"വില്യം ടോബിയാസ് റിംഗിൾടോബ്‌" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ദക്ഷിണേന്ത്യയിൽ തരങ്കംപാടി (Tranquebar)യിലെ എസ്. പി.സി.കെ. യുമായി ബന്ധപ്പെട്ട് പ്രവർത്തിച്ച ഇദ്ദേഹം, തിരുവിതാംകൂറിലെ ആദ്യകാല ക്രൈസ്തവരിലൊരാളായ വേദമാണിക്കത്തിന്റെ അഭ്യർഥനയനുസരിച്ച് 1806 ഏ. -ൽ മൈലാടി ഗ്രാമത്തിലെത്തി. അവിടെ ഒരു ക്രൈസ്തവദേവാലയം പണിയുന്നതിനായി ദിവാന്റെ അനുമതിക്കു ശ്രമിച്ചെങ്കിലും വിജയിച്ചില്ല. തന്മൂലം മൈലാടിയിൽ നിന്ന് പാളയംകോട്ടയിലേക്കുപോയി. അവിടെ മൂന്ന് വർഷം ചെലവഴിച്ചു. 1809-ൽ വീണ്ടും മൈലാടിയിലെത്തി. അധികാരികളുടെ സമീപനത്തിൽ പിന്നീട് വന്ന മാറ്റം ദേവാലയനിർമാണത്തിന്ദേവാലയനിർമ്മാണത്തിന് അനുമതി ലഭിക്കുവാൻ കാരണമായി. 1816-ഓട് കൂടി ടോബ് മൈലാടിയിലുൾപ്പെടെ ഏഴ് പ്രാർഥനാസമൂഹങ്ങൾ സ്ഥാപിച്ചു. എല്ലാ പ്രാർഥനാസമൂഹങ്ങളോടനുബന്ധിച്ചും വിദ്യാലയങ്ങളും പ്രവർത്തിച്ചിരുന്നു. സമൂഹത്തിന്റെ താഴെക്കിടയിലുള്ളവർക്കും പെൺകുട്ടികൾക്കും ഇംഗ്ളീഷ് വിദ്യാഭ്യാസം ലഭിക്കുവാൻ ഇത് സഹായകമായി. ബ്രിട്ടിഷ് റസിഡന്റായിരുന്ന കേണൽ മെക്കാളെപ്രഭു ടോബ്‌ യുടെ പ്രവർത്തനങ്ങൾക്ക് ആവശ്യമായ സഹായങ്ങൾ ചെയ്തു. ടോബ് താഴ്ന്ന ജാതിക്കാരുടെ ഉന്നമനത്തിനും ക്ഷേമത്തിനും വേണ്ടിയാണ് കൂടുതലും പ്രവർത്തിച്ചത്. ജനങ്ങളിൽ അധികഭാരം ചുമത്തിയിരുന്ന ചില നികുതികൾ റദ്ദാക്കുവാൻ ഇദ്ദേഹം റസിഡന്റിനെ പ്രേരിപ്പിച്ചത് കൂടുതൽ ജനപ്രീതി നേടുവാനിടയാക്കി.