"ജി. ദേവരാജൻ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

വരി 26:
[[കൊല്ലം ജില്ല|കൊല്ലം ജില്ലയിലെ]] [[പരവൂർ|പരവൂരിൽ]] [[1927]] [[സെപ്റ്റംബർ]] 27ന് ജനിച്ചു. പിതാവ് മൃദംഗ വിദ്വാനായിരുന്ന കൊച്ചുഗോവിന്ദനാശാൻ. മാതാവ് കൊച്ചുകുഞ്ഞ്. ഇവരുടെ മൂത്ത മകനായിരുന്നു ദേവരാജൻ. പ്രാഥമിക വിദ്യാഭ്യാസം ഗൃഹത്തിലും, തെക്കുംഭാഗം ലോവർ പ്രൈമറി സ്കൂളിലുമായി. ശേഷം കോട്ടപ്പുറം ഹൈസ്കൂളിൽ. തിരുവനന്തപുരം ശ്രീമൂലവിലാസം ഹൈസ്കൂളിൽ നിന്ന് [[ഇംഗ്ലീഷ്]] [[സ്കൂൾ]] ലീവിങ്ങ് സർട്ടിഫിക്കറ്റ് നേടി. 1946-1948ൽ [[യൂണിവേഴ്സിറ്റി കോളേജ്, തിരുവനന്തപുരം|തിരുവനന്തപുരം യൂണിവേഴ്സിറ്റി കലാലയത്തിൽ]] നിന്ന് ഇന്റർമീഡിയറ്റ് ഒന്നാം തരത്തിൽ ജയിച്ചു. എഞ്ചിനീയറിങ്ങിന് പ്രവേശനം ലഭിച്ചുവെങ്കിലും എം.ജി. കലാലയത്തിൽ [[സാമ്പത്തികം|സാമ്പത്തിക ശാസ്ത്രം]] ഐച്ഛിക വിഷയമായെടുത്ത് പഠിച്ചു.<ref name="ഒഥന്റിക്ക് ബുക്സ്">ദേവഗീതികൾ, [http://www.authenticbooksindia.com ഒഥന്റിക്ക് ബുക്സ്] ISBN 978-81-89125-08-0</ref>
 
ദേവരാജൻ തന്റെ ആദ്യത്തെ [[ശാസ്ത്രീയ സംഗീതം|ശാസ്ത്രീയ സംഗീത]] [[കച്ചേരി]] 18-ആം വയസ്സിൽ നടത്തി. [[തിരുവിതാംകൂർ|തിരുവിതാംകൂറിൽ]] അന്ന് റേഡിയോ നിലയമില്ലാതിരുന്നതിനാൽ [[തിരുച്ചിറപ്പള്ളി|തിരുച്ചിറപ്പള്ളിയിലെ]] റേഡിയോ നിലയത്തിലാണ് അദ്ദേഹത്തിന്റെ കച്ചേരികൾ സംപ്രേഷണം ചെയ്തിരുന്നത്. പ്രശസ്ത കവികളുടെ കവിതകൾക്ക് ഈണം പകർന്ന് അവ ആലപിയ്ക്കുന്ന ഒരു പുതിയ സമ്പ്രദായത്തിന് അദ്ദേഹം തുടക്കമിട്ടു. [[കുമാരനാശാൻ]], [[ഉള്ളൂർ എസ്. പരമേശ്വരയ്യർ]], [[വള്ളത്തോൾ നാരായണമേനോൻ]], [[ചങ്ങമ്പുഴ കൃഷ്ണപിള്ള]], [[വൈലോപ്പിള്ളി ശ്രീധരമേനോൻ]] തുടങ്ങി പ്രസിദ്ധരായ നിരവധി കവികളുടെ കവിതകൾ അദ്ദേഹം സംഗീതം നൽകി അവതരിപ്പിച്ചിട്ടുണ്ട്. [[കമ്യൂണിസം|കമ്യൂണിസ്റ്റ് പ്രസ്ഥാനത്തിലേക്ക്]] ആകൃഷ്ടനായ ദേവരാജൻ തന്റെ സർഗ്ഗാത്മകത ജനകീയ സംഗീതത്തിനായി സമർപ്പിച്ചു. കേരളത്തിലെ പ്രശസ്ത നാടകവേദിയായിരുന്ന കേരളാ പീപ്പിൾസ് ആർട്സ് ക്ലബ് ([[കെ.പി.എ.സി]])-യിൽ ദേവരാജൻ ചേർന്നു. അദ്ദേഹത്തെ പ്രശസ്തനാക്കിയ നാടകഗാനം ''പൊന്നരിവാളമ്പിളിയിൽ കണ്ണെറിയുന്നോളെ'' എന്ന ഗാനമായിരുന്നു. കെ.പി.എ.സി-യ്ക്കും അതിന്റെ അംഗങ്ങൾക്കും [[കമ്യൂണിസം|കമ്യൂണിസ്റ്റ്]] തത്ത്വശാസ്ത്രങ്ങളോട് ഒരു ചായ്‌വുണ്ടായിരുന്നു. കെ.പി.എ.സിയുടെ നാടകങ്ങൾ കമ്യൂണിസ്റ്റ് തത്ത്വശാസ്ത്രങ്ങളെ മലയാളികളുടെ ഇടയിൽ പ്രചരിപ്പിക്കുന്നതിൽ ഒരു പ്രധാന പങ്കുവഹിച്ചു. തന്റെ ഗാനങ്ങളിലൂടെ ദേവരാജൻ മലയാള നാടകവേദിയിൽ ഒരു മായാത്ത മുദ്ര പതിപ്പിച്ചു. [[തോപ്പിൽ ഭാസി]] രചിച്ച ''[[നിങ്ങളെന്നെ കമ്യൂണിസ്റ്റാക്കി]]'' എന്ന നാടകം ദേവരാജന്റെ സംഗീത ജീവിതത്തിൽ ഒരു വഴിത്തിരിവായിരുന്നു. 1961-ൽ കെ.പി.എ.സി. വിട്ട ദേവരാജൻ, തുടർന്ന് [[കാളിദാസ കലാകേന്ദ്രം]] എന്ന നാടക സമിതി രൂപീകരിക്കാൻ മുൻകൈയ്യെടുത്തിരുന്നു<ref>[http://www.manoramaonline.com/cgi-bin/MMOnline.dll/portal/ep/malayalamContentView.do?tabId=4&catName=Others&BV_ID=@@@&channelId=-1073751205&programId=7940969&contentId=682142 ജി. ദേവരാജൻ, മനോരമ]</ref>..
 
== ചലച്ചിത്രത്തിൽ ==
ദേവരാജൻ സംഗീതസംവിധാനം ചെയ്ത ആദ്യ ചലച്ചിത്രം ''കാലം മാറുന്നു'' ([[1955]]) ആയിരുന്നു. ഈ ചിത്രത്തിലെ ''ആ മലർ പൊയ്കയിൽ'' എന്നുതുടങ്ങുന്ന ഗാനമായിരുന്നു അദ്ദേഹത്തിന്റെ ആദ്യ ചലച്ചിത്രഗാനം. മറ്റൊരു നവാഗതനായിരുന്ന [[ഒ.എൻ.വി. കുറുപ്പ്|ഒ.എൻ.വി. കുറുപ്പാണ്]] ഈ ഗാനം രചിച്ചത്. പ്രശസ്ത ഗാനരചയിതാവായ [[വയലാർ രാമവർമ്മ|വയലാർ രാമവർമ്മയുമായി]] ഒന്നുചേർന്ന് ദേവരാജൻ ''ചതുരംഗം'' എന്ന ചിത്രത്തിനു സംഗീതസംവിധാനം ചെയ്തു ([[1959]]). വയലാറിന്റെ പങ്കാളിയായി ചെയ്ത രണ്ടാമത്തെ ചിത്രം - ദേവരാ‍ജന്റെ മൂന്നാമത്തെ ചിത്രം - ''ഭാര്യ'' ([[1962]]) ആയിരുന്നു. ഇത് ഒരു വൻ സാമ്പത്തിക വിജയമായി. വയലാർ-ദേവരാജൻ ജോഡിയെ ഈ ചിത്രം ജനപ്രിയമാക്കി. ചലച്ചിത്രഗാനങ്ങൾക്ക് സമൂഹത്തിൽ സമ്മതിനേടുവാൻ ആഗ്രഹിച്ചിരുന്നവരുടെ മനസ്സിൽ ദേവരാജന്റെ സംഗീതം അദ്ദേഹത്തിന് ഒരു സ്ഥാനം നേടിക്കൊടുത്തു. ദേവരാജൻ-വയലാർ ജോഡിയുടെ സംഗീത കാലഘട്ടം മലയാള സിനിമാ സംഗീതത്തിന്റെ സുവർണ്ണ കാലഘട്ടമായിരുന്നു. മലയാളത്തിലെ പ്രശസ്തഗായകരാ‍യ [[കെ.ജെ. യേശുദാസ്]], [[പി. ജയചന്ദ്രൻ]] തുടങ്ങിയവർ ദേവരാജനെ തങ്ങളുടെ തലതൊട്ടപ്പനായി കരുതുന്നു. ദേവരാ‍ജന്റെ സംഗീതമാന്ത്രികതയായിരുന്നു ആ കാലഘട്ടത്തിലെ ഗായകരുടെ ഏറ്റവും നല്ല ഗാനങ്ങളിൽ പലതും പുറത്തുകൊണ്ടുവന്നത്.
 
മലയാളചലച്ചിത്രഗാനങ്ങളിൽ ഏറ്റവും കൂടുതൽ രാഗങ്ങൾ ഉപയോഗിച്ചത് ഒരുപക്ഷേ ദേവരാജനായിരിക്കും. ഏകദേശം നൂറ് രാഗങ്ങളെങ്കിലും അദ്ദേഹം ഉപയോഗിച്ചിട്ടുണ്ട്. [[മോഹനം|മോഹനരാഗത്തിൽ]] മാത്രം അദ്ദേഹം അമ്പതോളം ഗാനങ്ങൾ ചെയ്തിട്ടുണ്ട്. അദ്ദേഹത്തിന്റെ സംഗീതം പലപ്പോഴും നാടൻ പാട്ടുകളുടെ ഈണങ്ങളും പാശ്ചാത്യ സംഗീതവും കർണ്ണാടക - ഹിന്ദുസ്ഥാനി സംഗീതവുമായി ഒന്നിച്ചുചേർത്തു. ഒരു [[നിരീശ്വരവാദം|നിരീശ്വരവാദി]] ആയിരുന്നെങ്കിലും മലയാളത്തിലെ പ്രശസ്തമായ പല ഭക്തിഗാനങ്ങൾക്കും ഈണം പകർന്നത് ദേവരാജനാണ്. '''ഗുരുവായൂരമ്പലനടയിൽ''', '''നിത്യ വിശുദ്ധയാം കന്യാമറിയമേ''', തുടങ്ങിയ [[ഭക്തിഗാനം|ഭക്തിഗാനങ്ങൾ]] ദേവരാജൻ ചിട്ടപ്പെടുത്തിയവയാണ്. ഇവ ആ വിഭാഗത്തിൽ ക്ലാസിക്കുകളായി കരുതപ്പെടുന്നു. വാക്കുകളും സംഗീതവും സന്ദർഭത്തിന് അനുയോജ്യമായ രീതിയിൽ ചിട്ടപ്പെടുത്തുന്നതിൽ വിദഗ്ദ്ധനായിരുന്നു ദേവരാജൻ. ബിഥോവനേക്കാൾ താൻസനേക്കാൾ വലിയ സംഗീതജ്ഞനെന്ന് നടൻ കമലഹാസൻ പറഞ്ഞിട്ടുണ്ട്{{തെളിവ്}}. മലയാളത്തിലെ എക്കാലത്തെയും മികച്ച ചലച്ചിത്രഗാനങ്ങളിൽ ചിലതാണ് '''ശംഖുപുഷ്പം കണ്ണെഴുതുമ്പോൾ''', '''സന്യാസിനിനിൻ പുണ്യാശ്രമത്തിൽ''', '''സംഗമം ത്രിവേണീ സംഗമം''', '''ചന്ദ്രകളഭം ചാർത്തിയുറങ്ങും തീരം''' തുടങ്ങിയ ദേവരാജൻ ഗാനങ്ങൾ. [[വയലാർവയലാറിനുപുറമേ രാമവർമ്മ|വയലാറിനു]]പുറമേ [[ഒ.എൻ.വി. കുറുപ്പ്]], [[പി. ഭാസ്കരൻ]], [[ശ്രീകുമാരൻ തമ്പി]], [[യൂസഫലി കേച്ചേരി]] തുടങ്ങിയ ഗാനരചയിതാക്കളുമൊത്തും ദേവരാജൻ സംഗീതം ചിട്ടപ്പെടുത്തിയിട്ടുണ്ട്.പിൽക്കാലത്ത്‌ വയലാറിന്റെ പുത്രൻ [[വയലാർ ശരത്ചന്ദ്ര വർമ്മ]] ആദ്യമായി ഗാനരചന നിർവ്വഹിച്ച '''എന്റെ പൊന്നു തമ്പുരാനും''' എന്ന ചിത്രത്തിലെ ഗാനങ്ങൾക്ക് ഈണമിട്ടതും ദേവരാജൻ മാസ്റ്റർ തന്നെയായിരുന്നു{{തെളിവ്}}.
 
== അവാർഡുകൾ / ബഹുമതികൾ.<ref name="ഒഥന്റിക്ക് ബുക്സ്"/> ==
"https://ml.wikipedia.org/wiki/ജി._ദേവരാജൻ" എന്ന താളിൽനിന്ന് ശേഖരിച്ചത്