ശ്രീകണ്ഠേശ്വരം പദ്മനാഭ പിള്ള

ശബ്ദതാരാവലി എന്ന മലയാള നിഘണ്ടുവിന്റെ രചയിതാവും, ഭാഷാപണ്ഡിതനും, കവിയുമാണു് ശ്രീകണ്ഠേശ്വരം ജി. പദ്മനാഭ പിള്ള (1864 നവംബർ 27 - 1946 മാർച്ച് 4; 1040 വൃശ്ചികം 12 - 1121 കുംഭം 21). ഇദ്ദേഹത്തിന്റെ ഏറ്റവും പ്രധാനപ്പെട്ട കൃതി ശബ്ദതാരാവലി എന്ന നിഘണ്ടുതന്നെ ആയിരുന്നെങ്കിലും, ഇതിനുപുറമേ അനേകം കാവ്യങ്ങളും തുള്ളൽകഥകളും ആട്ടക്കഥകളും രചിച്ചിട്ടുണ്ട്.

ആദ്യകാല ജീവിതം

തിരുവനന്തപുരം ശ്രീകണ്ഠേശ്വരത്ത് കുറവിളാകത്ത് നാരായണിപ്പിള്ളയുടെയും, തഹസിൽദാർ പരുത്തിക്കാട്ടു നാരായണപിള്ളയുടെയും മകനായി ജനിച്ചു. പദ്മനാഭപിള്ളയുടെ അമ്മാവൻ സർവ്വാധികാര്യക്കാർ പി. ഗോവിന്ദപ്പിള്ളയായിരുന്നു.