 1999 മാർച്ച്‌ 15 നു ഫിലിപോസ് മാർ ക്രിസോസ്റോം മാർത്തോമ മെത്രാപോലീത്തയായി ഉയർത്തപെട്ടപ്പോൾ മാർത്തോമ മെത്രാപോലീത്തക്കടുത്ത സിംഹാസനമായ സഫ്രഗൻ മെത്രാപോലീത്തയായി മാർ ഐറെനിയോസ് ഉയർത്തപെട്ടു. ഫിലിപോസ് മാർ ക്രിസോസ്റോം ശാരീരിക ബുദ്ധിമുട്ടുകൾ മൂലം സ്ഥാനമൊഴിഞ്ഞപ്പോൾ മലങ്കര സിംഹാസനത്തിൻറെ അടുത്ത മെത്രാപോലീത്തയായി ജോസഫ്‌ മാർത്തോമ എന്ന പുതിയ പേരിൽ മാർ ഐറെനിയോസ് ഉയർത്തപെട്ടു. 1653 ൽ അഭിഷിക്തനായ മാർത്തോമ ഒന്നാമൻറെ പിന്തുടർച്ചയായ മാർത്തോമ ഇരുപത്തോന്നാമാനാണ് മോസ്റ്റ്‌. റവ. ഡോ. ജോസഫ്‌ മാർത്തോമ മെത്രാപോലീത്ത. ▼