"സൗണ്ടിംഗ് റോക്കറ്റ്" എന്ന താളിന്റെ പതിപ്പുകൾ തമ്മിലുള്ള വ്യത്യാസം

അന്തരീക്ഷ പരീക്ഷണങ്ങള്‍ക്കായുള്ള ശാസ്ത്രീയ ഉപകരണങ്ങളെ വഹിച്ച് കൊണ്ടുപോകാനായി രൂപകല്പന ചെയ്യപ്പെട്ടിട്ടുള്ള പ്രത്യേകതരം റോക്കറ്റുകളാണ് '''സൌണ്ടിംഗ് റോക്കറ്റുകള്‍'''. വിക്ഷേപണത്തിനു ശേഷം അന്തരീക്ഷത്തിലൂടെയുള്ള കുതിപ്പിനിടയില്‍ ഇവയില്‍ ഘടിപ്പിക്കപ്പെട്ടിട്ടുള്ള ഉപകരണങ്ങള്‍ പ്രവര്‍ത്തിക്കുകയും പരീക്ഷണഫലങ്ങള്‍ ഭൂമിയില്‍ ലഭിക്കുകയും ചെയ്യും. സൌണ്ടിംഗ് റോക്കറ്റ് എന്ന പേര്‍ ഇവയ്ക്കു ലഭിച്ചത് അളവെടുക്കുക എന്നര്‍ഥം വരുന്ന ''take a sounding'' എന്ന പദത്തില്‍ നിന്നാണെന്ന് കരുതപ്പെടുന്നു. 50 മുതല്‍ 1500 കിലോമീറ്റര്‍ വരെയാണ് സൌണ്ടിംഗ് റോക്കറ്റുകളുടെ ദൂര പരിധി. കാലാവസ്ഥാ ബലൂണുകള്‍ സാധാരണയാ‍യി ഭൌമോപരിതലത്തില്‍ നിന്ന് 40 കിലോമീറ്റര്‍ ഉയരെ വരെയേ പോവാറുള്ളൂ. ഉപഗ്രഹങ്ങള്‍ ഭൌമോപരിതലത്തില്‍ നിന്ന് 120 കിലോമീറ്റര്‍ മുതല്‍ മുകളിലേക്കുള്ള ദൂരത്തിലാണ് സ്ഥിതിചെയ്യുന്നത്. ഇതിനു രണ്ടിനും ഇടയ്ക്കുള്ള അന്തരീക്ഷത്തില്‍ പരീക്ഷണങ്ങള്‍ നടത്തുവാനും വിവരങ്ങള്‍ ശേഖരിക്കുവാനൂം സൌണ്ടിംഗ് റോക്കറ്റുകള്‍ ഉപയോഗിക്കുന്നു.