പാലൊളി സമിതി

കേരളത്തിലെ മുസ്‌ലിം സമുദായത്തിന്റെ സാമൂഹികവും സാമ്പത്തികവും വിദ്യാഭ്യാസപരവുമായ അവസ്ഥയെക്കുറിച്ച് ഒരു വിവരണം തയ്യാറാക്കുന്നതിനായി നിയമിച്ച സമിതിയാണ് പാലൊളി സമിതി. കേരളത്തിലെ തദ്ദേശ ഭരണ മന്ത്രിയായിരുന്നു പാലൊളി മുഹമ്മദ് കുട്ടി ചെയർമാനായിരുന്ന ഈ സമിതി പാലൊളി കമ്മീഷൻ, പാലൊളി കമ്മിറ്റി എന്നീപേരുകളിലും അറിയപ്പെടുന്നു. ഇന്ത്യയിലെ മുസ്‌ലിം സമുദായത്തിന്റെ സാമൂഹികവും സാമ്പത്തികവും വിദ്യാഭ്യാസപരവുമായ അവസ്ഥയെക്കുറിച്ച് പഠിക്കാനായി മൻമോഹൻ സിങ് പ്രധാനമന്ത്രിയായിരുന്നപ്പോൾ രജീന്ദർ സച്ചാർ സമിതി എന്നപേരിൽ ഒരു ഉന്നതാധികാര സമിതിയെ നിയോഗിച്ചിരുന്നു. ഇന്ത്യൻ മുസ്‌ലിംകളുടെ അവസ്ഥ പട്ടികജാതി പട്ടികവർഗ്ഗ വിഭാഗത്തേക്കാൾ താഴന്ന നിലവാരത്തിലുള്ളതാണെന്ന് ഈ സമിതി കണ്ടെത്തിയിരുന്നു.ഈയൊരു പശ്ചാലത്തിൽ കേരളത്തിൽ സച്ചാർ കമ്മിറ്റി നടപ്പിലാക്കുന്നതു സംബന്ധിച്ച് പഠനം നടത്താൻ നിയമിച്ച സമിതിയായിരുന്നു പാലൊളി മുഹമ്മദ് കുട്ടി സമി. മുസ്ലിങ്ങളെ വിഷമത അനുഭവിക്കുന്ന വിഭാഗത്തിൽ പ്രത്യേകമായി നോട്ട് ചെയ്യുകയും വിദ്യാഭ്യാസ രംഗത്തുള്ള പിന്നോക്കാവസ്ഥയാണ് ഇതിന്റെ പ്രധാന കാരണമെന്നും ഈ സമിതി കണ്ടെത്തി. ഉദ്യോഗസ്ഥ സമൂഹത്തിൽ ന്യൂനപക്ഷ വിഭാഗത്തിലെ മുസ്ലിങ്ങൾ വളരെ കുറവാണ് എന്നുള്ളത് കണ്ടെത്തി. അവർക്ക് കോച്ചിങ്ങ് സെന്റർ മുഖേന ആ സ്ഥാനത്ത് എത്താൻ യോഗ്യത നേടാൻ സഹായിക്കുന്ന സംവിധാനങ്ങളുണ്ടാക്കണമെന്നും സമിതിയുടെ നിർദേശങ്ങളിൽ ഉൾപ്പെടുന്നു.ഈ കണ്ടെത്തലിന്റെ അടിസ്ഥാനത്തിലെടുത്ത മറ്റൊരു തീരുമാനമാണ് മുസ്ലിം പെൺകുട്ടികൾക്കുള്ള സ്‌കോളർഷിപ്പ് .