"ബസവരാജ് ബൊമ്മൈ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

'''ബസവരാജ് സോമപ്പ ബൊമ്മൈ''' (ജനനം: 28 ജനുവരി 1960) ഇന്ത്യൻ രാഷ്ട്രീയ പ്രവർത്തകനും [[കർണാടക|കർണാടക സംസ്ഥാനത്തെ]] 23-ആമത് മുഖ്യമന്ത്രിയാണ്. 2021 ജൂലൈ 28 ന് [[ബി.എസ്. യെഡിയൂരപ്പ|ബി. എസ്. യെദ്യൂരപ്പ]] സ്ഥാനമൊഴിഞ്ഞതിനേത്തുടർന്ന് അദ്ദേഹം കർണാടക സംസ്ഥാന മുഖ്യമന്ത്രിയായി.<ref>{{cite web|url=https://economictimes.indiatimes.com/news/politics-and-nation/bjp-names-basavaraj-bommai-as-new-chief-minister-of-karnataka/articleshow/84795996.cms|title=BJP names Basavaraj Bommai as new chief minister of Karnataka|accessdate=27 July 2021|date=27 July 2021|publisher=[[The Economic Times]]}}</ref> 2008 മുതൽ 3 തവണയായി അദ്ദേഹം ഷിഗാവോൺ നിയമസഭാ മണ്ഡലത്തെ പ്രതിനിധീകരിച്ച് കർണാടക നിയമസഭയിൽ അംഗമാണ്. 1998 നും 2008 നും ഇടയിൽ അദ്ദേഹം കർണാടക ലെജിസ്ലേറ്റീവ് കൗൺസിൽ അംഗമായിരുന്നു.

1960 ജനുവരി 28 ന് പഴയ മൈസൂർ സംസ്ഥാനത്തെ (ഇന്നത്തെ കർണാടക) ഹൂബ്ലിയിൽ മുൻ കർണാടക മുഖ്യമന്ത്രി എസ്. ആർ. ബൊമ്മൈയുടെയും ഗംഗാമ്മയുടെയും പുത്രനായി ജനിച്ചു. ബി.വി. ഭൂമരഡ്ഡി കോളേജ് ഓഫ് എഞ്ചിനീയറിംഗ് ആൻഡ് ടെക്നോളജിയിൽനിന്ന് (നിലവിൽ കെ.എൽ.ഇ ടെക്നോളജിക്കൽ യൂണിവേഴ്സിറ്റി) നിന്ന് മെക്കാനിക്കൽ എഞ്ചിനീയറിംഗിൽ ബിരുദം നേടിയിട്ടുള്ള ബൊമ്മൈ, ടാറ്റ ഗ്രൂപ്പിലൂടെയാണ് തന്റെ ഔദ്യോഗിക ജീവിതം ആരംഭിച്ചത്. തൊഴിൽപരമായി ഒരു കൃഷിക്കാരനും വ്യവസായിയും കൂടിയാണ് അദ്ദേഹം. ചെന്നമ്മയെ വിവാഹം കഴിച്ച അദ്ദേഹത്തിന് ഒരു മകനും മകളുമുണ്ട്.<ref>{{Cite news|title=Basavaraj Bommai elected as Chief Minister of Karnataka|url=https://www.thehindubusinessline.com/news/national/basavaraj-bommai-elected-as-chief-minister-of-karnataka/article35568482.ece|access-date=28 July 2021|publisher=The Hindu BusinessLine}}</ref> ലിംഗായത്ത് സമുദായത്തിലെ ബനാജിഗ ഉപവിഭാഗത്തിൽപ്പെട്ടയാളാണ് അദ്ദേഹം.

ധാർവാഡ് പ്രാദേശിക നിയോജകമണ്ഡലത്തിൽ നിന്ന് 1998 ലും 2004 ലുമായി രണ്ടുതവണ അദ്ദേഹം കർണാടക ലെജിസ്ലേറ്റീവ് കൗൺസിൽ അംഗമായി തിരഞ്ഞെടുക്കപ്പെട്ടിട്ടുണ്ട്.<ref>[http://kla.kar.nic.in/mlc'list/SRI%20Basavaraj%20Bommai.htm Member's Profile]</ref> ജനതാദൾ (യു) വിട്ട് 2008 ഫെബ്രുവരിയിൽ ഭാരതീയ ജനതാ പാർട്ടിയിൽ അംഗമായി ചേർന്നു.<ref>{{Cite news|date=10 February 2008|title=Basavaraj Bommai joins BJP|work=[[The Hindu]]|url=http://www.hindu.com/2008/02/10/stories/2008021060310100.htm|access-date=28 July 2021|archive-url=https://web.archive.org/web/20080211092423/http://www.hindu.com/2008/02/10/stories/2008021060310100.htm|archive-date=11 February 2008}}</ref>

2008 ൽ നടന്ന കർണാടക സംസ്ഥാന തെരഞ്ഞെടുപ്പിൽ ഹവേരി ജില്ലയിലെ ഷിഗ്ഗാവോൺ മണ്ഡലത്തിൽ നിന്ന് കർണാടക നിയമസഭയിലേക്ക് തിരഞ്ഞെടുക്കപ്പെട്ടു. അന്നത്തെ മുഖ്യമന്ത്രി ബി.എസ്. യെദിയൂരപ്പയുടെ അടുത്ത വിശ്വസ്തനായി അദ്ദേഹം കണക്കാക്കപ്പെട്ടു.<ref>{{Cite web|url=https://www.dnaindia.com/bangalore/report-friends-help-bs-yeddyurappa-last-another-day-in-karnataka-1470665|title=Friends help BS Yeddyurappa last another day in Karnataka|access-date=2021-07-28|last=Kumar|first=Hemanth|date=2010-11-23|website=DNA India|language=en}}</ref>