"ബാഡ്മിന്റൺ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

123 ബൈറ്റുകൾ കൂട്ടിച്ചേർത്തിരിക്കുന്നു ,  7 വർഷം മുമ്പ്
(ചെ.)
(ചെ.) (87 ഇന്റർവിക്കി കണ്ണികളെ വിക്കിഡാറ്റയിലെ d:Q7291 എന്ന താളിലേക്ക് മാറ്റിപ്പാർപ്പിച്ചിരി...)
 
=== സ്കോറിംഗ് ===
[[പ്രമാണം:Monsterscore.jpg|thumb]]
ഒരു ബാഡ്മിന്റൺ മത്സരത്തിൽ പരമാവധി മൂന്ന് ഗെയിമുകൾ ആണുള്ളത്. ആദ്യം രണ്ടു ഗെയിമുകൾ ജയിക്കുന്ന കളിക്കാരൻ / ടീം മത്സരം വിജയിക്കുന്നു. ഓരോ ഗെയിമും 21 പോയിന്റിന് വേണ്ടിയിട്ടാണ് കളിക്കുന്നത്. ഒരു റാലി ജയിക്കുമ്പോൾ ജയിച്ചയാൾക്ക് ആര് സെർവ് ചെയ്തു എന്ന് പരിഗണിക്കാതെ ഓരോ പോയിന്റ് ലഭിക്കുന്നു.
 
ഒരു റാലിയുടെ തുടക്കത്തിൽ സെർവ് ചെയ്യുന്നയാളും (സെർവർ) സെർവ് സ്വീകരിക്കുന്നയാളും (റിസീവർ) കളിക്കളത്തിൽ കോണോടുകോണായി നിൽക്കുന്നു. ഷട്ടിൽകോക്ക് റിസീവറുടെ സെർവീസ് കോർട്ടിൽ വീഴുന്ന തരത്തിൽ സെർവർ ഷട്ടിൽകോക്കിനെ അടിക്കുന്നു. സെർവ് ചെയ്ത ശേഷം ഷട്ടിൽ താഴെ വീഴുമ്പോൾ ആ റാലി അവസാനിക്കുകയും റാലി ജയിച്ചയാൾക്ക് ഒരു പോയിന്റ് ലഭിക്കുകയും ചെയ്യുന്നു. സെർവർ ഒരു റാലി തോൽക്കുമ്പോൾ സെർവ് ചെയ്യാനുള്ള അവസരം അയാളുടെ എതിരാളിക്ക് ലഭിക്കുന്നു. സെർവറുടെ സ്കോർ ഇരട്ടസംഖ്യയാവുമ്പോൾ അയാൾ വലത്തെ സെർവീസ് കോർട്ടിൽ നിന്നും ഒറ്റസംഖ്യയാവുമ്പോൾ ഇടത്തെ സെർവീസ് കോർട്ടിൽ നിന്നും സെർവ് ചെയ്യുന്നു.
[[പ്രമാണം:Monsterscore.jpg|thumb]]
ഡബിൾസിൽ സെർവ് ചെയ്യുന്ന ടീം ഒരു റാലി ജയിക്കുകയാണെങ്കിൽ അതേ കളിക്കാരൻ തന്നെ സെർവീസ് കോർട്ട് മാറി ഇതര എതിരാളിക്ക് സെർവ് ചെയ്യുന്നു. എതിരാളികൾ റാലി ജയിക്കുകമ്പോൾ, അവരുടെ പുതിയ സ്കോർ ഇരട്ടയാണെങ്കിൽ വലത്തെ സെർവീസ് കോർട്ടിലുള്ള കളിക്കാരനും ഒറ്റയാണെങ്കിൽ ഇടത്തെ സെർവീസ് കോർട്ടിലുള്ള കളിക്കാരനും സെർവ് ചെയ്യുന്നു. കളിക്കാരുടെ സെർവീസ് കോർട്ട് നിശ്ചയിക്കുന്നത് മുമ്പത്തെ റാലി തുടങ്ങുന്നതിനു മുമ്പുള്ള അവരുടെ സ്ഥാനം കണക്കാക്കിയാണ്. റാലി കഴിഞ്ഞ ശേഷം അവർ എവിടെ നിൽക്കുന്നു എന്ന് പരിഗണിക്കാറില്ല. ഈ രീതിയിൽ കളിക്കുമ്പോൾ ഒരു ടീമിന് സെർവ് തിരിച്ചുകിട്ടുന്ന അവസരത്തിൽ സെർവ് ചെയ്യുന്നത് കഴിഞ്ഞ തവണ സെർവ് ചെയ്ത കളിക്കാരന്റെ പങ്കാളിയായിരിക്കും.
 
സ്കോർ 20-20 ആവുകയാണെങ്കിൽ, ഒരാൾ രണ്ടു പോയിന്റ് മുന്നിട്ടു നിൽക്കുന്നതു വരെയോ (ഉദാഹരണം: 24-22), 30 പോയിന്റ് എത്തുന്നതു വരെയോ കളി തുടരും (30-29 ഒരു വിജയസ്കോറാണ്).
 
[[File:Badminton play.jpg|thumb|left|ഷട്ടിൽകളി ഒരു നാട്ടിൻ പുറകാഴ്ച]]
ഒരു മത്സരം തുടങ്ങുന്നതിന് മുമ്പ് ആദ്യം ആര് സെർവ് ചെയ്യുമെന്ന് നിശ്ചയിക്കുന്നതിനായി ടോസിടും. ടോസ് ജയിക്കുന്നയാൾക്ക് സെർവ് ചെയ്യണോ റിസീവ് ചെയ്യണോ എന്നു തീരുമാനിക്കുകയോ, കളിക്കളത്തിന്റെ ഏതു വശത്ത് നിൽക്കണമെന്ന് തീരുമാനിക്കുകയോ ചെയ്യും. എതിരാളികൾ അവശേഷിക്കുന്ന തീരുമാനമെടുക്കും. തുടർന്നുള്ള ഗെയിമുകളിൽ തൊട്ടുമുമ്പത്തെ ഗെയിം ജയിച്ചവർ ആദ്യം സെർവ് ചെയ്യും. ഒരു ഡബിൾസ് ഗെയിമിന്റെ ആദ്യ റാലിയിൽ ജോഡികൾക്ക് ആര് ആദ്യം സെർവ് ചെയ്യണമെന്നോ ആര് ആദ്യം റിസീവ് ചെയ്യണമെന്നോ തീരുമാനിക്കാനുള്ള സ്വാതന്ത്ര്യമുണ്ട്.
 
"https://ml.wikipedia.org/wiki/പ്രത്യേകം:മൊബൈൽവ്യത്യാസം/1742558" എന്ന താളിൽനിന്ന് ശേഖരിച്ചത്