"താൻസു ചില്ലർ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

തുർക്കിയുടെ ആദ്യത്തെ വനിതാപ്രധാനമന്ത്രിയാണ് താൻസു ചില്ലർ (ജനനം: 1944 [[ഒക്ടോബർ 23]], [[ഇസ്താംബുൾ]]). ഒരു സാമ്പത്തികവിദഗ്ദ കൂടിയായിരുന്ന ഇവർ 1993-ൽ തുർക്കിയുടെ പ്രധാനമന്ത്രിസ്ഥാനത്തെത്തി. 1991 മുതൽ 1993-ൽ പ്രധാനമന്ത്രിയാകുന്നതുവരെ സുലെയ്മാൻ ദെമിറേലിന്റെ നേതൃത്വത്തിലുള്ള സർക്കാരിൽ ധനമന്ത്രിയായും പ്രവർത്തിച്ചിരുന്നു. ആദ്യത്തെ വനിതാപ്രധാനമന്ത്രി എന്നതിനു പുറമേ‌ രാഷ്ട്രീയപ്രവർത്തനമാരംഭിച്ച് മൂന്നുവർഷത്തിൽത്തന്നെ പ്രധാനമന്ത്രിസ്ഥാനത്തേക്കെത്തിയെന്നതും ശ്രദ്ധേയമാണ്.

ഇസ്താംബൂളിലെ ഒരു ധനികകുടൂംബത്തിൽ ജനിച്ച ചില്ലർ, സാമ്പത്തികശാസ്ത്രത്തിൽ ബിരുദം നേടൂകയും അമേരിക്കയിൽ നിന്നും ഡോക്ടറേറ്റ് കരസ്ഥമാക്കുകയും ചെയ്തു. യേൽ സർവകലാശാലയിൽ പോസ്റ്റ്-ഡോക്ടറൽ പഠനത്തിനു ശേഷം, നാട്ടിൽ തിരിച്ചെത്തിയ അവർ ഒരു സർവകലാശാലയിൽ അദ്ധ്യാപികയായി. തികച്ചും പാശ്ചാത്യശൈലിയിൽ വസ്ത്രധാരണം നടത്തിയിരുന്ന അവർ 1990-ൽ ട്രൂ പാത്ത് പാർട്ടിയിൽ ചേരുകയും തൊട്ടടുത്ത വർഷം തന്നെ പാർലമെന്റില്ലേക്ക് തിരഞ്ഞെടൂക്കപ്പെടുകയും ചെയ്തു.