മലയാളത്തിലെ പ്രശസ്തനായ കവിയും ഉപന്യാസകാരനും സർവ്വകലാശാല അദ്ധ്യാപകനുമായിരുന്ന '''ജി. ശങ്കരക്കുറുപ്പ്'''. [[1901]] [[ജൂൺ 3]] ന്‌, ശങ്കരവാര്യരുടേയും ലക്ഷ്മിക്കുട്ടിയമ്മയുടേയും മകനായി എറണാകുളം ജില്ലയിലെ [[കാലടി|കാലടിക്കടുത്തുള്ള]] [[നായത്തോട്]] എന്ന സ്ഥലത്ത് ജനിച്ചു. 17-ആം വയസ്സിൽ ഹെഡ് മാസ്റ്ററായി ജോലിയിൽ പ്രവേശിച്ചു. [[1937]]ൽ [[മഹാരാജാസ് കോളേജ്|എറണാകുളം മഹാരാജാസ് കോളേജിൽ]] അദ്ധ്യാപകനായി നിയമിക്കപ്പെട്ടു. [[1956]]ൽ അദ്ധ്യാപകജോലിയിൽ നിന്നും വിരമിച്ചു. [[കേരള സാഹിത്യ അക്കാദമി]] പ്രസിഡന്റ്, [[കേന്ദ്ര സാഹിത്യ അക്കാദമി]] അംഗം, [[രാജ്യസഭ|രാജ്യസഭാംഗം]] എന്നീ നിലകളിൽ സേവനം അനുഷ്ടിച്ചു. [[1978]] [[ഫെബ്രുവരി 2]]ന്‌ അന്തരിച്ചു<ref name="ref1">[[മാതൃഭൂമി]] തൊഴിൽ വാർത്തയുടെ ഹരിശ്രീ സപ്ലിമെന്റ് താൾ 32</ref>.
