"ഹരിതഗൃഹപ്രഭാവം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

[[ചിത്രം:Greenhouse Effect ml.svg|thumb|200px|right| ആകാശവും,ഭൂമിയുടെ അന്തരീക്ഷം, ഭൂ - ഉപരിതലം ഇവ തമ്മിലുള്ള ഊർജ്ജ കൈമാറ്റം. ഭൂമിയിൽ തട്ടി തിരിച്ചുപോകുന്ന വികിരണഊർജ്ജം അന്തരീക്ഷം വീണ്ടും ഉപയോഗിക്കുന്നു ]]

[[ഭൂമി|ഭൂമിയിൽ]] പതിക്കുന്ന [[സൂര്യൻ|സൂര്യകിരണങ്ങൾ]] പ്രതിഫലിച്ച് [[ഭൂമിയുടെ അന്തരീക്ഷം|അന്തരീക്ഷത്തിലേക്ക്]] ദീർഘതരംഗങ്ങളായിത്തീരുമ്പോൾ ഈ തരംഗങ്ങളിലെ [[ചൂട്]] ആഗിരണം ചെയ്ത് അന്തരീക്ഷത്തിലെ ചില [[വാതകം|വാതകങ്ങൾ]] [[ഭൂമി|ഭൂമിയിലെ]] ചൂട് വർദ്ധിപ്പിക്കുന്നതിനെയാണ്‌ '''ഹരിതഗൃഹപ്രഭാവം''' എന്ന് വിളിക്കുന്നത്. [[കാർബൺ ഡൈ ഓക്സൈഡ(CO2)്]], [[നൈട്രസ് ഓക്സൈഡ്]], [[നീരാവി]],[[ഓസോൺ]] തുടങ്ങിയ വാതകങ്ങൾ [[ഹരിതഗൃഹ വാതകങ്ങൾ]] എന്നറിയപ്പെടുന്നു.and this continues

== ആഗോള താപനം ==

[[അന്തരീക്ഷം|അന്തരീക്ഷത്തിലെത്തുന്ന]] ഹരിതഗൃഹവാതകങ്ങളുടെ അളവ്‌ ഏറുകയാണ്‌; [[ആഗോളതാപനം|ആഗോളതാപനത്തിന്‌]] ആക്കം കൂട്ടിക്കൊണ്ട്‌-പുതിയൊരു പഠനം മുന്നറിയിപ്പു നൽകുന്നു

 

ആഗോളതാപന (Global Warming)ത്തെപ്പറ്റി ആശങ്ക എത്ര വർദ്ധിച്ചിട്ടും, അന്തരീക്ഷത്തിലെത്തുന്ന ഹരിതഗൃഹവാതകങ്ങൾക്ക്‌ (greenhouse gases) കുറവ്‌ വന്നിട്ടില്ല. മാത്രമല്ല, വാതകവ്യാപനത്തിന്റെ തോത്‌ കാര്യമായി വർദ്ധിക്കുകയും ചെയ്തിരിക്കുന്നു. ആഗോളതാപനം തടയാൻ ഉദ്ദേശിച്ച്‌ നലവിൽ വന്ന [[ക്യോട്ടോ ഉടമ്പടി]] (Kyoto protocol) വേണ്ടത്ര ഗുണം ചെയ്തിട്ടില്ല എന്നാണ്‌ ഇത്‌ വ്യക്തമാക്കുന്നത്‌. 2005-ൽ മാത്രം ഹരിതഗൃഹവാതകമായ കാർബൺഡയോക്സയിഡി(CO2)ന്റെ [[സാന്ദ്രത]] [[അന്തരീക്ഷം|അന്തരീക്ഷത്തിൽ]] അരശതമാനം ഏറിയെന്ന്‌ [[ഐക്യരാഷ്ട്ര സഭ|ഐക്യരാഷ്ട്രസഭയ്ക്കു]] (United Nations)കീഴിലുള്ള 'ലോക കാലാവസ്ഥാ സംഘടന' (WMO) നടത്തിയ പഠനം വ്യക്തമാക്കുന്നു.

== ഹരിതഗൃഹവാതകങ്ങൾ ==

[[പെട്രോളിയം]], [[കൽക്കരി]] തുടങ്ങിയ ഫോസിൽ ഇന്ധന (fossil fuels)ങ്ങളുടെ ഉപയോഗമാണ്‌ അന്തരീക്ഷത്തിൽ ഹരിതഗൃഹവാതകങ്ങൾ വ്യാപിപ്പിക്കുന്നതിൽ പ്രധാന കാരണം. CO2 മാത്രല്ല, [[മീഥെയ്ൻ]], നൈട്രസ് ഓക്സൈഡ് എന്നിവയും ഹരിതഗൃഹവാതകങ്ങൾ ആണ്‌. ഇവയിൽ CO2 , [[നൈട്രസ് ഓക്സൈഡ്]] എന്നിവയുടെ [[സാന്ദ്രത|സാന്ദ്രതയാണ്‌]] വർദ്ധിക്കുന്നത്‌. 'സമീപഭാവിയിലൊന്നും ഈ വാതകങ്ങളുടെ തോത്‌ കുറയാനിടയില്ലെന്നാണ്‌ സൂചന'-പഠനറിപ്പോർട്ട്‌ പറയുന്നു. ഇവ അന്തരീക്ഷത്തിൽ വ്യാപിക്കുന്നത്‌ ഇന്നത്തെ നിലക്ക്‌ തുടർന്നാൽ, ആഗോളതാപനത്തെക്കുറിച്ച്‌ എന്തെല്ലാം ദുസ്വപ്നങ്ങളാണോ മനുഷ്യരാശിയെ വേട്ടയാടുന്നത്‌ അതൊക്കെ യാഥാർത്ഥ്യമാകുമെന്ന്‌ ഗവേഷകർ മുന്നറിയിപ്പു നൽകുന്നു

CO2 -ന്റെ അന്തരീക്ഷ സാന്ദ്രത 2004-ൽ 377.1 പി.പി.എം(ppm-parts per million) ആയിരുന്നത്‌ 2005-ൽ 379.1 പി.പി.എം. ആയെന്ന്‌ കാലാവസ്ഥാസംഘടനയുടെ പഠനം വ്യക്തമാക്കുന്നു. എന്നുവെച്ചാൽ 0.53 ശതമാനം വർദ്ധന. [[നൈട്രസ്‌ ഓക്സൈഡ്|നൈട്രസ്‌ ഓക്സയിഡിന്റെ]] [[സാന്ദ്രത]] 2005-ൽ 319.2 പി.പി.എം. ആയി. ഒരു വർഷം കൊണ്ട്‌ 0.2 ശതമാനം വർദ്ധനയാണുണ്ടായത്‌. മീഥേന്റെ കാര്യത്തിൽ വർദ്ധനയുണ്ടായിട്ടില്ല. [[വ്യവസായം]], ഓട്ടോമൊബെയിൽ, [[ഊർജ്ജം|ഊർജ്ജോത്പാദനം]] തുടങ്ങിയ മേഖലകളിൽ നിന്നാണ്‌ അന്തരീക്ഷത്തിൽ ഇത്തരം വാതകങ്ങൾ വ്യാപിക്കുന്നത്‌. ഈ മേഖലകളൊക്കെ ധൃതഗതിയിൽ വളരുന്നതും, [[വാതകം|വാതക]] വ്യാപനം പരിമിതപ്പെടുത്താൻ ഫലപ്രദമായ നടപടികൾ ഉണ്ടാകാത്തതും ഹരിതഗൃഹവാതകങ്ങളുടെ വർദ്ധനക്ക്‌ ഇടയാക്കുന്നു.

== കാർബൺ ഡൈ ഓക്സൈഡിന്റെ പങ്ക് ==

[[സൂര്യൻ|സൂര്യനിൽ]] നിന്നെത്തുന്ന താപത്തെ [[അന്തരീക്ഷം|അന്തരീക്ഷത്തിൽ]] തടഞ്ഞുനിർത്തുന്നത്‌ ഹരിതഗൃഹവാതകങ്ങളാണ്‌. ഈ വാതകങ്ങൾ ഇല്ലായിരുന്നെങ്കിൽ [[ഭൂമി]] തണുത്തുവിറയ്ക്കുമായിരുന്നു. ഭൂമിയിൽ ജീവന്റെ നിലനിൽപ്പ്‌ അസാധ്യമായേനെ. നിലവിൽ ഭൗമാന്തരീക്ഷത്തിൽ 78 ശതമാനവും [[നൈട്രജൻ|നൈട്രജനാണ്‌]]. 20.9 ശതമാനം [[ഓക്സിജൻ]]. ഇതുമായി താരതമ്യം ചെയ്താൽ, ഹരിതഗൃഹവാതങ്ങളിൽ പ്രധാനിയായ CO2 ന്റെ തോത്‌ വളരെ പരിമിതമാണ്‌. പതിനായിരം തന്മാത്രയിൽ വെറും ഒന്നു മാത്രമാണ്‌ CO2 . എന്നിട്ടും ഭൂമിയിലെ ശരാശരി താപനില 14 ഡിഗ്രി സെൽസിയസാണ്‌. ശുക്രഗ്രഹത്തിന്റെ അന്തരീക്ഷത്തിൽ 98 ശതമാനവും CO2 ആണ്‌. അവിടുത്തെ താപനില 477 ഡിഗ്രിസെൽസിയസാവാൻ ഇതാണ്‌ കാരണം. ഭൗമാന്തരീക്ഷത്തിൽ CO2 ന്റെ സാന്ദ്രത വെറും ഒരു ശതമാനമായാൽ പോലും ഇവിടുത്ത ശരാശരി താപനില നൂറു ഡിഗ്രിസെൽസിയസാകും എന്നാണ്‌ കണക്കാക്കിയിരിക്കുന്നത്‌.

CO2 ന്റെ അളവ്‌ അന്തരീക്ഷത്തിൽ വർദ്ധിക്കുന്നു എന്നത്‌ വളരെ ഗൗരവത്തിൽ കാണേണ്ട സംഗതിയാണെന്ന്‌ ഇത്‌ വ്യക്തമാക്കുന്നു. [[വ്യവസായവിപ്ലവം|വ്യവസായികവിപ്ലവം]] തുടങ്ങിയ 1800 ന്‌ മുമ്പ്‌ അന്തരീക്ഷ CO2 ന്റെ സാന്ദ്രത 280 പി.പി.എം. ആയിരുന്നു. അത്‌ 586 ഗിഗാടൺ CO2 ന്‌ തുല്യമാണ്‌. ഇന്ന്‌ 379.1 പി.പി.എം. ആയി; 790 ഗിഗാടണ്ണിന്‌ തുല്യം. 2100 ആകുമ്പോഴേയ്ക്കും CO2 -ന്റെ സാന്ദ്രത 550 പി.പി.എം. ആകുമെന്നാണ്‌ കണക്കാക്കിയിരിക്കുന്നത്‌. 1100 ഗിഗാടൺ CO2 -ന്‌ തുല്യമാകും അത്‌. (അവലംബം: WMO, 'The Weather Makers' by Tim Flannery )

== ഇതും കാണുക ==

* [[കാർബൺ ഫുട്പ്രിന്റ്]]

== അവലംബം ==