"ജീൻ ബാപ്റ്റിസ്റ്റ് ആൻഡ്രേ ഡ്യൂമാ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

}}

 

 

 

 

ഡ്യൂമായുടെ പഠനങ്ങൾ അവയുടെ ആഴത്തേക്കാളുപരി വ്യാപ്തി കൊണ്ടാണ് ശ്രദ്ധേയമാകുന്നത്. ലോഹസംസ്കരണം, ഗ്ലാസ് നിർമ്മാണം എന്നീ മേഖലകളിൽ ഇദ്ദേഹത്തിന്റെ സംഭാവനകൾ ശ്രദ്ധേയങ്ങളാണ്. ചായങ്ങളുടേയും ഔഷധങ്ങളുടേയും ഘടനയും ഗുണധർമങ്ങളും തമ്മിലുള്ള ബന്ധം വിശദമായി പഠിക്കുക വഴി ഈ വ്യവസായങ്ങളുടെ പുരോഗതിക്ക് വിലപ്പെട്ട സംഭാവന നൽകാൻ ഡ്യൂമായ്ക്കു സാധിച്ചു. [[സസ്യങ്ങൾ|സസ്യങ്ങളുടേയും]] [[മൃഗങ്ങൾ|മൃഗങ്ങളുടേയും]] ശരീരശാസ്ത്രത്തിലും നിരവധി പഠനങ്ങൾ നടത്തിയിരുന്നു.

ഒരു സംയുക്തത്തിലുള്ള [[ഹൈഡ്രജൻ|ഹൈഡ്രജനെ]] തുല്യ അളവിലുള്ള [[ഹാലജനുകൾ|ഹാലജനോ]] [[ഓക്സിജൻ|ഓക്സിജനോ]] മറ്റേതെങ്കിലും [[മൂലകം|മൂലകമോ]] കൊണ്ട് ആദേശം ചെയ്യാനാകും എന്നാണ് ഇദ്ദേഹം സിദ്ധാന്തിച്ചത്. ഇതിലൂടെ ബെർസീലിയസിന്റെ രാസസംയോഗ നിയമം (രാസസം യോഗം ഘടകമൂലകങ്ങളുടെ വൈദ്യുതാവസ്ഥയ്ക്കു വിധേയമാണ്) ഖണ്ഡിക്കുകയാണ് ഡ്യൂമാ ചെയ്തത്. ദ്വൈതസങ്കല്പത്തെ അടിസ്ഥാനമാക്കിയാണ് ഡ്യൂമാ പ്രതിസ്ഥാപന സിദ്ധാന്തം ആവി ഷ്കരിച്ചതെങ്കിലും പല പ്രക്രിയകളും പ്രതിഭാസങ്ങളും വിശദീക രിക്കാൻ ദ്വൈതസങ്കല്പം അപര്യാപ്തമാണെന്ന് ഡ്യൂമായ്ക്ക് ബോധ്യമായി. ഒരു തന്മാത്രയെ ധന(+ve) ഋണ(-ve) ധ്രുവീകരണമില്ലാത്ത ഒറ്റ ഘടനയായി കാണുന്ന ഏകീയദർശനം ഡ്യൂമാ പിന്നീട് സ്വീകരിച്ചു. ചാൾസ് ഗെർഹാർറ്റ്ഡ്, അഗസ്റ്റേ ലോറന്റ് എന്നിവർക്ക് ''പ്രരൂപ സിദ്ധാന്തം'' (theory of types) ആവിഷ്കരിക്കാൻ പ്രേരകമായത് ഡ്യൂമായുടെ ഈ ആശയമാണ്. മാത്രമല്ല, [[കാർബൺ|കാർബണിക]] രസതന്ത്രത്തിൽ വർഗീകരണത്തിനും സിദ്ധാന്തങ്ങളുടെ പുനഃപരിശോധനയ്ക്കും വ്യക്തമായ കാഴ്ചപ്പാടു നൽകാനും ഡ്യൂമായുടെ ആശയങ്ങൾ സഹായകമായി. ഈ ദിശയിലുള്ള പഠനങ്ങൾക്കു പുറമേ, ചില കാർബണിക സംയുക്തങ്ങൾ വേർതിരിക്കുന്നതിലും ഡ്യൂമാ വിജയിച്ചു. ഉദാ. ആന്ത്രസീൻ (1831), ക്ലോറോഫോം (1834). കാർബണിക സംയുക്തങ്ങളിലെ നൈട്രജന്റെ പരിമാണാത്മക വിശ്ലേഷണത്തിനുള്ള ഒരു മാർഗം, [[കർപ്പൂരം|കർപ്പൂരത്തിന്റെ]] ഫോർമുല (1832) തുടങ്ങിയവയും ഇദ്ദേഹത്തിന്റെ സംഭാവനകളാണ്. യൂജീൻ-മെൽകോയർ പെട്രിഗോയുമായി ചേർന്ന് മീഥൈൽ ആൽക്കഹോൾ വേർതിരിക്കുകയും (1834) ആൽക്കഹോളുകളുടെ സമവർഗശ്രേണി ആവിഷ്കരിക്കുകയും ചെയ്തത് ഡ്യൂമായുടെ മറ്റൊരു നേട്ടമാണ്.

 

 

==അവലംബം==

 

{{സർവ്വവിജ്ഞാനകോശം|ഡ്യൂമാ,_ജീ{{ൻ}}_ബാപ്റ്റിസ്റ്റ്_ആ{{ൻ}}ഡ്രേ_(1800_-_84)|ഡ്യൂമാ, ജീൻ ബാപ്റ്റിസ്റ്റ് ആൻഡ്രേ (1800 - 84)}}

 

[[വർഗ്ഗം:1800-ൽ ജനിച്ചവർ]]

[[വർഗ്ഗം:ജൂലൈ 14-ന് ജനിച്ചവർ]]

[[വർഗ്ഗം:ഏപ്രിൽ 10-ന് മരിച്ചവർ]]

[[വർഗ്ഗം:രസതന്ത്രജ്ഞർ]]

[[വർഗ്ഗം:കോപ്ലി മെഡൽ നേടിയവർ]]