"യാക്കോബ്‌ എഴുതിയ ലേഖനം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ക്രിസ്തീയബൈബിളിന്റെ ഭാഗമായ [[പുതിയനിയമം|പുതിയനിയമത്തിലെ]] സന്ദേശഗ്രന്ഥങ്ങളിൽ ഒന്നാണ് '''യാക്കോബ് എഴുതിയ ലേഖനം'''. പ്രത്യേക സഭാസമൂഹങ്ങളെയോ വ്യക്തികളെയോ ഉദ്ദേശിച്ചല്ലാതെ എഴുതപ്പെട്ട 7 [[കാതോലിക ലേഖനങ്ങൾ|കാതോലിക ലേഖനങ്ങളിൽ]] ഒന്നാണിത്. "യേശുക്രിസ്തുവിന്റേയും ദൈവത്തിന്റേയും ദാസനായ യാക്കോബ്" എന്ന് തുടക്കത്തിൽ സ്വയം പരിചയപ്പെടുത്തുന്ന ലേഖകൻ ആരെന്നു വ്യക്തമല്ല. യേശുവിന്റെ സഹോദരനും "നീതിമാനായ യാക്കോബ്"(James the Just) എന്ന അപരനാമമുള്ളവനുമായി [[യെരുശലേം|യെരുശലേമിലെ]] ആദിമസഭയിൽ നേതാവായിരുന്ന യാക്കോബിന്റെ രചനയായി ഇതിനെ ക്രിസ്തീയ പാരമ്പര്യം കണക്കാക്കുന്നു. വിശ്വാസത്തിലൂടെയുള്ള നീതീകരണത്തെക്കുറിച്ചുള്ള [[പൗലോസ് അപ്പസ്തോലൻ|പൗലോസിന്റെ]] ലേഖനങ്ങളിലെ നിലപാടിൽ നിന്നു ഭിന്നമായി സൽപ്രവർത്തികളുടെ പ്രാധാന്യത്തിന് ഊന്നൽ കൊടുക്കുന്ന ഒരു രചനയായി ഇതിനെ വീക്ഷിക്കുന്നവരുണ്ട്. സുവിശേഷസാരം ഉൾക്കൊള്ളുന്ന [[പൗലോസ് അപ്പസ്തോലൻ|പൗലോസിന്റെ]] ലേഖനങ്ങളുമായുള്ള താരതമ്യത്തിൽ ഇത് വൈക്കോൽ നിറഞ്ഞതാണെന്ന് (full of straw) പ്രൊട്ടസ്റ്റന്റ് നവീകരണനായകൻ [[മാർട്ടിൻ ലൂഥർ]] വിമർശിച്ചിട്ടുണ്ട്.<ref>ദാനിയേൽ ഡബ്ലിയൂ പെറ്റി, [http://www.lessonsonline.info/LutherandJames.htm യാക്കോബിന്റെ ലേഖനത്തെക്കുറിച്ചുള്ള ലൂഥറുടെ നിലപാട്]]</ref>

==കർതൃത്വം==

==രചനാജനുസ്സ്==

സന്ദേശരചന എന്ന അർത്ഥത്തിൽ ലേഖനം എന്നു വിളിക്കപ്പെടുന്നെങ്കിലും പരക്കെയുള്ള വായനയ്ക്കായി വിതരണം ചെയ്യപ്പെട്ട ഒരു ജ്ഞാനസാഹിത്യഗ്രന്ഥം (wisdom literature) ആയി ഇതിനെ കണക്കാക്കുന്നതാവും ഉചിതം. [[തനക്ക്|എബ്രായബൈബിളിലെ]] [[സുഭാഷിതങ്ങൾ|സുഭാഷിതങ്ങളേയും]] [[അപ്പോക്രിഫ|അപ്പോക്രിഫയിലെ]] സിറാക്കിന്റെ പുസ്തകത്തേയും പോലെ പാരമ്പര്യസിദ്ധമായ ധാർമ്മാനുശാസങ്ങളും സിദ്ധാന്തങ്ങളും അടങ്ങുന്നതിനാൽ ഇതിനെ [[പുതിയനിയമം|പുതിയനിയമത്തിലെ]] ഒരു ജ്ഞാനസാഹിത്യരചനയായി കണക്കാക്കാം.<ref>Sophie Laws (1993). "The Letter of James". in Wayne A. Meeks et al. The HarperCollins Study Bible: New Revised Standard Version, with the Apocryphal/Deuterocanonical Books. New York: HarperCollins, p. 2052</ref> ഇതിൽ പരിഗണിക്കപ്പെടുന്ന വിഷയങ്ങൾ അനേകവും ബഹുതരവുമാണെന്ന് കത്തോലിക്കാവിജ്ഞാനകോശം ചൂണ്ടിക്കാണിക്കുന്നു; "ഒരു വിഷയത്തിന്റെ പരിഗണനയ്ക്കിടെ ലേഖകൻ പെട്ടന്ന് മറ്റൊന്നിലേക്കു ചുവടു മാറ്റുകയും താമസിയാതെ വീണ്ടും പഴയതിലേക്കു മടങ്ങുകയും ചെയ്യുന്നു."<ref>കത്തോലിക്കാവിജ്ഞാനകോശം [http://www.newadvent.org/cathen/08275b.htm യാക്കോബിന്റെ ലേഖനം]</ref>