"രതീഷ്" എന്ന താളിന്റെ പതിപ്പുകൾ തമ്മിലുള്ള വ്യത്യാസം

[[ആലപ്പുഴ|ആലപ്പുഴയിലെ]] [[കലവൂർ|കലവൂരിൽ]] പുത്തൻപുരയിൽ രാജഗോപാൽ പത്മാവതിയമ്മ ദമ്പതികളുടെ മകനായി ജനിച്ചു. ഷേർളി, ലൈല എന്നീ സഹോദരിമാർ രതീഷിനുണ്ട്. [[കൊല്ലം ശ്രീനാരായണ കോളേജ്|കൊല്ലം ശ്രീനാരായണ കോളേജിലും]] [[ആലപ്പുഴ]] SN കോളേജിലും ഇദ്ദേഹം പഠിച്ചു.

1977-ൽ പുറത്തിറങ്ങിയ [[വേഴാമ്പൽ (ചലച്ചിത്രം)|വേഴാമ്പൽ]] എന്ന സിനിമയിലൂടെയാണ് ഇദ്ദേഹം ചലച്ചിത്രരംഗത്ത് അരങ്ങേറ്റം കുറിക്കുന്നത്. എന്നാൽ, സഹസംവിധായകനാവാൻ [[കെ.ജി. ജോർജ്ജ്|കെ.ജി. ജോർജിനെ]] കാണാനെത്തിയ ആ ചെറുപ്പക്കാരനെ 1979-ൽ [[കെ.ജി. ജോർജ്ജ്]] താൻ സംവിധാനം ചെയ്ത് പുറത്തിറങ്ങിയ [[ഉൾക്കടൽ (ചലച്ചിത്രം)|ഉൾക്കടൽ]] എന്ന ചിത്രത്തിലൂടെ അഭിനേതാവായി അവതരിപ്പിക്കുകയും അങ്ങനെ അദ്ദേഹം ശ്രദ്ധിക്കപ്പെടുകയും ചെയ്തു. '[[ഉൾക്കടൽ (ചലച്ചിത്രം)|ഉൾക്കടൽ]]' എന്ന ചിത്രത്തിലെ മെഡിക്കൽ റെപ്രസന്റേറ്റീവായ 'ഡേവിസ്'എന്ന കഥാപാത്രത്തെ അദ്ദേഹം അവിസ്മരണീയമാക്കി. പിന്നീട് [[തേരോട്ടം]] എന്ന ചിത്രത്തിൽ സഹനായകനായി അഭിനയിച്ചെങ്കിലും ചിത്രം പുറത്തിറങ്ങിയില്ല. 1981-ൽ പുറത്തിറങ്ങിയ [[തുഷാരം (ചലച്ചിത്രം)|തുഷാരം]] എന്ന [[ഐ.വി. ശശി]] ചിത്രത്തിൽ രതീഷ് ആദ്യമായി നായകനായി വേഷമിട്ടു. മലയാളത്തിന്റെ ആക്ഷൻ താരം [[ജയൻ|ജയനു]] വേണ്ടി മെനഞ്ഞുണ്ടാക്കിയ ഈ കഥാപാത്രത്തെ രതീഷ് മികവുറ്റതാക്കുകയും നായകനെന്ന നിലയിൽ തന്റെ സ്ഥാനം ഉറപ്പിക്കുകയും ചെയ്തു.

നടൻ [[സത്താർ (നടൻ)|സത്താറുമായി]] ചേർന്ന് മൂന്നു ചിത്രങ്ങളും [[അയ്യർ ദ ഗ്രേറ്റ്|അയ്യർ ദി ഗ്രേറ്റ്‌]] , [[ചക്കിക്കൊത്തൊരു ചങ്കരൻ]] എന്നീ ചിത്രങ്ങൾ ഒറ്റയ്ക്കും രതീഷ് നിർമിച്ചിട്ടുണ്ട്. മുൻ മന്ത്രി [[എം.കെ. ഹേമചന്ദ്രൻ|എം.കെ. ഹേമചന്ദ്രന്റെ]] മകൾ പരേതയായ ഡയാനയാണ് (മരണം: ഡിസംബർ 8, 2014) രതീഷിന്റെ ഭാര്യ. ഇവരുടെ മക്കളും ഇന്ന് സിനിമയിൽ സജീവമാണ്. 2002 ഡിസംബർ 23-ന് രാവിലെ എട്ട് മണിക്ക് നെഞ്ചുവേദനയെ തുടർന്ന് കിംസ് ആശുപത്രിയിൽ പ്രവേശിപ്പിച്ച അദ്ദേഹം അവിടെവച്ച് അന്തരിച്ചു. മരണസമയത്ത് രതീഷിന്റെ [[പുനലൂർ|പുനലൂരിലുള്ള]] ഫാം ഹൗസിലായിരുന്നു ഭാര്യ ഡയാന.