കൊച്ചിൻ കലാഭവൻ

കേരളത്തിലെ ശ്രദ്ധേയമായ കലാ പരിശീലന കേന്ദ്രം. എറണാകുളം നോര്‍ത്തില്‍ കലാഭവന്‍ റോഡില്‍ സ്ഥിതിചെയ്യുന്നു. കത്തോലിക്കാ സഭയിലെ സി.എം.ഐ സന്യാസ സഭാംഗമായിരുന്ന ഫാ. അബേല്‍(ആബേലച്ചന്‍)കലാഭവന്‍റെ സ്ഥാപകന്‍. ശബ്ദാനുകരണ കലയുടെ അനന്ത സാധ്യതകള്‍ കണ്ടെത്തി മിമിക്സ് പരേഡ് എന്ന പുതിയ കലാരൂപത്തിന് ജന്‍മം നല്‍കിയത് ആബേലച്ചനാണ്. മിമിക്സ് പരേഡും ഗാനമേളയുമാണ് കലാഭവനെ ആഗോള പ്രശസ്തമാക്കിയത്. ഇവിടെ മിമിക്സ് പരേഡ് ട്രൂപ്പില്‍ അംഗങ്ങളായിരുന്ന അനേകം പേര്‍ പില്‍ക്കാലത്ത് മലയാള സിനിമയില്‍ ശ്രദ്ധേരായ താരങ്ങളായി.