|
== ജീവിതരേഖ ==
1930 സെപ്റ്റംബർ 12നു ആലപ്പുഴ ജില്ലയിലെ കുട്ടനാട് താലൂക്കിൽ കാവാലം കരയിലായിരുന്നു അയ്യപ്പപ്പണിക്കരുടെ ജനനം. അച്ഛൻ ഇ.നാരായണൻ നമ്പൂതിരി; അമ്മ എം. മീനാക്ഷിയമ്മ. കാവാലം ഗവൺമെന്റ് പ്രൈമറി സ്കൂൾ, എൻ.എസ്.എസ്. മിഡിൽ സ്കൂൾ, മങ്കൊമ്പ് അവിട്ടം തിരുനാൾ ഹൈസ്കൂൾ, പുളിങ്കുന്ന് സെന്റ് ജോസഫ്സ് ഹൈസ്കൂൾ എന്നിവിടങ്ങളിലായി സ്കൂൾ വിദ്യാഭ്യാസം പൂർത്തിയാക്കി. കോഴിക്കോട് മലബാർ ക്രിസ്ത്യൻ കോളേജിലായിരുന്നു ബിരുദ പഠനം.
[[യു.എസ്.എ.|അമേരിക്കയിലെ]] ഇൻഡ്യാന സർവകലാശാലയിൽ നിന്ന് എം.എ., പി‌എച്ച്.ഡി. ബിരുദങ്ങൾ നേടി. കോട്ടയം സി.എം.എസ്. കോളേജിൽ ഒരു വർഷത്തെ അദ്ധ്യാപകവൃത്തിക്കുശേഷം 1952-ൽ തിരുവനന്തപുരം എം.ജി. കോളേജിലെത്തി. ദീർഘകാലം ഇവിടെയായിരുന്നു അധ്യാപന ജീവിതം. പിന്നീട് കേരള സർവകലാശാലയുടെ ഇംഗ്ലീഷ് വിഭാഗം മേധാവിയായും പ്രവർത്തിച്ചു.
== കവിതകൾ ==
മലയാള കവിതയെ ആധുനികതയിലേക്കും ഉത്തരാധുനിക കവിതയിലേക്കും കൈപിടിച്ചു നടത്തിയത് അയ്യപ്പപ്പണിക്കരാണെന്നു പറയാം. 1960-ൽ [[ദേശബന്ധു]] വാരികയിൽ പ്രസിദ്ധീകരിച്ച അയ്യപ്പപ്പണിക്കരുടെ കുരുക്ഷേത്രം എന്ന കവിതയാണ് മലയാള ആധുനിക കവിതയുടെ ആധാരശില.
{{ഉദ്ധരണി|നീതിക്കുവേണ്ടി കരഞ്ഞുഴന്നീടവേ,<br />
ഗീത ചൊല്ലിക്കേട്ടൊരർജ്ജുനനല്ല ഞാൻ}}
- കുരുക്ഷേത്രം (അയ്യപ്പപ്പണിക്കർ)
സർവ്വേന്ദ്രിയസ്പർശിത്വമാണ് കാവ്യാനുഭൂതിയുടെ കാതൽ എന്നെഴുതിയ അയ്യപ്പപ്പണിക്കരുടെ ഓരോ കവിതയും പിന്നീട് മലയാള കവിതയ്ക്ക് നവീനഭാവുകത്വത്തിലേക്കുള്ള മുന്നേറ്റങ്ങളായി.
{{ഉദ്ധരണി|കൈക്കുഞ്ഞിനെ, വഴിയിലിട്ടും കളഞ്ഞു നട <br />
കൊണ്ടോരു ഗോപയനി വിൽക്കും മുലപ്പട,<br />
മതിൽപ്പറ്റി നിൽക്കുമൊരു ദുഃഖാർദ്ര വിസ്മൃതിവിലാസം}}<br />
- മൃത്യുപൂജ (അയ്യപ്പപ്പണിക്കർ)
== പ്രധാന കൃതികൾ ==
*[[അയ്യപ്പപ്പണിക്കർ കൃതികൾ (കവിത)|അയ്യപ്പപ്പണിക്കരുടെ കൃതികൾ]] (നാലു ഭാഗം)
*കുരുക്ഷേത്രം
*[[അയ്യപ്പപ്പണിക്കരുടെ ലേഖനങ്ങൾ]] (രണ്ടു ഭാഗം)
*തകഴി ശിവശങ്കരപ്പിള്ള (ജീവചരിത്രം)
*കാർട്ടൂൺ കഥകളും മഹാരാജ കഥകളും
*10 കവിതകളും പഠനങ്ങളും
*പൂക്കാതിരിക്കാൻ എനിക്കാവതില്ലേ
*ഗോത്രയാനം
*പൂച്ചയും ഷേക്സ്പിയറും (വിവർത്തനം)
*കവിതകൾ (വിവർത്തനം)
*സൗത്ത് ബൌണ്ട് (ഇംഗ്ലീഷ് കവിതകൾ)
*ഇൻ ദ് സേക്രഡ് നേവൽ ഓഫ് ഔർ ഡ്രീം (ഇംഗ്ലീഷ്)
*ഐ കാണ്ട് ഹെല്പ് ബ്ലോസ്സമിങ് (ഇംഗ്ലീഷ്)
* ക്യൂബൻ കവിതകൾ
* ഗുരുഗ്രന്ഥസാഹിബ്
* ഹേ ഗഗാറിൻ
* കുടുംബപുരാണം
* മൃത്യു
*കുതിര കൊമ്പ്
*മർത്യപൂജാ
പുരൂരവസ് - (അയ്യപ്പപ്പണിക്കരുടെ തികച്ചും വ്യത്യസ്തമായ ഒരു കാൽപനിക കവിതയാണിത്. അഞ്ചു പ്രധാന ഭാഗങ്ങൾ ഉണ്ട്. ജ്വാല, ലത, ഗീതം, മൺകുടീരം , പ്രാർത്ഥന. പ്രണയത്തിന്റെ പല ഭാവങ്ങൾ ഈ 5 ഭാഗങ്ങൾ കൂടി കവി അവതരിപ്പിക്കുന്നു. ജ്വാലയിൽ പ്രണയത്തെ അഗ്നിയോട് വർണിക്കുന്നു. ലതയിൽ പ്രണയം ആഘോഷിക്കുന്നു. ഗീതത്തിൽ പ്രണയത്തെ കുറിച്ചു ഓർക്കുമ്പോൾ നഷ്ടപ്രണയ സങ്കൽപ്പത്തിൽ കവി ഒരു മൺകുടീരം പണിയുന്നു. എല്ലാം ദൈവത്തിൽ അർപ്പിച്ച് ഓർമകളെ മറക്കാൻ ശ്രമിക്കുകയാണ് അവസാന ഭാഗത്ത്.
== പുരസ്കാരങ്ങൾ ==
[[സരസ്വതി സമ്മാൻ]], [[കേന്ദ്ര സാഹിത്യ അക്കാദമി|കേന്ദ്ര സാഹിത്യ അക്കാദമിയുടെ]] കാവ്യ പുരസ്കാരം, കവിതയ്ക്കും നിരൂപണത്തിനുമുള്ള [[കേരള സാഹിത്യ അക്കാദമി]] അവാർഡുകൾ, [[കുമാരനാശാൻ|ആശാൻ പ്രൈസ്]], മഹാകവി പന്തളം കേരളവർമ്മ പുരസ്കാരം, [[ഒറീസ്സ|ഒറീസ്സയിൽനിന്നുള്ള]] ഗംഗാധർ മെഹർ അവാർഡ്, [[മധ്യപ്രദേശ്|മധ്യപ്രദേശിൽ]] നിന്നുള്ള കബീർ പുരസ്കാരം, ഭാരതീയ ഭാഷാ പരിഷത്തിന്റെ ഭിൽ‌വാര പുരസ്കാരം, എന്നിവയുൾപ്പെടെ പല പുരസ്കാരങ്ങളും ലഭിച്ചു. [[വയലാർ]] അവാർഡ് നിരസിച്ചു.
{{കേന്ദ്ര സാഹിത്യ അക്കാദമി പുരസ്കാരം - മലയാളം}}
{{Saraswati Samman}}
| 