"കൽപറ്റ" എന്ന താളിന്റെ പതിപ്പുകൾ തമ്മിലുള്ള വ്യത്യാസം
പുതിയ ലേഖനം |
(വ്യത്യാസം ഇല്ല)
|
20:24, 9 നവംബർ 2006-നു നിലവിലുണ്ടായിരുന്ന രൂപം
കേരളത്തിലെ വയനാട് ജില്ലയുടെ തലസ്ഥാനമാണ് കല്പറ്റ. കാപ്പിത്തോട്ടങ്ങളും മലകൊളും കൊണ്ട് ചുറ്റപ്പെട്ട ഒരു മനോഹരമായ പട്ടണമാണ് കല്പറ്റ. വയനാട്ടിലെ ഒരേയൊരു മുന്‍സിപ്പല്‍ പട്ടണമാണ് കല്‍പ്പറ്റ. [1] വയനാട് ജില്ലയിലെ എല്ലാ വിനോദസഞ്ചാര ആകര്‍ഷണങ്ങളിലേക്കും ഉള്ള ഒരു പ്രവേശന കവാടമാണ് കല്‍പ്പറ്റ.
വിനോദസഞ്ചാരികള്‍ക്ക് താമസ സൌകര്യങ്ങള്‍ ഇവിടെ ലഭ്യമാണ്. കോഴിക്കോട്-മൈസൂര്‍ ദേശീയപാതയായ ദേശീയപാത 212 കല്‍പ്പറ്റയിലൂടെ കടന്നുപോവുന്നു. കടല്‍നിരപ്പില്‍ നിന്ന് 1000 മീറ്റര്‍ ഉയരത്തിലാണ് കല്പറ്റ സ്ഥിതിചെയ്യുന്നത്. 12 ഡിഗ്രി അക്ഷാംശവും 72 ഡിഗ്രി രേഖാംശവുമാണ് ഭൂപടത്തില്‍ കല്‍‌പറ്റയുടെ സ്ഥാനം.
ആരാധനാലയങ്ങള്‍
കല്പറ്റ പണ്ട് ഒരു ജൈനമത ശക്തികേന്ദ്രമായിരുന്നു. കല്പറ്റ പട്ടണത്തിനടുത്ത് കേരളത്തിലെ തന്നെ പുരാതനമായ ഏതാനും ജൈന ക്ഷേത്രങ്ങളുണ്ട്. പുരാതനമായ അനന്തനാഥസ്വാമി ജൈന ക്ഷേത്രം ഇവിടെയാണ്.[2]
കല്പറ്റയ്ക്ക് അടുത്തുള്ള മറ്റു പ്രധാന ആരാധനാലയങ്ങളും അവയുടെ കല്‍‌പറ്റയില്‍ നിന്നുള്ള ദൂരവും താഴെ കൊടുത്തിരിക്കുന്നു.[3]
- വാരാമ്പേട്ട മോസ്ക് - 15 കി.മീ അകലെ - 300വര്‍ഷം പഴക്കമുള്ള ഈ മോസ്ക് വയനാട്ടിലെ ഏറ്റവും പഴക്കമുള്ള മോസ്ക്കാണ്.
- കണ്ണാടി ക്ഷേത്രം - 20 കി.മീ അകലെ - ജൈനനായ പരശ്വനാഥ സ്വാമിക്കായി സമര്‍പ്പിച്ചിരിക്കുന്ന ഈ ക്ഷേത്രം ഇവിടത്തെ ആയിരക്കണക്കിന് വിഗ്രഹങ്ങളെ പ്രതിഫലിപ്പിക്കുന്ന കണ്ണാ‍ടികള്‍ക്ക് പ്രശസ്തമാണ്.
- പള്ളിക്കുന്നു പള്ളി, എല്ലാവര്‍ഷവും ജനുവരിയില്‍ നടത്തുന്ന പള്ളിപ്പെരുന്നാളിനു പ്രശസ്തമാണ് - 5 കി.മീ അകലെ
- ജൈന സന്യാസിയായിരുന്ന അനന്തനാഥ സ്വാമിക്കു വേണ്ടി സമര്‍പ്പിച്ചിരുന്ന പുലിയര്‍ മല ജൈനക്ഷേത്രം 5 കി.മീ അകലെയാണ്.
കല്പറ്റയ്ക്ക് അടുത്തുള്ള വിനോദസഞ്ചാര ആകര്‍ഷണങ്ങള്‍
കല്പറ്റയ്ക്ക് അടുത്തായി പല വിനോദസ്ഞ്ചാര ആകര്‍ഷണങ്ങളും ഉണ്ട്. ചിലത് താഴെ കൊടുത്തിരിക്കുന്നു[4] [5]
- ഇടക്കല്‍ ഗുഹ - 15 കി.മീ അകലെ
- പൂക്കോട് തടാകം - 10 കി.മീ തെക്കായി
- മീന്‍‌മുട്ടി വെള്ളച്ചാട്ടം - 25 കി.മീ അകലെ - വെള്ളച്ചാട്ടത്തിലെത്താന്‍ കാട്ടിനുള്ളിലൂടെ 2 കിലോമീറ്റര്‍ നടക്കണം
- ബാണാസുര സാഗര്‍ അണക്കെട്ട് - 24 കിലോമീറ്റര്‍ അകലെ - ഇന്ത്യയിലെ മണ്ണുകൊണ്ട് കെട്ടിയ ഏറ്റവും വലിയ അണക്കെട്ടാണ് ഇത്.
- ചീതാലയം വെള്ളച്ചാട്ടം - 37 കി.മീ അകലെ - ഈ ചെറിയ വെള്ളച്ചാട്ടത്തിനു ചുറ്റും പക്ഷിനിരീക്ഷണത്തിന് യോജിച്ച സ്ഥലമാണ്.
- ചെമ്പ്ര കൊടുമുടി - 17 കി.മീ - 2100 മീറ്റര്‍ ഉയരമുള്ള ഈ കൊടുമുടി ഈ പ്രദേശത്തെ ഏറ്റവും ഉയരമുളള കൊടുമുടിയാണ്
- ബ്രഹ്മഗിരി - 1608 മീറ്റര്‍ ഉയരമുള്ള കൊടുമുടി
എത്തിച്ചേരുവാനുള്ള വഴി
പ്രധാന പട്ടണങ്ങളില്‍ നിന്ന് കല്‍പ്പറ്റയിലേക്കുള്ള ദൂരം താഴെ കൊടുത്തിരിക്കുന്നു.
- കോഴിക്കോട് (74)
- മൈസൂര്‍ (132)
- ഊട്ടി (116)
- മടിക്കേരി (114)
- ബാംഗ്ലൂര്‍ (270)
- കൊച്ചി (270)
- ഏറ്റവും അടുത്തുള്ള റെയില്‍‌വേ സ്റ്റേഷനും വിമാനത്താ‍വളവും - കോഴിക്കോട്
അനുബന്ധം
- ↑ "കല്‍പ്പറ്റ". ഇന്ത്യ9. Retrieved 2006-10-14.
- ↑ "അനന്തസ്വാമി ജൈനക്ഷേത്രം - പുലിയാര്‍മല ക്ഷേത്രം". ഇന്ത്യ9.കോം. Retrieved 2006-10-15.
- ↑ "തീര്‍ഥാടന കേന്ദ്രങ്ങള്‍". കേരള.കോം. Retrieved 2006-10-15.
- ↑ "ഇന്ത്യാ ട്രാവല്‍ ബ്ലോഗ്". പെയിന്റഡ് സ്റ്റോര്‍ക്ക്.കോം. Retrieved 2006-10-14.
- ↑ "വയനാട് ഔട്ട് ഡോര്‍ ട്രെയില്‍". വയനാട്.ഓര്‍ഗ്ഗ്. Retrieved 2006-10-14.
പുറത്തുനിന്നുള്ള കണ്ണികള്‍
|
കേരളത്തിന്റെ ഭൂമിശാസ്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |