"ഡോർട്ട്മുണ്ട്" എന്ന താളിന്റെ പതിപ്പുകൾ തമ്മിലുള്ള വ്യത്യാസം

[[ജർമ്മനി]]യിലെ ഒരു പട്ടണമാണ് '''ഡോർട്ട്മുണ്ട്''' ({{IPA-de|ˈdɔɐ̯tmʊnt|lang|De-Dortmund.ogg}}). രാജ്യത്തെ എട്ടാമത്തെ വലിയ നഗരവും [[നോർത്ത് റൈൻ-വെസ്റ്റ്ഫാലിയ]] സംസ്ഥാനത്തെ മൂന്നാമത്തെ വലിയ നഗരവുമാണ് ഡോർട്ട്മുണ്ട്. എ.ഡി. 882-ൽ സ്ഥാപിതമായ നഗരം 13, 14 നൂറ്റാണ്ടുകളിൽ ഈ പ്രദേശത്തെ പ്രധാന പട്ടണമായിരുന്നു. [[മുപ്പതുവർഷ യുദ്ധം|മുപ്പതുവർഷ യുദ്ധത്തിൽ]] തകർക്കപ്പെട്ട നഗരം പക്ഷേ പിന്നീട് ജർമ്മനിയിലെ പ്രധാന വ്യാവസായിക കേന്ദ്രമായി വളർന്നു. ഉരുക്ക്, കൽക്കരി വ്യവസായങ്ങൾക്കു പേരുകേട്ട നഗരം അക്കാരണം കൊണ്ടു തന്നെ [[രണ്ടാം ലോകമഹായുദ്ധം|രണ്ടാം ലോകമഹായുദ്ധകാലത്ത്]] [[സഖ്യകക്ഷികൾ|സഖ്യകക്ഷികളുടെ]] രൂക്ഷമായ ആക്രമണത്തിനു വിദ്ധേയമായി. നഗരം ഏതാണ്ട് പൂർണ്ണമായും തകർക്കപ്പെട്ടു. നഗരമദ്ധ്യത്തിലെ എല്ലാ കെട്ടിടങ്ങളും തന്നെ 1945 മാർച്ച് 12-ന് നടന്ന ബോംബാക്രമണത്തിൽ തകർന്നിരുന്നു. നൂറ്റാണ്ടുകൾ നീണ്ട ഉരുക്ക്, കൽക്കരി വ്യവസായങ്ങളുടെ തകർച്ചയ്ക്കുശേഷം നൂതനമായ സാങ്കേതികവിദ്യ അടിസ്ഥാനമാക്കിയുള്ള വ്യവസായങ്ങളും ഡിജിറ്റൽ മേഖലയിലും സേവനമേഖലയിലും പ്രവർത്തിക്കുന്ന കമ്പനികളും ധാരാളമായി ഈ നഗരത്തിലേയ്ക്ക് കടന്നുവന്നു. ഇന്നു ജർമ്മനിയിലെ ഏറ്റവും സുസ്ഥിരമായ നഗരങ്ങളിലൊന്നാണ് ഡോർട്ട്മുണ്ട്. ജർമ്മൻ ഫുട്ബോളിലെ പ്രധാന ടീമുകളിലൊന്നായ ബൊറൂസിയ ഡോർട്ട്മുണ്ട് ഈ നഗരത്തിൽ നിന്നുള്ള ടീമാണ്.