"പരുമല പള്ളി" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ഇവിടെ നിർമ്മിച്ച ഒരു ചെറിയ കെട്ടിടത്തിൽ താമസിച്ച് കൊണ്ട് മാർ ദീവന്നാസ്യോസ് വൈദിക വിദ്യാർത്ഥികളെ പഠിപ്പിക്കുവാൻ തുടങ്ങി. വൈദിക വിദ്യാർത്ഥികൾ "അഴിപ്പുര" എന്ന ഒരു പഴയ കെട്ടിടത്തിലും താമസിച്ചു. ഇതിനടുത്തായി കോരുതു മാത്തൻ സ്ഥാപിച്ച ഒരു ചെറിയ പള്ളിയും ഉണ്ടായിരുന്നു. എന്നാൽ പരുമലയിലെ പനയന്നാർ കാവിന്റെ തെക്കുഭാഗത്തായി പനക്കൂട്ടങ്ങൾ നിറഞ്ഞ ഈ പ്രദേശം അന്ന് ഭയപ്പെടുത്തുന്ന ഏകാന്തത നിറഞ്ഞതായിരുന്നു. ഭൂതപ്രേതാദികളുടെ കേളീരംഗമായി സാധാരണക്കാർ കരുതിയിരുന്ന ഈ പ്രദേശത്ത് ജനങ്ങളുടെ ഭയത്തെ മുതലെടുത്ത് സാമൂഹിക വിരുദ്ധർ കവർച്ചയും കൊള്ളിവെയ്പും നടത്തിയിരുന്നു. ഇതു പോലെയൊരു സ്ഥലത്ത് തന്നോടൊത്ത് പ്രവർത്തിക്കുവാൻ അനുയോജ്യനായി പുലിക്കോട്ടിൽ മാർ ദീവന്നാസ്യോസ് കണ്ടെത്തിയ വ്യക്തിയായിരുന്നു അന്നു വെട്ടിക്കൽ സെന്റ്.തോമസ് ദയറയിൽ താമസിക്കുകയായിരുന്ന ചാത്തുരുത്തിൽ ഗീവർഗീസ് [[കോർ-എപ്പിസ്ക്കോപ്പാ|കോറെപ്പിസ്ക്കോപ്പ]]. മാർ ദീവന്നാസ്യോസ് മെത്രാപ്പോലീത്ത ഗീവർഗീസ് കോറെപ്പിസ്ക്കോപ്പാക്ക് റമ്പാൻ സ്ഥാനം നൽകുകയും പരുമലയിലേക്ക് ക്ഷണിച്ചു കൊണ്ടുവരികയും ചെയ്തു. പരുമലയിലെത്തിയ ഗീവർഗീസ് റമ്പാൻ വൈദികപരിശീലനമടക്കമുള്ള സഭാകാര്യങ്ങളിൽ മാർ ദീവന്നാസ്യോസിനെ സഹായിച്ചു വന്നു. പിന്നീട് ഇദ്ദേഹം ഗീവർഗ്ഗീസ് മാർ ഗ്രീഗോറിയോസ് എന്ന പേരിൽ മെത്രാപ്പോലീത്തയായി നിരണം ഭദ്രാസനത്തിന്റെ അധികാരം ഏറ്റെടുത്തപ്പോഴും ഭദ്രാസനചുമതലയോടൊപ്പം [[ശെമ്മാശൻ|ശെമ്മാശന്മാരെ]] പരിശീലിപ്പിക്കുന്നതിനായി തന്റെ താമസം പരുമല സെമിനാരിയിൽ തന്നെ തുടർന്നു. ഇക്കാലയളവിൽ പള്ളിയും സ്ഥലവും കൂടി കോരുത് മാത്തന്റെ മുൻ നിർദ്ദേശാനുസരണം അദ്ദേഹത്തിന്റെ മക്കൾ സഭക്കായി എഴുതി നൽകി. ''പരുമല തിരുമേനി'' എന്നറിയപ്പെടാൻ തുടങ്ങിയ മാർ ഗ്രീഗോറിയോസ് പള്ളിയുടെ വികസനത്തിൽ ബദ്ധശ്രദ്ധനായിരുന്നു. മുളയിലും പലകയിലും തീർത്ത പള്ളി പൊളിച്ച് മാറ്റി ദീർഘകാലത്തെ പ്രയത്നഫലമായി മൂന്ന് ത്രോണോസുകളോടു കൂടിയ സാമാന്യം വലിയ പള്ളി സ്ഥാപിക്കുവാൻ അദ്ദേഹത്തിന് സാധിച്ചു. തന്റെ [[യെരുശലേം]] തീർത്ഥാടനത്തിന് തൊട്ടു മുൻപായി പുലിക്കോട്ടിൽ ജോസഫ് മാർ ദീവന്നാസ്യോസിനൊപ്പം 1895 മകരംജനുവരി 1527 (ജനുവരി1071 27മകരം 15) -ന് ഈ ദേവാലയത്തിന്റെ കൂദാശ നടത്തിയതായി പരുമല തിരുമേനി തന്റെ ''[[ഊർശ്ലേം യാത്രാവിവരണം|ഊർശ്ലേം യാത്രാവിവരണത്തിൽ]]'' രേഖപ്പെടുത്തിയിട്ടുണ്ട്.<br/>

പരുമല തിരുമേനിയെ അദ്ദേഹത്തിന്റെ കാലശേഷം പരിശുദ്ധനായി സഭ പ്രഖ്യാപിക്കുകയും പരുമല പള്ളി കേരളത്തിലെ പ്രമുഖ തീർത്ഥാടന കേന്ദ്രങ്ങളിലൊന്നാകുകയും ചെയ്തു. ധാരാളമായി വന്നെത്തുന്ന തീർത്ഥാടകരെ ഉൾക്കൊള്ളുന്നതിനും കാലപ്പഴക്കത്താലുണ്ടായ കേടുപാടുകൾ തീർക്കുന്നതിനുമായി കഴിഞ്ഞ നൂറ്റാണ്ടിന്റെ അവസാനം പ്രധാനഭാഗങ്ങൾ മാത്രം നിലനിർത്തിക്കൊണ്ട് പള്ളി വിപുലമായ രീതിയിൽ പുതുക്കി പണിയുകയുണ്ടായി. പരുമലയിൽ ഇപ്പോഴുള്ള പള്ളി രൂപകല്പന ചെയ്തത് പ്രശസ്ത വാസ്തുശില്പിയായ [[ചാൾസ് കൊറയ]] ആയിരുന്നു. പരുമല പള്ളിയുടെ രൂപകല്പനയ്ക്കായി മലങ്കരയിലെ പല പഴയ സുറിയാനി പള്ളികളും ഈജിപ്റ്റിലെ ചില കോപ്റ്റിക് ദേവാലയങ്ങളും ചാൾസ് കൊറയ സന്ദർശിച്ചിരുന്നു.<ref name =mano‌_online>{{cite web | url =http://www.manoramaonline.com/cgi-bin/MMOnline.dll/portal/ep/manoramahome/content/printArticle.jsp?tabId=16&contentOID=1623238&language=english&BV_ID=@@@ | title =പരുമല പള്ളി |date= സെപ്തംബർ 24, 2010 | accessdate = നവംബർ 1, 2012 | publisher =മനോരമ ഓൺലൈൻ| language =}}</ref>കൊറയ അവതരിപ്പിച്ച മാതൃക 1993-ൽ അംഗീകരിക്കപ്പെട്ടു. 1995 മാർച്ച് 19-ന് ശിലാസ്ഥാപനം നടത്തിയ ഈ പള്ളിയുടെ പണി പൂർത്തീകരിച്ച് കൂദാശ നടത്തിയത് 2000 ഒക്ടോബർ 27,28 തീയതികളിലായിരുന്നു. പുതുമയുടെയും പാരമ്പര്യത്തിന്റെയും സമന്വയമായ ഈ ദേവാലയത്തിൽ ഒരേ സമയത്ത് രണ്ടായിരത്തിലധികം ആളുകൾക്ക് ആരാധനയിൽ സംബന്ധിക്കാൻ സൗകര്യമുണ്ട്.