"പരൽ (രസതന്ത്രം)" എന്ന താളിന്റെ പതിപ്പുകൾ തമ്മിലുള്ള വ്യത്യാസം

[[imageചിത്രം:Unknown Quartz crystal 66.JPG|thumb|[[വെള്ളാരങ്കല്‍]]പ്പരല്‍. ഈ ചിത്രത്തിലെ പലതരിപ്പരലിലെ തരികള്‍ പ്രത്യേകം കാണാന്‍ സാധിക്കും]]

പരല്‍ എന്ന പദത്തിന്, ശാസ്ത്രഭാഷയില്‍ സൂക്ഷ്മമായ അര്‍ത്ഥമുണ്ട്. എന്നാല്‍, സാധാരണ ഗ്രാമ്യഭാഷയില്‍, വ്യക്തമായ ഘടനാരൂപമുള്ളതും സുന്ദരങ്ങളുമായ എല്ലാ വസ്തുക്കളേയും പരലുകള്‍ എന്നു വിളിക്കറുണ്ട്. ഉപ്പ്, പഞ്ചസാര, മഞ്ഞുകട്ട, വെള്ളാറങ്കല്ലുകള്‍ (Quartz), പെന്‍‍സില്‍ക്കാമ്പിലുള്ള ഗ്രാഫൈറ്റ് തുടങ്ങിയവയാണ്‍ പരലുകള്‍ക്ക് ഉദാഹരണങ്ങള്‍.

[[imageചിത്രം:Quartz Crystal.jpg|thumb|200px|right|[[ക്വാട്സ്]] പരല്‍]]

[[imageചിത്രം:Bismuth_crystal_macro.jpg|thumb| ചോര്‍പ്പാകൃതിയിലുള്ള കൃത്രിമ [[ബിസ്മത്]] പരല്‍ ]]

ഒരു ദ്രാവകത്തില്‍ നിന്നോ, വസ്തുക്കള്‍ അലിഞ്ഞു ചേര്‍ന്ന ലായനിയില്‍ നിന്നോ ആണ് പരലുകള്‍ രൂപമെടുക്കുന്നത്. ആ പ്രക്രിയ ''പരല്‍രൂപീകരണം'' (Crystallisation) എന്നറിയപ്പെടുന്നു. തണുക്കുന്തോറും വെള്ളം ഉറഞ്ഞ് ആദ്യം ചെറിയ മഞ്ഞുപരലുകള്‍ ഉണ്ടാവുന്നു. ഇത്തരം ചെറുതരികള്‍ ക്രമത്തില്‍ വളര്‍ന്ന്, പല തരികള്‍‍ കൂടിയുറഞ്ഞാണ് മഞ്ഞുകട്ടയാവുന്നത്. പരലുകളുടെ ഭൗതിക സ്വഭാവം, പരലുകളുടെ വലിപ്പം, വിന്യാസം തുടങ്ങിയവ ആശ്രയിച്ചിരിക്കുന്നു. ഉരുകിയലോഹം ഉറഞ്ഞുണ്ടാവുന്ന ലോഹക്കട്ടകള്‍ക്കും ഇക്കാര്യം സത്യമാണ്. ഏതുതരം പരലാണ് രൂപപ്പെടുക എന്നത്, ദ്രാവകത്തിന്റെ രാസഗുണം, ഉറയുന്ന സാഹചര്യം, അന്തരീക്ഷമര്‍ദ്ദം, തുടങ്ങിയകാരങ്ങളെ ആശ്രയിച്ചാണിരിക്കുന്നത്.

ചില സവിശേഷ സന്ദര്‍ഭങ്ങളില്‍, ലായനികള്‍ തണുപ്പിച്ചാല്‍ പരലുകള്‍ രൂപപ്പെടാതെയും വരാം. ലായനിയിലെ അണുക്കള്‍ക്ക് പരല്‍ക്കൂടിലെ (Lattice) അവയുടെ യഥാസ്ഥാനത്ത് എത്താന്‍ കഴിയുന്നതിനു മുമ്പ് അതിവേഗം തണുത്ത് അവയുടെ ചലനശേഷി നഷ്ടപ്പെടുന്നതാണ് മിക്കപ്പോഴും ഇങ്ങനെ സംഭവിക്കുന്നതിനു കാരണം. പരല്‍രൂപമില്ലാത്ത ഇത്തരം വസ്തുക്കളെ അനിയതരൂപങ്ങള്‍ (Amorphous) എന്നോ സ്ഫടികങ്ങള്‍ (Glassy) എന്നോ വിട്രിയസ് വസ്തുക്കള്‍ (Vitreous) എന്നോ വിളിക്കുന്നു. എന്നാല്‍, അരൂപഖരങ്ങളും സ്ഫടികങ്ങളും തമ്മില്‍ പ്രകടമായ വ്യത്യാസങ്ങള്‍ ഉണ്ട്; സ്ഫടികങ്ങള്‍ ഉറയുമ്പോള്‍ [[ലീനതാപം]] (Latent Heat of Fusion) ഉത്സര്‍ജ്ജിക്കുന്നില്ല. അതുകൊണ്ട് ചില ശാസ്ത്രജ്ഞന്മാര്‍ സ്ഫടികങ്ങളെ ഖരവസ്തുക്കളായല്ല, അതി[[ശ്യാനത|ശ്യാന]]ദ്രാവകങ്ങളായിട്ടാണ് (viscous liquids) പരിഗണിക്കുന്നത്; അത് ഒരു തര്‍ക്കവിഷയവുമാണ്.

എല്ലാവിധ [[രാസബന്ധങ്ങള്‍|രാസബന്ധങ്ങളുള്ള]] വസ്തുക്കളിലും പരല്‍ഘടന കാണുന്നുണ്ട്. നിത്യജീവിതത്തില്‍ കാണുന്ന പല പരല്‍വസ്തുകളും ഒന്നിലധികം പരല്‍ത്തരികള്‍ അടങ്ങിയ പലതരിപ്പരലുകള്‍ (Polycrystals) ആണ്. ഏതാണ്ടെല്ലാ ലോഹങ്ങളും, പൊതുവെ പലതരിപ്പരല്‍ രൂപത്തിലാണ് സ്ഥിതിചെയ്യുന്നത്. ഒറ്റപ്പരല്‍ (Monocrystal) ‍ലോഹങ്ങളും, അനിയതരൂപ (Amorphus) ലോഹങ്ങളും ക്ലേശിച്ച് കൃതിമമായി ഉണ്ടാക്കിയെടുക്കുന്നവയാണ്. ലവണങ്ങളുടെ ഉരുകിയ ദ്രവത്തില്‍നിന്നോ അവയുടെ ലായനിയില്‍ നിന്നോ ഉറഞ്ഞുണ്ടാവുന്ന ലവണപ്പരലുകള്‍ അയണികബന്ധമുള്ള (Ionic Bond) പരലുകളാണ്. സഹസംയോജക (Covalent) ബന്ധങ്ങളുള്ള പരലുകളും സാധാരണമാണ്. ഉദാഹരണത്തിന് ഗ്രാഫൈറ്റ്, വജ്രം, സിലിക്ക തുടങ്ങിയവ. [[പോളിമര്‍]] വസ്തുക്കളിലും പരലുകള്ള ഭാഗങ്ങള്‍ കാണാറുണ്ട്. പോളിമര്‍ തന്മാത്രകളുടെ അസാമാന്യമായ നീളം കൊണ്ട് അവ പൂര്‍ണ്ണമായ പരലുകളായിത്തീരുന്നില്ല.

[[Imageചിത്രം:Insulincrystals.jpg|thumb|ഇന്‍സുലിന്‍ പരലുകള്‍]]

[[Imageചിത്രം:Halite(Salt)USGOV.jpg|thumb|[[ഹാലൈറ്റ്|ഹലൈറ്റിന്റെ]] (സോഡിയം ക്ലോറൈഡ്) ഒരു വന്‍പരല്‍]]

ഒന്നില്‍ക്കൂടുതല്‍ രൂപത്തില്‍ സ്ഥിതിചെയ്യാനുള്ള ചില ഖരവസ്തുക്കളുടെ കഴിവിനെ [[ബഹുരൂപത]] (Polymorphism) എന്നുപറയുന്നു. ഉദാഹരണത്തിന് മഞ്ഞുകട്ട (Ice) സാധാരണ ഷഡ്ക്കോണരൂപത്തിലാണു കാണുന്നതെങ്കിലും, അതിന്, ഘനചതുരരൂപത്തിലും (Cubic) ഘനലംബകരൂപത്തിലും (Rhombohedral Ice) മറ്റു രൂപങ്ങളിലും സ്ഥിതിചെയ്യാന്‍ കഴിയും. അരൂപമായും ചില തന്മാത്രകള്‍ കാണാം; അരൂപമഞ്ഞുകട്ട (Amorphous Ice) ഒരുദാഹരണം. ഇത് ബഹുലാരൂപത (Polyamorphism) എന്നറിയപ്പെടുന്നു.

[[Imageചിത്രം:Gallium1_640x480.jpg|thumb| അനായാസം വലിയ ഒറ്റപ്പരലാവുന്ന [[ഗാലിയം]] എന്ന ലോഹം ]]

1982ല്‍ ഡാന്‍ ഷെക്റ്റ്മാന്‍ എന്ന ശാസ്ത്രജ്ഞന്‍, പരലുപോലിരിക്കുന്നതും എന്നാല്‍ സൂക്ഷ്മതലത്തില്‍ ക്രമാവര്‍ത്തനമില്ലാത്തതുമായ അണുകകളുടെ അടുക്കുകള്‍ കണ്ടെത്തി. പരലുകളുടെ അതുവരെയുണ്ടായിരുന്ന ‍പരമ്പരാഗത നിര്‍വചനം ഈ കണ്ടെത്തല്‍ കാരണം മറ്റേണ്ടതായി വന്നു. ''പാതിപ്പരലുകള്‍'' (Quasicrystals) എന്നൊരു ആശയവും സ്വീകരിക്കപ്പെട്ടു. ഇന്റര്‍നാഷണല്‍ യൂണിയന്‍ ഓഫ് ക്രിസ്റ്റലോഗ്രഫി [[യുക്ലീഡിയന്‍സമഷ്ടി|സ്ഥാനസമഷ്ടി]] ആധാരമായ പരമ്പരാഗത നിര്‍വചനം മാറ്റി, [[ഫൂറിയര്‍ സമഷ്ടി]] ആധാരമാക്കി ''അനന്യമായ വിഭംഗനചിത്രം (Diffraction Diagram) നല്‍കുന്ന ഏതൊരു ഖരവസ്തുവും പരലാണെന്ന്'' പുനര്‍നിര്‍വചിച്ചു. അപ്രകാരം, പരലുകളുടെ കൂട്ടത്തില്‍ ക്രമാവര്‍ത്തിതഘടനയുള്ള സാധാരണ പരലുകളൂം, ആവര്‍ത്തനസ്വഭാവമില്ലാത്ത പരലുകളെയും വെവ്വേറേ ഉള്‍പ്പെടുത്തി. സൂഷ്മതലത്തിലുള്ള തനിയാവര്‍ത്തനം, ഒരു വസ്തു പരലായി പരിഗണിക്കാനുള്ള പര്യാപ്തനിബന്ധനയാണെങ്കിലും (Sufficient Condition), 1996 ലെ ഈ പുതിയ നിര്‍വചനമനുസരിച്ച് ഒരു അവശ്യനിബ്ബന്ധനയല്ല (Necessary Condition).

[[Imageചിത്രം:A fossil shell with calcite.jpg|thumb|കാല്‍സൈറ്റ്പരലുകളുള്ള ഒരു [[ഫോസില്‍]]]]

സ്വതന്ത്രങ്ങളായ അകാര്‍ബണികദ്രവ്യങ്ങള്‍ക്ക്‍ അതിന്റെ ഏറ്റവും സ്ഥിരഭൗതികാവസ്ഥയായ പരല്‍ രൂപമെടുക്കുന്നതിനുള്ള ഒരു പ്രവണതയുണ്ട്. പരല്‍രൂപമുള്ള പാറക്കെട്ടുകള്‍ [[മാഗ്മ]]യോ ജലലായനികളോ ഘനീഭവിച്ചുണ്ടായവയാണ്. സിംഹഭാഗം [[ആഗ്നേയശില|ആഗ്നേയശിലകളൂം]] (Igneous Rocks) ഈവിഭാഗത്തിലുള്ളവയാണ്. അവ ഘനീഭവിച്ച സാഹചര്യമനുസരിച്ചാണ് പാറയുടെ പരലീകരണം സംഭവിക്കുന്നത്. [[ഗ്രനൈറ്റ്]] പാറകള്‍ അതിസമ്മര്‍ദ്ദത്തില്‍ വളരെ സാവധാനം തണുത്ത് പൂര്‍ണ്ണമായും പരല്‍ രൂപമായവയാണ്. എന്നാല്‍ പലപ്പോഴായി ഉരുകിവീണ [[ലാവ]] പെട്ടന്നു തണുത്തുണ്ടായ പാറകളില്‍ അരൂപങ്ങളായതോ സ്ഫടികരൂപമുള്ളതോ ആയ വസ്തുക്കള്‍ വളരെ സാധാരണമായി കാണുന്നുണ്ട്. വരണ്ട കാലവസ്ഥയില്‍ ലായനികള്‍ ബാഷ്പീകരിച്ചുണ്ടായ അവസാദശിലകളാണ് (Sedimentary Rocks) [[ഉപ്പുപാറ|ഉപ്പുപാറകള്‍]] (Rock Salt) , ജിപ്സും, [[ചുണ്ണാമ്പുകല്ല്|ചുണ്ണാമ്പുകല്ലുള്‍]] (Limestone) മുതലായ മറ്റു പരല്‍പ്പാറകള്‍. വെണ്ണക്കല്ലുകള്‍, അഭ്ര-ഷിസ്റ്റ്പാറകള്‍, ക്വര്‍ട്സൈറ്റുകള്‍ തുടങ്ങിയ [[കായന്തരശിലകള്‍]] (Metamorphic) എന്നറിയപ്പെടുന്ന മറ്റൊരുതരം പാറകള്‍ അതിതാപവും അതിമര്‍ദ്ദവും കൊണ്ട് പിന്നീടു പരലുകളായിത്തീര്‍ന്ന ശിലകളാണ്. ആദ്യം ഇത്തരം പാറകള്‍ ദ്രവങ്ങളോ ലായനികളോ അയിരുന്നിട്ടില്ലാത്ത ചുണ്ണാമ്പുകല്ലോ മണല്‍ക്കല്ലോ (Sans Stone) സദൃശങ്ങളോ ആയ പാറകളായിരുന്നു. [[കായാന്തരണം]] അവയുടെ ആദ്യഘടന തിരുത്തി പരലുകളാക്കിത്തീര്‍ക്കുകയായിരുന്നു.

| [[തന്തുജാലപ്പരല്‍|തന്തുജാലം (Network) ]]

|}

[[Categoryവര്‍ഗ്ഗം:ഖരവസ്തുക്കള്‍]]