"ടാർഡിഗ്രാഡ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

സൂക്ഷ്മ [[അകശേരുകി|അകശേരുകികളുടെ]] ഒരു വർഗ്ഗമാണ് '''ടാർഡിഗ്രാഡ'''. ദ്വി-പാർശ്വസമമിതിയുള്ള ഈ ജീവികൾക്ക് ഒരു മില്ലിമീറ്ററിന് താഴെ മാത്രമേ നീളമുണ്ടായിരിക്കുകയുള്ളു. നാനൂറോളം സ്പീഷീസ് രേഖപ്പെടുത്തിയിട്ടുണ്ട്. വൈവിധ്യമാർന്ന ആവാസവ്യവസ്ഥകളിൽ ജീവിക്കാൻ കഴിവുള്ള ഇവ ആഗോളവ്യാപകമായി കാണപ്പെടുന്നു. ഇവയെ ഏത് ജന്തു ഫൈലത്തിൽ ഉൾപ്പെടുത്തണമെന്ന കാര്യത്തിൽ ശാസ്ത്രകാരന്മാർക്കിടയിൽ തർക്കമുണ്ട്. ചിലർ ഇവയെ [[ആർത്രൊപോഡ]] ജന്തുഫൈലവുമായി ബന്ധപ്പെടുത്തുമ്പോൾ മറ്റു ചിലർ ഇവയെ [അനലിഡ|അനലിഡയിൽ]] ഉൾപ്പെടുത്തണമെന്ന പക്ഷക്കാരാണ്. ഇവയെ ഒരു സ്വതന്ത്രവർഗമായി നിലനിർത്തണമെന്നു വാദിക്കുന്ന ശാസ്ത്രകാരന്മാരും കുറവല്ല.

മുന്നറ്റത്ത് ഒരു [[പ്രോസ്റ്റോമിയം|പ്രോസ്റ്റോമിയവും]] തുടർന്ന് പിന്നിലേക്ക് അഞ്ച് ഖണ്ഡങ്ങളുമുള്ള ശരീരഘടനയുമാണ് ഇവയ്ക്കുള്ളത്. വായ പ്രോസ്റ്റോമിയത്തിലാണ് കാണപ്പെടുന്നത്. മൃദുവായ ഒരു ഉപചർമം ശരീരത്തേയും അഗ്ര-പശ്ച ആന്ത്രങ്ങളേയും പൊതിഞ്ഞിരിക്കുന്നു. നാലു ജോടി അധര-പാർശ്വക പാദങ്ങൾ ഇവയ്ക്കുണ്ട്. പാദാഗ്രങ്ങളിൽ നഖങ്ങളും കാണപ്പെടുന്നു. ഒരു ജോടി ഉപചർമീയ മുഖ-ഗ്രന്ഥികളും ശൂകികകളും ഇവയുടെ മറ്റു പ്രത്യേകതകളാണ്. [[പചനവ്യൂഹം]] നാളീരൂപത്തിലുള്ളതാണെങ്കിലും ചില ഭാഗങ്ങൾ വീർത്ത് സഞ്ചീരൂപം കൈവരിക്കാറുണ്ട്. ഗ്രസിക ഗ്രസനി എന്നിവ പേശീനിർമിതവുമാണ്.

[[ഹെറ്ററോടാർഡിഗ്രാഡ|ഹെറ്ററോടാർഡിഗ്രാഡകളിൽ]] [[ജനനാംഗ രന്ധ്രം|ജനനാംഗ രന്ധ്രവും]] [[ഗുദം|ഗുദദ്വാരവും]] പ്രത്യേകം പ്രത്യേകം കാണപ്പെടുന്നു. എന്നാൽ [[യൂടാർഡിഗ്രാഡ|യൂടാർഡിഗ്രാഡയിൽ]] ഇവ രണ്ടും ചേർന്ന് [[അവസ്ക്കരം]] എന്ന ദ്വാരം രൂപമെടുത്തിരിക്കുന്നു. ഈ ജീവികളിൽ ലിംഗഭേദം ദൃശ്യമാണ്. ജനനാംഗങ്ങൾ ശരീരത്തിനുള്ളിൽ മുകൾഭാഗത്തേക്കു നീങ്ങി സഞ്ചിരൂപത്തിൽ കാണപ്പെടുന്നു. ജനനാംഗം ഒറ്റയായിട്ടാണ് കാണപ്പെടുന്നതെങ്കിലും ഒരു ജോടി യുഗ്മക-വാഹിനികൾ ഉണ്ട്. ഇവ മുട്ടകളിട്ടാണ് പ്രജനനകർമം നിർവഹിക്കുന്നത്. മിക്ക സ്പീഷീസിലും [[ബാഹ്യബീജസങ്കലനം|ബാഹ്യബീജസങ്കലനരീതിയാണുള്ളത്]]. അപൂർവം ചിലയിനങ്ങളിൽ [[ആന്തരിക ബീജസങ്കലനം|ആന്തരിക ബീജസങ്കലനവും]] നടക്കാറുണ്ട്. രണ്ട് സ്പീഷീസിൽ [[അനിഷേകജനനം|അനിഷേകജനനവും]] രേഖപ്പെടുത്തിയിട്ടുണ്ട്.

ടാർഡിഗ്രാഡകൾ മുഖ്യമായും [[സസ്യഭോജി|സസ്യഭോജികളാണ്]]. സസ്യകോശഭിത്തി ശൂകികകൾ ഉപയോഗിച്ചു തുരന്ന് ഉള്ളിലെ വസ്തുക്കളെ ഗ്രസനിയുടെ പ്രത്യേക വലിച്ചെടുക്കൽ പ്രവർത്തനം വഴി ഇവ ഉള്ളിലേക്ക് എടുക്കുന്നു. അഗ്രആന്ത്രം അമ്ല സ്വഭാവവും പശ്ച-ആന്ത്രം ക്ഷാരസ്വഭാവവും ഉള്ളതാണ്. പശ്ച-ആന്ത്രത്തിലെ കോശങ്ങൾക്കുള്ളിൽവച്ചാണ് പചനം നടക്കുന്നത്. [[മിൽനീസിയം]] പോലെയുള്ള ചില ടാർഡിഗ്രാഡ് ഇനങ്ങൾ [[റോട്ടിഫർ|റോട്ടിഫറുകൾ]], [[നിമറ്റോഡ്|നിമറ്റോഡുകൾ]] എന്നീ ജീവികളുടെ ശരീരത്തിൽ നിന്നും [[ശൂകിക|ശൂകികകളുപയോഗിച്ച്]] മൃദുഭാഗങ്ങൾ വലിച്ചെടുക്കാറുണ്ട്. അഞ്ച് ആഴ്ച വരെ ഇവയ്ക്ക് ഭക്ഷണമില്ലാതെ ജീവിക്കാനുമാവും.

ഏതാണ്ട് 18 മാസങ്ങളാണ് ടാർഡിഗ്രാഡകളുടെ ജീവിതദൈർഘ്യം. ഇതിനിടയിൽ ഇവ 12 പ്രാവശ്യം [[പടംപൊഴിക്കൽ|പടംപൊഴിക്കും]]. ഒരു പടം പൊഴിക്കലിന് 5 മുതൽ 10 ദിവസങ്ങൾ വരെ വേണ്ടിവരും. ഈ ദിവസങ്ങളിൽ ഇവ ഭക്ഷണം കഴിക്കാറുമില്ല. ഓരോ പടം പൊഴിക്കലിനുശേഷവും [[അധിചർമം]] [[സ്രവണം|സ്രവണത്തിലൂടെ]] പുതിയ പുറംചട്ടയ്ക്ക് രൂപം നൽകുന്നു.

ആഗോളവ്യാപകമായി കാണപ്പെടുന്ന ടാർഡിഗ്രാഡകളിൽ [[എക്കിനിസ്കോയ്ഡസ് സിജിസ്മുണ്ടി]] സ്പീഷീസാണ് പ്രാധാന്യമേറിയത്. വ്യത്യസ്ത ആവാസവ്യവസ്ഥകളോട് ഇണങ്ങി ജീവിക്കാനും ഇവയ്ക്കു കഴിയും.