ഇറ്റലിയിൽ പീഡ്മോണ്ട് എന്ന പ്രദേശത്തുള്ള മോണ്ട്റീഗൽഗ്രാമത്തിലെ വിയോലിത്തി കുടുംബത്തിൽ 1650-ൽ ജനിച്ചു. കർമലീത്താപാതിരിയായി 17-ാം ശതകത്തിന്റെ ഒടുവിൽ വരാപ്പുഴ വന്നിറങ്ങിയ [[ആഞ്ചലോ ഫ്രാൻസിസ്കോ|ആഞ്ജലോസ്]], 1700-1712 കാലയളവിൽ [[വരാപ്പുഴ|വരാപ്പുഴയിലെ]] ബിഷപ്പ് ആയി പ്രവർത്തിച്ചു. [[കൽദായ കത്തോലിക്കാ സഭ|കൽദായസുറിയാനി]] മെത്രാനായ [[അദ്ദായിലെ ശിമയോൻ|മാർ ശിമയോനാണ്]] ഇദ്ദേഹത്തിന് മെത്രാൻപട്ടം നല്കിയത്. കേരള കത്തോലിക്കർ പാരമ്പര്യമനുസരിച്ച് ആഞ്ജലോസ് മെത്രാനെയും മാർത്തോമ്മാ എന്ന് വിളിച്ചുപോന്നു. മലയാളഭാഷാപഠനത്തിൽ അതീവ താത്പര്യമെടുത്ത ആഞ്ജലോസ്, സംസാര ഭാഷയെ പരിഗണിച്ചു കൊണ്ടായിരുന്നു ആദ്യ മലയാള വ്യാകരണഗ്രന്ഥം തയ്യാറാക്കിയത്.<ref>[http://books.google.co.in/books?id=MZqqyxVkufQC&pg=PA40&lpg=PA40&dq=Angelos+Francis+Malayalam&source=bl&ots=j27GBDDATC&sig=mc9SAJ4z3rrXU0pGlJa3rkADif8&hl=en&sa=X&ei=nM9yUua9OcOlrQePu4DACQ&ved=0CCoQ6AEwAA#v=onepage&q=Angelos%20Francis%20Malayalam&f=false മലയാള ഭാഷയിലും സാഹിത്യത്തിലുമുള്ള വൈദേശിക സ്വാധീനം, ഡോ:കെ.എം ജോർജ്ജ്]</ref> തുടർന്ന് മതപരമായ ഏതാനും ഗ്രന്ഥങ്ങൾ ഇദ്ദേഹം രചിച്ചതായി പറയപ്പെടുന്നു; അവയൊന്നും ഇപ്പോൾ ലഭ്യമല്ല. ആഞ്ജലോസ് 12 വർഷം മെത്രാപ്പോലീത്ത ആയി സേവനം അനുഷ്ഠിച്ചു. വരാപ്പുഴവച്ചു 1712 ഒക്ടോബർ 16നാണ് ഇദ്ദേഹം നിര്യാതനായത്. വരാപ്പുഴ പള്ളിയിൽ ശവസംസ്കാരവും നടത്തപ്പെട്ടു.
