"അമ്പായത്തോട് (കണ്ണൂർ)" എന്ന താളിന്റെ പതിപ്പുകൾ തമ്മിലുള്ള വ്യത്യാസം

കണ്ണൂര്‍ ജില്ലയിലെ കൊട്ടിയൂര്‍ പഞ്ചായത്തിലെ ഒരു ഗ്രാമം. കണ്ണൂര്‍ ജില്ലയുടെ അതിര്‍‌ത്തി ഗ്രാമം കൂടിയണിത്. വയനാട് ജില്ലയിലെ തവിഞ്ഞാല്‍ പഞ്ചായത്തിനോട് ചേര്‍‌ന്നു കിടക്കുന്ന ഈ കുടിയേറ്റ ഗ്രാമത്തിന്റെ മൂന്നു വശവും നിക്ഷിപ്ത വനമാണ്. മധ്യ തിരുവിതാംകൂറില്‍ നിന്ന് കുടിയേറിയ കര്‍‌ഷകര്‍ കാട് വെട്ടിത്തെളിച്ച് ഇവിടെ താമസം തുടങ്ങിയത് രണ്ടാം ലോകയുദ്ധത്തിനു ശേഷമുള്ള പഞ്ഞക്കാലത്താണ്. കൊട്ടിയൂരില്‍ നിന്നു വയനാട്ടിലേക്കുള്ള ചുരം റോഡ് ഇതുവഴി കടന്നുപോകുന്നു. കോഴിക്കോട് ജില്ലയിലെ താമരശേരിക്കടുത്തും ഇതേ പേരില്‍ ഒരു ഗ്രാമമുണ്ട്. കുടിയൊഴിപ്പിക്കലുമായി ബന്ധപ്പെട്ട് വാര്‍ത്തകള്‍ വരുന്നത് താമരശേരി അമ്പായത്തോടിനെ കുറിച്ചാണ്.