"നവീന ചരിത്രം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

പൗരാണികാനന്തര ചരിത്രകാലത്ത് ഭൂരിഭാഗം ജനങ്ങളുടെയും വ്യക്തിത്വവും ജീവിത ലക്ഷ്യവും എതെങ്കിലുമൊരു ദൈവത്തിലോ പല ദൈവങ്ങളിലോ ഉള്ള ഭക്തി അഥവാ വിശ്വാസം എന്നതിലൂടെയാണ് പ്രകടിപ്പിച്ചിരുന്നത്. ഈ കാലത്തെ സംസ്കാരങ്ങൾ വ്യക്തിയുടെ സ്വതന്ത്ര വ്യക്തിത്വം വികസിപ്പിക്കാൻ ശ്രമിച്ചിരുന്നില്ല. മതമേധാവികൾ പലപ്പോഴും സമൂഹത്തിലെ പ്രധാന പദവികൾ വഹിച്ചിരുന്നവരായിരുന്നു, അവർ സാധാരണക്കാർക്കും ദൈവങ്ങൾക്കുമിടയിലെ ഇടനിലക്കാരായി നിലകൊണ്ടു. ഈ ഇടനിലക്കാരിലൂടെ മാത്രമേ ദൈവങ്ങളുമായി സമ്പർക്കം പുലർത്താനാവൂ എന്നായിരുന്നു പൊതുബോധം. ആചാരങ്ങൾ അന്നത്തെ സംസ്കാരങ്ങൾക്ക് വിശുദ്ധവും തിരുത്തപ്പെടാനാവാത്തവയുമായിരുന്നു. ഓരോ സംസ്കാരങ്ങളിലെയും സാമൂഹിക ക്രമവും സദാചാരവും ശക്തമായി നടപ്പാക്കപ്പെട്ടിരുന്നു.