"ദ സ്റ്റോറി ഓഫ് സിവിലിസേഷൻ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

പരമ്പരയിലെ 1944-ല്‍ പ്രസിദ്ധീകരിച്ച മൂന്നാം വാല്യത്തിന് "[[ജൂലിയസ് സീസര്‍|സീസറും]] [[ക്രിസ്തു|ക്രിസ്തുവും]]" എന്നാണ് പേരിട്ടത്. ചരിത്രത്തിലെ മഹാസം‌രംഭങ്ങളിലൊന്നായ [[റോമാ സാമ്രാജ്യം|റോമാ സാമ്രാജ്യത്തിന്റേയും]] അതിന്റെ പിന്നാമ്പുറങ്ങളിലൊന്നില്‍ പാര്‍ശ്വവല്‍കൃത മുന്നേറ്റമായി തുടങ്ങിയ [[ക്രിസ്തുമതം]] ക്രമേണ അതിനെ ഗ്രസിച്ച് കീഴടക്കി അതിജീവിക്കുന്നതിന്റേയും കഥയാണ് ഈ വാല്യം പറഞ്ഞത്. ഒരു കവലപ്പട്ടണമെന്ന നിലയിൽ നിന്ന് ലോകമേധാവിത്വത്തിലേയ്ക്കു വളർന്ന [[റോം]] കിഴക്കു ക്രൈമിയ മുതൽ പടിഞ്ഞാറ് [[ജിബ്രാൾട്ടർ കടലിടുക്ക്|ജിബ്രാൾട്ടർ]] വരേയും, തെക്ക് [[യൂഫ്രട്ടീസ്|യൂഫ്രട്ടീസ് നദി]] മുതൽ വടക്ക് ഇന്നത്തെ ഉത്തര [[ഇംഗ്ലണ്ട്|ഇംഗ്ലണ്ടിലെ]] ഹാഡ്രിയന്റെ ഭിത്തി വരേയും ശാന്തിയുടെ രണ്ടു നൂറ്റാണ്ടുകൾ പുലർത്തിയതും, പശ്ചിമ യൂറോപ്പിലും മദ്ധ്യധരണി പ്രദേശങ്ങളിലും പൗരാണിക സംസ്കാരം പരത്തിയതും, ചുറ്റുപാടുമുള്ള കാടത്തത്തിൽ നിന്ന് സ്വയം രക്ഷിക്കാനുള്ള സാമ്രാജ്യത്തിന്റെ ശ്രമങ്ങളും അതിന്റെ മെല്ലെയുള്ള ചുരുക്കവും അവസാനത്തെ വിനാശകരമായ പതനവും ഈ ആഖ്യാനത്തിൽ വിവരിക്കപ്പെടുന്നു. [[യെരുശലേം|യെരുശലേമിലെ]] അരമനയിൽ പീലാത്തോസിനു മുൻപിൽ സാമ്രാജ്യത്തോടു മുഖാമുഖം നിന്ന [[യേശുക്രിസ്തു|ക്രിസ്തുവിന്റെ]] പേരിൽ ഉത്ഭവിച്ച മതം, വേട്ടയാടപ്പെടുന്ന ആൾക്കൂട്ടമെന്ന അവസ്ഥയിൽ നിന്ന് സമയത്തിന്റേയും ക്ഷമയുടേയും ബലത്തിൽ വളർന്ന്, ആദ്യം സാമ്രാജ്യത്തിന്റെ സൗഹൃദവും പിന്നെ അതിനുമേൽ യജമാനത്ത്വവും കൈവരിച്ച് ഒടുവിൽ അതിന്റെ പിന്തുടർച്ചാവകാശിയാകുന്ന കഥയും ഇതോടൊപ്പം വായിക്കാം.<ref>Caesar and Christ, ആമുഖം(പുരം vii)</ref>

 

 

{{Cquote|അദ്ദേഹത്തിന്റെ ആശയങ്ങളില്‍ പുതിയതായൊന്നുംതന്നെയില്ല. എന്നാല്‍ അത് ക്ഷമിക്കാവുന്നതേയുള്ളു. കാരണം, തത്ത്വചിന്തയില്‍ സത്യമായുള്ളതെല്ലാം പുരാതനവും മൗലികമെന്നു തോന്നുന്നവ അബദ്ധങ്ങളുമാണ്. സെനെക്കയുടെ എല്ലാ കുറവുകളും കണക്കിലെടുത്താലും, റോമിലെ ചിന്തകന്മാരില്‍ ഏറ്റവും മഹാനും, തന്റെ ഗ്രന്ഥങ്ങളിലെങ്കിലും, അവിടത്തെ ഏറ്റവും ബുദ്ധിമാനും ദയാവാനുമായ മനുഷ്യനുമായിരുന്നു അദ്ദേഹം. [[സിസറോ]] കഴിഞ്ഞാല്‍ ചരിത്രത്തിലെ ഏറ്റവും സ്നേഹാര്‍ഹനായ കാപട്യക്കാരനായിരുന്നു(lovable hypocrite) സെനെക്ക.<ref>Ceasar and Christ - പുറം 307</ref>}}