"ജനത കർഫ്യൂ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

പൊതുജനങ്ങൾ സ്വന്തമായി ചുമത്തിയ കർഫ്യൂ ആണ് ജനത കർഫ്യൂ. ഈ പദാവലി ആദ്യമായി ഉപയോഗിച്ചത് ഇന്ത്യൻ പ്രധാനമന്ത്രി നരേന്ദ്ര മോദിയാണ്. പൊതുജനങ്ങളോട് നടത്തിയ പ്രസംഗത്തിൽ 2020 മാർച്ച് 19 വ്യാഴാഴ്ച രാത്രി 8 മണിക്ക് കൊറോണ വൈറസ് എന്ന ആഗോള പകർച്ചവ്യാധിയുടെ സമയത്ത് 2020 മാർച്ച് 22 ഞായറാഴ്ച രാവിലെ 7 മുതൽ രാത്രി 9 വരെ ജനത കർഫ്യൂ പാലിക്കണമെന്ന് അദ്ദേഹം തന്റെ പ്രസംഗത്തിൽ അഭ്യർത്ഥിച്ചു. പൊതുജനങ്ങൾക്കായി ചുമത്തിയ കർഫ്യൂ എന്നാണ് അദ്ദേഹം ജനത കർഫ്യൂ നിർവചിച്ചത്. ജനത കർഫ്യൂ സമയത്ത് അവശ്യ സേവനങ്ങളുമായി ബന്ധപ്പെട്ടവരൊഴികെ ഒരു പൗരനെയും വീടുകൾക്ക് പുറത്ത് വിടരുതെന്ന് അദ്ദേഹം രാജ്യവാസികളോട് അഭ്യർത്ഥിച്ചു.

ജനത കർഫ്യൂ ലോക്ക് ഡൗണ് എന്നതിൽ നിന്ന് വ്യത്യസ്തമാണ്. ലോക്ക്ഡൗൺ നിയമം ജനങ്ങൾക്ക് മേൽ നിർബന്ധിതമായി ചുമത്തപ്പെടുമ്പോൾ ജനത കർഫ്യൂ വ്യക്തിപരമായി നിർബന്ധമല്ല, പൊതുജനങ്ങൾ അത് പാലിക്കേണ്ടത് നിർബന്ധമാണ്.

==പ്രവർത്തന പദ്ധതി==

അത്യാവശ്യ സേവനങ്ങളായ പോലീസ്, മെഡിക്കൽ സർവീസസ്, മീഡിയ, ഹോം ഡെലിവറി പ്രൊഫഷണലുകൾ, അഗ്നിശമന സേനാംഗങ്ങൾ എന്നിവ ഒഴികെയുള്ള എല്ലാവരും കർഫ്യൂവിൽ പങ്കെടുക്കേണ്ടതുണ്ട്. വൈകുന്നേരം 5 മണിക്ക്, എല്ലാ പൗരന്മാർക്കും അവരുടെ വാതിലുകൾ, ബാൽക്കണി, ജാലകങ്ങൾ എന്നിവയിൽ നിൽക്കാനും കൈയടിച്ചോ പാത്രങ്ങളിൽ മുട്ടിയോ അല്ലെങ്കിൽ മണി മുഴക്കിയോ ആരോഗ്യ സേവനങ്ങൾ നൽകുന്ന പ്രൊഫഷണലുകളെ അഭിനന്ദിക്കണം. രാജ്യത്ത് കർഫ്യൂ നടപ്പിലാക്കുന്നതിനായി നാഷണൽ കേഡറ്റ് കോർപ്സ്, നാഷണൽ സർവീസ് സ്കീം എന്നിവരുടെ സഹായം ഉപയോഗപ്പെടുത്തും . ജനത കർഫ്യൂവിനെക്കുറിച്ച് മറ്റ് 10 പേരെ അറിയിക്കണമെന്നും കർഫ്യൂ പാലിക്കാൻ എല്ലാവരേയും പ്രോത്സാഹിപ്പിക്കണമെന്നും പ്രധാനമന്ത്രി യുവാക്കളോട് അഭ്യർത്ഥിച്ചു.