"വെല്ലിങ്‌ടൺ ഐലൻഡ്‌" എന്ന താളിന്റെ പതിപ്പുകൾ തമ്മിലുള്ള വ്യത്യാസം

1920-കളില്‍, ദ്വീപിന്റെ രൂപീകരണത്തിലേയ്ക്ക് നയിച്ച തുറമുഖ വികസനത്തിന് നേതൃത്വം കൊടുത്തത് ബ്രിട്ടീഷുകാരനായ റോബര്‍ട്ട് ബ്രിസ്റ്റോ എന്ന എഞ്ചിനീയര്‍ ആയിരുന്നു. 1929-ല്‍ അവസാനിച്ച മൂന്നു പ്രവൃത്തി സീസണുകളില്‍, തുറമുഖത്തെ ആഴക്കടലുമായി ബന്ധിപ്പിച്ചുകൊണ്ട് 450 അടി വീതിയിലും മൂന്നര മൈല്‍ നീളത്തിലും ഒരു കടല്പാത നിര്‍മ്മിച്ചപ്പോള്‍ എടുത്തുമാറ്റിയ മണ്ണാണ് 780 ഏക്കര്‍ വിസ്താരമുള്ള ദ്വീപിനു രൂപം കൊടുത്തത്. ഇതിന് നിയോഗിച്ച മണ്ണുമാന്തിക്കപ്പലുകളില്‍ (Suction Dredger) ഏറ്റവും പ്രധാനമായിരുന്നത് "ലേഡി വെല്ലിം‌ഗ്‌ടന്‍" എന്ന കപ്പലാണ്. വേഗത്തിലും, കാര്യക്ഷമതയിലും, പ്രവര്‍ത്തനദൈര്‍ഘ്യത്തിലും അത് ഒരു ലോകറെക്കോര്‍ഡ് തന്നെ സ്ഥാപിച്ചതായി പറയപ്പെടുന്നു.<ref>കൊച്ചിയുടെ ഇതിഹാസവും റോബര്‍ട്ട് ബ്രിസ്റ്റോയും, കേരള ചരിത്രവും അതിന്റെ സൃഷ്ടാക്കളും, എ.ശ്രീധരമേനോന്‍ (അദ്ധ്യായം 36 - പുറങ്ങള്‍ 236-41)</ref>

 

 

[[ലക്ഷദ്വീപ്|ലക്ഷദ്വീപിലേയ്ക്ക്]] കൊച്ചിയില്‍ നിന്ന് പോകുന്ന യാത്രാക്കപ്പലുകള്‍ പുറപ്പെടുന്നത് ഈ ദ്വീപില്‍ നിന്നാണ്. ലക്ഷദ്വീപ് വിനോദസഞ്ചാരവിഭാഗമായ സ്പോര്‍ട്ട്സിന്റെ (സൊസൈറ്റി ഫോര്‍ പ്രമോഷന്‍ ഓഫ് നാച്ചുര്‍ ടൂറിസം ആന്റ് സ്പോര്‍ട്ട്സ്) <ref>[http://www.lakshadweeptourism.com/ Society for Promotion of Nature Tourism and Sports - Lakshadweep Tourism]</ref> ഓഫീസ് ഈ ദ്വീപിലാണ് പ്രവര്‍ത്തിക്കുന്നത്.