"ഇരകൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

 

സാമ്പത്തിക വിജയം നേടിയില്ലെങ്കിലും ചിത്രം മികച്ച നിരൂപക പ്രശംസ നേടി. ആ വർഷത്തെ രണ്ടു സംസ്ഥാന അവാർഡുകളും ചിത്രം നേടി.

==കഥാംശം==

സമൃദ്ധിയിൽ ഐശ്വര്യം നശിക്കുന്ന, സാത്താൻ വാഴുന്ന ഒരു ലോകം ആണ് ഈ ചിത്രന്റെ പ്രമേയം. കാശുകൊണ്ടും സ്വാധീനം കൊണ്ടും എന്തും നേടാമെന്ന് കരുതുന്ന രബർ മുതലാളിയാണ് പാലക്കുന്നേൽ മാത്യു എന്ന മാത്തുക്കുട്ടിയുടെ ([[തിലകൻ]]). കയ്യൂക്കുകൊണ്ടും സ്വാധീനം കൊണ്ടും അയാൾ എല്ലാം കയ്യടക്കാൻ ശ്രമിക്കുന്നു. മൂത്തമകൻ കോശി ([[പി.സി. ജോർജ്ജ് (നടൻ‌)|പി.സി. ജോർജ്ജ്]]) കള്ളക്കടത്തും മരംവെട്ടും കഞ്ചാവും ഒക്കെ യായി ഗുണ്ടായിസത്തിലാണ്, രണ്ടാമത്തെ മകൻ സണ്ണീ ([[സുകുമാരൻ]]) രാപ്പകൽ മദ്യപാനി, മകൾ ആനി ([[ശ്രീവിദ്യ]]) മാന്യനായ ഭർത്താവുണ്ടെങ്കിലും ([[നെടുമുടി വേണു]])പരപുരുഷരിലും മദ്യത്തിലും ആസക്തിയുള്ള സൊസൈറ്റി ലേഡി. ഇതെല്ലാം കണ്ട് വളരുന്ന ഇളയവൻ ബേബി ([[ഗണേഷ് കുമാർ]]) ആണ് ഈ കഥയിലെ നായകൻ. അവന്റെ വിചാരവികാരങ്ങളിലൂടെ കഥ മുന്നോട്ട് പോകുന്നു. ബന്ധുവായ മെത്രാൻ([[ഭരത് ഗോപി]]) വരെ ഈ കുടുംബത്തെ നന്നാക്കാൻ ശ്രമിച്ചെങ്കിലും ശരിയാകുന്നില്ല. കാശുകൊടുത്ത് എഞ്ചിനീറിങ്ങിനു ചേർന്ന അവൻ അവിടെ ഒരുത്തനെ റാഗ് ചെയ്ത് കൊല്ലാറാക്കിയതിനു പുറത്താക്കപ്പെടുന്നു. കേസെല്ലാം പിടിപാടുകൾകൊണ്ട് അച്ഛൻ ഒതുക്കി. അവൻ സ്നേഹിക്കുന്ന ടാപ്പറുടെ മകൾ നിർമ്മലക്കും ([[രാധ (നടി)|രാധ]]) വേറെ വിവാഹം എന്ന് കേട്ടപ്പോൾ അവനു സഹിക്കാനായില്ല. ഒളിസങ്കേതങ്ങളിൽ ഒരുപാട് തവണ അവനോട്ഒന്നിച്ചിട്ടുള്ള അവൾ ബാലനെ ([[വേണു നാഗവള്ളി]]) വിവാഹം ചെയ്യുന്നു എന്നറിഞ്ഞ് ബേബി ബാലനെ കൊല്ലുന്നു. പലപ്പോഴും ഭർത്താവുമായി പിണങ്ങി വീട്ടിലെത്തുന്ന ആനി അത് ഭൃത്യനായ ഉണ്ണൂണ്ണിയുമായി സംഗമിക്കാനാണെന്ന് മനസ്സിലായ അവൻ ഉണ്ണൂണ്ണിയേയും([[മോഹൻ ജോസ് (നടൻ‌)|മോഹൻ ജോസ് ]]) കൊന്ന് കെട്ടിത്തൂക്കുന്നു. തന്റെ ഉറ്റസുഹൃത്തായ ടാപ്പിങ്ങുകാരൻ രാഘവൻ ([[അശോകൻ (നടൻ)|അശോകൻ]]) നിർമ്മലയെ കെട്ടുന്നു എന്നറിഞ്ഞ അവൻ അവനെയും കൊല്ലാൻ ശ്രമിക്കുന്നു. പരാജയപ്പെട്ട അവൻ ഒരു ദിവസം ഒളിച്ചിരുന്നു എങ്കിലും രാത്രി വീട്ടിലെത്തുന്നു. എതിർത്ത കോശിയെ വെടിവെക്കുന്നു. സഹിയാതെ മാത്തുക്കുട്ടി തന്നെ അവനെ വെടിവെച്ചുകൊല്ലുന്നു. ഇരയും വേട്ടക്കാരനും ഒരാൾ തന്നെയാകുന്ന അത്ഭുതം എന്നാണ് ഈ ചിത്രത്തെപ്പറ്റി ഒരു വിശകലനം.