അൽ ഇമാം മാലികുബ്നു അനസിബിനു അബീആമിർ അൽ അസ്ബഹീ(റ) (ഹി: 94-179)
മദീന കേന്ദ്രമാക്കി പ്രവർത്തിച്ച ഇമാം മാലിക്(റ) ഹദീസുകൾ സമാഹരിച്ചതിന് പുറമെ സ്വഹാബികളുടെയും താബിഉകളുടെയും ഫത്വകളും ശേഖരിച്ചു. അബദുറഹ്മാനുബ്നു ഹുർമുസ്, ഇബ്നു ശിഹാബിസ്സുഹ്രി, നാഫിഅ്(റ) തുടങ്ങിയവരാണ് ഇദ്ദേഹത്തിന്റെ പ്രധാന ഗുരുവര്യർ.
ഖുർആനും ഹദീസിനും പുറമെ മറ്റു മദ്ഹബുകളിൽ നിന്നും വ്യത്യസ്തമായി മദീനക്കാരുടെ പ്രവർത്തനങ്ങൾ ഇദ്ദേഹം തന്റെ മദ്ഹബിന്റെ അടിസ്ഥാനമായി അവലംബിച്ചിരുന്നു. ഇവക്ക് പുറമെ സ്വഹാബിമാരുടെ വാക്കുകളും ഖിയാസും ഇസ്തഹ്സാനും ഇദ്ദേഹം കർമ ശാസ്ത്ര വിധികളുടെ ആധാരമാക്കിയിരുന്നു.
ഈജ്പ്ത്, സ്പൈൻ, ആഫ്രിക്ക, തുടങ്ങിയ വിദൂര ദേശങ്ങളിൽ നിന്ന് വരെ വിദ്യാർത്ഥികൾ ഇദ്ദേഹത്തിന്റെ ശിഷ്യത്വം നേടാൻ മദീനയിലെത്തിയിരുന്നു.
ഇവരിൽ പ്രമുഖരാണ്:
1) അബൂ അബ്ദില്ലാഹ് അബ്ദുറഹ്മാനിബ്നുൽ ഖാസിം( -191)
2) അബൂ മുഹമ്മദ് അബ്ദുല്ലാഹിബ്നു വഹബ് ബിൻ മുസ്ലിം അൽ ഖുറശിയ്യ്
3) അശ്ഹബ് ബ്നു അബ്ദിൽ അസീസിൽ ഖൈസിയ്യിൽ ആമിരീ
4) അബൂ അബ്ദില്ലാഹ് സിയാദ്ബ്നു അബ്ദുറഹ്മാൻ അൽഖുർഥ്വുബീ
