"ഫ്ലാംസ്റ്റീഡിന്റെ നാമകരണ സമ്പ്രദായം" എന്ന താളിന്റെ പതിപ്പുകൾ തമ്മിലുള്ള വ്യത്യാസം
from http://jyothisasthram.blogspot.com/2006/09/blog-post_115951382045212127.html |
(വ്യത്യാസം ഇല്ല)
|
09:27, 23 ഡിസംബർ 2006-നു നിലവിലുണ്ടായിരുന്ന രൂപം
നക്ഷത്രങ്ങള് പേരിടുന്നതിനു പലതരത്തിലുള്ള സമ്പ്രദായങ്ങള് നിലവിലുണ്ട്. അതില് പ്രധാനപ്പെട്ട ഒന്നാണ് ഫ്ലാംസ്റ്റീഡിന്റെ നാമകരണ സമ്പ്രദായം (The Flamsteed Naming System).
ഈ സമ്പ്രദായത്തില് ഫ്ലാംസ്റ്റീഡ്, ബെയറുടെ സമ്പ്രദായത്തില് ഉപയോഗിക്കുന്നതു പോലെ നക്ഷത്രങ്ങളുടെ പേരിനൊപ്പം നക്ഷത്രരാശിയുടെ Latin genetive നാമം തന്നെ ഉപയോഗിച്ചു. പക്ഷെ നക്ഷത്രരാശിയുടെ Latin genetive നാമത്തോടൊപ്പം ഗ്രീക്ക് അക്ഷരങ്ങളും മറ്റും ഉപയോഗിക്കുന്നതിനു പകരം അറബിക്ക് സംഖ്യകള് ഉപയോഗിച്ചു. മാത്രമല്ല നക്ഷത്രങ്ങളെ വര്ഗ്ഗീകരിച്ചത് അതിന്റെ പ്രഭ അനുസരിച്ചായിരുന്നില്ല. മറിച്ച് ഏത് നക്ഷത്രരാശിയിലെ നക്ഷത്രങ്ങളെ ആണോ നാമകരണം ചെയ്യേണ്ടത് ആ നക്ഷത്രരാശിയുടെ പടിഞ്ഞാറേ അറ്റത്ത് നിന്ന് നക്ഷത്രങ്ങളെ എണ്ണാനാരംഭിച്ചു. നക്ഷത്രരാശിയുടേ ഏറ്റവും പടിഞ്ഞാറേ അറ്റത്തുള്ള നക്ഷത്രത്തെ 1, അതിന്റെ കിഴക്കുഭാഗത്തുള്ള തൊട്ടടുത്ത നക്ഷത്രത്തെ 2 എന്നിങ്ങനെ അദ്ദേഹം എണ്ണി. ഉദാഹരണത്തിന് ഓറിയോണ് നക്ഷത്രരാശിയിലെ നക്ഷത്രങ്ങളെ ഫ്ലാംസ്റ്റീഡിന്റെ നാമകരണ സമ്പ്രദായം പ്രകാരം പടിഞ്ഞറേ അറ്റത്തുനിന്ന് എണ്ണി 1-orionis, 2-orionis, 3-orionis എന്നിങ്ങനെ വിളിച്ചു.
ചുരുക്കി പറഞ്ഞാല് ഫ്ലാംസ്റ്റീഡിന്റെ നാമകരണ സമ്പ്രദായത്തില് ബെയറുടെ നാമകരണ സമ്പ്രദായത്തിലെ ആദ്യത്തെ രണ്ടു പരിമിതികള് വളരെ എളുപ്പം മറികടന്നു. അതായത് സംഖ്യകള് ഉപയോക്കുന്നതിനാല് സൈദ്ധാന്തികമായി ഫ്ലാംസ്റ്റീഡിന്റെ സമ്പ്രദായത്തില് എത്ര നക്ഷത്രങ്ങളെ വേണമെങ്കിലും ഉള്പ്പെടുത്താം. പ്രഭയുടെ പ്രശ്നവും വരുന്നില്ല. കാരണം നാമകരണം നക്ഷത്രത്തിന്റെ സ്ഥാനം അടിസ്ഥാനമാക്കിയാണ്. ബെയര് നാമം ഉള്ള മിക്കവാറും എല്ലാ നക്ഷത്രങ്ങള്ക്കും ഫ്ലാംസ്റ്റീഡ് നാമവും ഉണ്ട്.
താഴെയുള്ള ചിത്രത്തില് മിഥുനം (Gemini) രാശിയിലെ നക്ഷത്രങ്ങളുടെ ഫ്ലാംസ്റ്റീഡ് സമ്പ്രദായപ്രകാരം ഉള്ള ചിത്രവും നോക്കൂ. ഈ ചിത്രത്തില് ദൃശ്യകാന്തിമാനം +5-നു മുകളിലുള്ള നക്ഷത്രങ്ങളേ കാണിച്ചിട്ടുള്ളൂ. അതിനാല് ഫ്ലാംസ്റ്റീഡ് സമ്പ്രദായപ്രകാരം ഉള്ള ചിത്രത്തില് ചില സംഖ്യകള് കണ്ടെന്ന് വരില്ല. ആ ചിത്രത്തിനു താഴെ ആ നക്ഷത്രരാശിയുടെ തനത് നാമം ഉള്ള ചിത്രവും, ബേയര് സമ്പ്രദായപ്രകാരം ഉള്ള ചിത്രവും കൊടുത്തിരിക്കുന്നു.
സൈദ്ധാന്തികമായി ഫ്ലാംസ്റ്റീഡ് സമ്പ്രദായം ഉപയോഗിച്ച് ഒരു രാശിയിലെ എത്ര നക്ഷത്രത്തെ വേണമെങ്കിലും നാമകരണം ചെയ്യമെങ്കിലും അത് അങ്ങനെ അനന്തമായി പോയില്ല. ഏറ്റവും ഉയര്ന്ന ഫ്ലാംസ്റ്റീഡ് സംഖ്യ ലഭിച്ചത് Taurus നക്ഷത്രരാശിയിലെ 140-Tauri എന്ന നക്ഷത്രത്തിനാണ്. ഫ്ലാംസ്റ്റീഡ് ഈ നാമകരണം നടത്തി വളരെയധികം വര്ഷം കഴിഞ്ഞാണ് 1930-ല് അന്താരാഷ്ട്ര ജ്യോതിശാസ്ത്ര യൂണിയന് 88 നക്ഷത്രരാശികളെ നിര്വചിച്ച് അതിന്റെ അതിര്ത്തി രേഖകള് മാറ്റി വരച്ചത്. അതിനാല് ഫ്ലാംസ്റ്റീഡ് സമ്പ്രദായപ്രകാരം ഉള്ള ചില നക്ഷത്രങ്ങളുടെ രാശിക്ക് വ്യത്യാസം വന്നു. അങ്ങനെ പ്രശ്നം ഉള്ള നക്ഷത്രങ്ങള്ക്ക് ഈ നാമകരണ സമ്പ്രദായം ഇപ്പോള് ഉപയോഗിക്കുന്നില്ല. ഇത് ബെയര് സമ്പ്രദായത്തിനും ബാധകമാണ്.
(ഈ ലേഖനം വിക്കി വത്ക്കരിക്കാനും ലേഖനം നന്നാക്കാനും ചിത്രങ്ങള് അപ്ലോഡ് ചെയ്യാനും ഉണ്ട്. കുറച്ച് സമയം തരൂ.)