"ശിവൻ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

 

അഞ്ച് മുഖങ്ങൾ ഉള്ള ഭഗവാൻ ശിവൻ പഞ്ചകൃത്യ മൂർത്തിയാണെന്ന് ശിവപുരാണം, സ്കന്ദ പുരാണം, ഇതര ഗ്രന്ഥങ്ങളിൽ പ്രതിപാദിക്കുന്നു. സൃഷ്ടി,സ്ഥിതി, സംഹാരം, തിരോധാനം, അനുഗ്രഹം എന്നിവയാണ് പഞ്ചകൃത്യങ്ങൾ അതിനാൽ തന്നെ ബ്രഹ്മാവും, മഹാവിഷ്ണുവും, മഹാരുദ്രനും, മഹേശ്വരനും, സദാശിവനും പരമേശ്വരന്റെ അഞ്ചുമുഖങ്ങൾ തന്നെ ആണെന്ന് പുരാണങ്ങളിൽ പ്രതിപാദിക്കുന്നു. അഞ്ച് കൃത്യവും ചെയ്യുന്ന പരബ്രഹ്മമായ പഞ്ചമുഖ മഹാദേവനെ പഞ്ചവക്ത്രൻ എന്ന് വിളിക്കുന്നു. നിർഗുണ പരബ്രഹ്മമായ ശിവനെ രൂപമുള്ളവനായും, അരൂപിയായും (രൂപമില്ലാത്തവനായും) ആരാധിക്കുന്നു. ഓംകാരപ്പൊരുൾ അഥവാ ബ്രഹ്‌മം ശിവനാകുന്നു. ചരിത്രപരമായും എല്ലാ മതങ്ങളിൽ വെച്ചും ഏറ്റവും ആദ്യം ആരാധിച്ചു തുടങ്ങിയ ദൈവ സങ്കല്പം ശിവ സങ്കല്പമാണ്. പശുപതിനാഥൻ എന്ന ശിവനാമം വളരെ പ്രചാരമുള്ള ഒരു ശിവനാമമാണ്. 64 കലകളുടെയും ഈശ്വരനാണ് ശിവൻ എന്ന് വിവിധ ഹൈന്ദവ ഗ്രന്ഥങ്ങളിൽ പറയുന്നു. ഒരിക്കൽ ബ്രഹ്മാവും വിഷ്ണുവും തമ്മിൽ തർക്കമായി തങ്ങളിൽ ആരാണ് ശ്രേഷ്ഠൻ എന്ന് അപ്പോൾ അവിടെ മഹാദേവൻ ഒരു അഗ്നിരൂപത്തിൽ മഹാശിവ ലിംഗമായി പ്രത്യക്ഷമായി ആ മഹാ ശിവലിംഗത്തിന്റെ അറ്റം ആരു ആദ്യം കണ്ടെത്തുന്നുവോ അയാൾ ശ്രേഷ്ഠൻ എന്ന് ശിവൻ അരുളി ചെയ്തു.ബ്രഹ്മാവ് ശിവലിംഗത്തിന്റെ മുകളിലേക്കും വിഷ്ണു താഴേക്കും പുറപ്പെട്ടു എന്നാൽ രണ്ടു ദേവന്മാരും ശിവലിംഗത്തിന്റെ അറ്റം കണ്ടെത്തിയില്ല. വിഷ്ണു താൻ അറ്റം കണ്ടെത്തിയില്ല എന്ന സത്യം പറഞ്ഞു, ബ്രഹ്‌മാവ്‌ അറ്റം കണ്ടു എന്ന് കള്ളം പറഞ്ഞു. അതിൽ കുപിതനായ മഹാദേവൻ അന്ന് വരെ അഞ്ച് തലകൾ ഉണ്ടായിരുന്ന ബ്രഹ്മാവിന്റെ കള്ളം പറഞ്ഞ അഞ്ചാമത്തെ തല മഹാശിവൻ പിഴുതു കളഞ്ഞു അന്ന് മുതൽ ബ്രഹ്മാവ് ചതുർമുഖൻ അഥവാ നാന്മുഖനായി. മാത്രമല്ല മഹാവിഷ്ണു മഹാശിവനെ തപസ്സ് ചെയ്ത് സുദർശന ചക്രം വരമായി നേടുകയും ചെയ്തു. ശിവനും ശക്തിയും (അർദ്ധനാരീശ്വരൻ ) ചേർന്നാണ് ബ്രഹ്മാവ് , മഹാവിഷ്ണു , മഹാസരസ്വതി , മഹാലക്ഷ്മി , തുടങ്ങി സമസ്ത ദേവിദേവന്മാരെയും ,സർവ്വ ചരാചരവും ശിവശക്തി (അർദ്ധനാരീശ്വരൻ) ആണ് സൃഷ്ടിച്ചതെന്ന് ഇതര പുരാണങ്ങളിലും ഹൈന്ദവ ഗ്രന്ഥങ്ങളിലും വിവരിക്കുന്നുണ്ട്.സർവ്വത്തിലും മംഗള മൂർത്തികളായ ശിവപാർവ്വതിമാർ (ആദിദേവൻ, ആദിശക്തി) കുടികൊള്ളുന്നു. സത്യമായ ശിവാനല്ലാതെ വേറൊന്നുമില്ല എന്ന് ശിവപുരാണം പറയുന്നു. ശിവനെന്നാൽ  സത്യമായത്, സുന്ദരമായത് , മംഗളകരമായത് എന്നീ വിശിഷ്ട  അർത്ഥങ്ങളുണ്ട് . മാത്രമല്ല  ഈശ്വരൻ , പരമേശ്വരൻ , സർവ്വേശ്വരൻ , വിശ്വേശ്വരൻ , സോമേശ്വരൻ , അനാദി  ആയത് , നിരാകരമായത് എന്നീ അനേകായിരം അർത്ഥങ്ങളുണ്ട് . ശിവൻ പരമാത്മാവും , നിർഗുണ പരബ്രഹ്മവും,  ഓംകാരവും  ആകുന്നു.

 

==പ്രതീകാത്മകതയിൽ ==