"ഫാർമസിസ്റ്റ്" എന്ന താളിന്റെ പതിപ്പുകൾ തമ്മിലുള്ള വ്യത്യാസം

[[ആശുപത്രി|ആശുപത്രികളിലും]] കമ്മ്യൂണിറ്റി ഫാർമസികളിലും പ്രിസ്ക്രിപ്ഷൻ (ഡോക്ടറുടെ കുറിപ്പ്) നോക്കി മരുന്ന് രോഗികൾക്ക് കൃത്യമായി വിതരണം ചെയ്യുകയും, മരുന്നിന്റെ ഉപയോഗക്രമവും മറ്റും ശാസ്ത്രീയമായി പറഞ്ഞു കൊടുക്കുകയും ചെയ്യുന്ന വിദഗ്ദരാണ് '''രജിസ്റ്റേർഡ് ഫാർമസിസ്റ്റ് (Registered Pharmacist)'''. പഴയ കാലത്ത് ഈ ജോലി മരുന്ന് മിക്സ് ചെയ്ത് കൊടുക്കൽ മാത്രമായിരുന്നു. അക്കാലത്ത് രജിസ്റ്റേർഡ് ഫാർമസിസ്റ്റിന് പകരം 'കമ്പൗണ്ടർ' ആയിരുന്നു ഈ ജോലി ചെയ്തിരുന്നത്. കമ്പൗണ്ടർ ആകാൻ പ്രാഥമിക വിദ്യാഭ്യാസം മാത്രം മതിയായിരുന്നു. ഇപ്പോൾ ഈ തൊഴിൽ ചെയ്യുന്നവർക്ക് ഫാർമസിയിൽ യൂണിവേഴ്സിറ്റി തല പ്രൊഫഷണൽ വിദ്യാഭ്യാസവും ഫാർമസി കൌൺസിൽ രജിസ്‌ട്രേഷനും നിർബന്ധമാണ്. ഇന്ത്യയിൽ ഫാർമസിസ്റ്റ് ആകാൻ വേണ്ടുന്ന ഏറ്റവും കുറഞ്ഞ യോഗ്യത രണ്ട് വർഷ ഡിപ്ലോമാ കോഴ്‌സായ D.Pharm പാസാവുക എന്നതാണ്. നാല് വർഷ ബിരുദ കോഴ്‌സായ B.Pharm, ആറു വർഷത്തെ ക്ലിനിക്കൽ പരിശീലനത്തോട് കൂടിയ Pharm D മുതലായ പിജി കോഴ്സുകളും ലഭ്യമാണ്. Pharm D കോഴ്സിൽ അവസാനവർഷം ഇന്റേൺഷിപ് ചെയ്യേണ്ടതുണ്ട്. ഇവർക്ക് പേരിന് മുൻപിൽ Dr (ഡോക്ടർ) എന്ന്‌ ചേർക്കാവുന്നതാണ്. കൂടാതെ ഫാർമക്കോളജി ആൻഡ്‌ ടോക്സിക്കോളജി, മെഡിസിനൽ കെമിസ്ട്രി, ഫാർമകോഗ്‌നോസി ആൻഡ്‌ ഫൈറ്റോകെമിസ്ട്രി, അനാലിസിസ് തുടങ്ങി വിവിധ സ്പെഷ്യാലിറ്റികളിൽ M.Pharm പിജി കോഴ്സും പിഎച്ച്ഡി കോഴ്സും നടത്തി വരുന്നു.