"ഒലിവർ ടാംബോ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

27 ഒക്ടോബർ 1917 ന് ഇന്നത്തെ ഈസ്റ്റ്കേപിലെ എഞ്ചലി മലക്കു താഴെയുള്ള ഒരു ഗ്രാമത്തിലായിരുന്നു ഒലിവർ ടാംബോ ജനിച്ചത്. ടാംബോയും, ജൂലിയയുമായിരുന്നു മാതാപിതാക്കൾ. ജൂലി ടാംബോയുടെ മൂന്നാമത്തെ ഭാര്യയായിരുന്നു.<ref>[[#ot12|ഒലിവർ ടാംബോ - ലുലി കല്ലിനികോസ്]] പുറം 26</ref> ഹോളി ക്രോസ്സ് മിഷൻ സ്കൂളിലായിരുന്നു പ്രാഥമിക വിദ്യാഭ്യാസം. മെട്രിക്കുലേഷൻ വിജയിച്ചത് സെന്റ് പീറ്റേഴ്സ് സ്കൂളിൽ നിന്നുമായിരുന്നു. സ്കൂൾ വിദ്യാഭ്യാസത്തിനു ശേഷം, ബിരുദപഠനത്തിനായി ഒലിവർ ഫോർട്ട് ഹാരെ സർവ്വകലാശാലയിൽ ചേർന്നു. 1942 ൽ ഒരു വിദ്യാർത്ഥി പണിമുടക്കിൽ പങ്കെടുത്തതിന്റെ പേരിൽ സർവ്വകലാശാലയിൽ നിന്നും പുറത്താക്കപ്പെട്ടു.<ref>[[#ot03|ഒലിവർ ടാംബോ - ക്രിസ് വാൻ വിക്]] പുറം 9</ref> ഒലിവറിനോടൊപ്പം അന്ന് പുറത്താക്കപ്പെട്ടവരിൽ ഒരാളായിരുന്നു നെൽസൺ മണ്ടേല. സർവ്വകലാശാലയിൽ നിന്നും പുറത്താക്കപ്പെട്ടപ്പോൾ ഒലിവർ തിരികെ ജോഹന്നാസ്ബർഗിൽ വന്ന് താൻ പഠിച്ചിരുന്ന സ്കൂളിൽ അധ്യാപകനായി ജോലിക്കു ചേർന്നു.<ref>[[#ot03|ഒലിവർ ടാംബോ - ക്രിസ് വാൻ വിക്]] പുറം 10</ref> കണക്കും, ശാസ്ത്രവുമായിരുന്നു ഒലിവർ പഠിപ്പിച്ചിരുന്നത്. ജോഹന്നാസ്ബർഗ് ജീവിതത്തിനിടയിൽ ഒരു പാതിരിയാവുന്നതിനെക്കുറിച്ച് ഒലിവർ ചിന്തിച്ചിരുന്നു, എന്നാൽ മനുഷ്യനെ സേവിക്കാൻ അതിനേക്കാൾ നല്ല മാർഗ്ഗം രാഷ്ട്രീയമാണെന്ന് ഒലിവർ തിരിച്ചറിയുകയായിരുന്നു. കൂടാതെ, ജോഹന്നസ്ബർഗിൽ വെച്ച് തന്റെ സഹപാഠികളായിരുന്ന മണ്ടേലയേയും, സിസുലുവിനേയും ഒലിവർ വീണ്ടും കണ്ടുമുട്ടി.