"അത്തിവരദർ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

 

 

അത്തിവരദരുടെ നാൽപതു വർഷത്തിലൊരിക്കൽ നടക്കുന്ന ദർശനോത്സവത്തിനു പിറകിൽ ഒരു ഐതിഹ്യമുണ്ട്.

ഈ കഥ നടക്കുന്നത് സത്യയുഗത്തിലാണ്. വിശ്വനിർമ്മാണത്തിന് ശേഷം ഒരുവേള ബ്രഹ്മാവിന്, തൻറെ എല്ലാ നിർമ്മിതിക്കും കടപ്പെട്ടവനായ ഭഗവാൻ വിഷ്ണുവിനെ ദർശിക്കുവാൻ അതിയായ ആഗ്രഹമുണ്ടായി. അതിനു വേണ്ടി അദ്ദേഹം പലവുരു പ്രാർഥിക്കുകയും വ്രതമനുഷ്ഠിക്കുകയും ചെയ്തെങ്കിലും ഫലമുണ്ടായില്ല. പിന്നീട് അദ്ദേഹം ഒരു അശരീതി കേൾക്കാൻ ഇടയാവുകയും അതുപ്രകാരം, ബ്രഹ്മാവ്‌ ആയിരം അശ്വമേധയാഗം നടത്തുകയോ അല്ലെങ്കിൽ ആയിരം അശ്വമേധയാഗത്തിനു പകരമായി ഭാരതത്തിലെ “സത്യവ്രതസ്ഥലം” എന്നറിയപ്പെട്ടിരുന്ന, തമിഴ്നാട്ടിലെ കാഞ്ചീപുരത്ത്, ഒരു അശ്വമേധയാഗം നടത്തുകയോ ചെയ്‌താൽ ഭഗവാനെ ദർശിക്കാം എന്ന് അറിയുകയുണ്ടായി.

 

 

പൊതുവെ യാഗം നടത്തുന്നയാളുടെ കൂടെ അദ്ദേഹത്തിൻറെ പത്നിയെയും യാഗവുമായി ബന്ധപ്പെട്ട ചടങ്ങുകളിൽ പങ്കുചേർക്കാറുണ്ട്. എന്നാൽ ബ്രഹ്മാവ്‌ തൻറെ പത്നിയായ സരസ്വതിദേവിയെ അറിയിക്കാതെയാണ് കാഞ്ചീപുരത്തെ അശ്വമേധയാഗം ആരംഭിച്ചത്. ഇതറിയുവാനിടയായ സരസ്വതിദേവി ബ്രഹ്മാവിനോട് കോപപ്പെടുകയും, ഏതു വിധേനയും അദ്ദേഹം നടത്തുന്ന യാഗം തടസ്സപ്പെടുത്തണമെന്നു ആലോചിക്കുകയും ചെയ്തു. അതിനായി ഒരു നദിയുടെ രൂപമെടുത്ത സരസ്വതിദേവി (അന്ന് വേഗവതി നദി എന്നും ഇപ്പോൾ പാലാർ എന്നും അറിയപ്പെടുന്നു) അശ്വമേധംനടക്കുന്ന അത്തിവനത്തിലെ (അക്കാലത്ത് കാഞ്ചീപുരത്ത് അത്തിമരങ്ങൾ സമൃദ്ധമായിരുന്നതിനാൽ ഈ പേര് കിട്ടി) യോഗശാല ലക്ഷ്യമാക്കി തിരിച്ചു. ഇതറിഞ്ഞ ബ്രഹ്മാവ്‌ ഭഗവാൻ വിഷ്ണുവിന് തന്നെ സമർപ്പിക്കുന്നതായും തന്നെ ഈ വിഷമസന്ധിയിൽ നിന്ന് രക്ഷിക്കുവാൻ അപേക്ഷിക്കുകയും ചെയ്തു. അപേക്ഷ സ്വീകരിച്ച വിഷ്ണു ഭഗവാൻ, നദിയായി ഒഴുകിവരുന്ന സരസ്വതിദേവിയുടെ മാർഗ്ഗമധ്യേ ശയിക്കുകയും ദേവിയുടെ വഴി തടസ്സപ്പെടുത്തുകയും ചെയ്തു. ഭഗവാനെ മറികടക്കാനാകില്ലെന്നു മനസ്സിലാക്കിയ സരസ്വതിദേവി ബ്രഹ്മദേവനോട് അനുരഞ്ജനപ്പെടുകയും ഭൂമിക്കടിയിലേക്ക് പിൻവാങ്ങുകയും ചെയ്തു.