"പീറ്റർ ഡാമിയൻ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

[[ഇറ്റാലിയൻ]] വൈദികനായിരുന്നു '''പീറ്റർ ഡാമിയൻ'''. കർദിനാൾ പദവിയും വേദപാരംഗതസ്ഥാനവും (ഡോക്ടർ ഒഫ് ദ് ചർച്ച് പദവിയും) ലഭിച്ചിട്ടുണ്ട്. 1007 - ൽ റവന്നയിൽ ഡാമിയൻ [[ജനനം|ജനിച്ചു]]. വൈദികനാകുന്നതിനു മുമ്പ് റവന്നയിൽ [[അധ്യാപകൻ|അധ്യാപക]] വ്യത്തിയിൽ ഏർപ്പെട്ടിരുന്നു. 1035-ൽ ഇദ്ദേഹം ഫോൺടെ അവല്ലാനയിലെ പ്രസിദ്ധമായ [[സന്ന്യാസി]] മഠത്തിൽ ചേർന്നു. [[ആശ്രമം|ആശ്രമത്തിന്റെ]] തലവനായി തിരഞ്ഞെടുക്കപ്പെട്ട ഇദ്ദേഹം ആശ്രമവാസികൾക്കായി ബെനഡിക്റ്റ് വിശുദ്ധന്റെയും റൊമൗൾഡ് വിശുദ്ധന്റെയും മാതൃകയിൽ നിയമനിർമാണം നടത്തി.

ഡാമിയൻ പലപ്പോഴും മാർപ്പാപ്പയുടെ പ്രതിപുരുഷനായി പ്രവർത്തിച്ചിട്ടുണ്ട്. 1059-ൽ നിക്കൊളസ് രണ്ടാമൻ ഡാമിയനെ മിലാനിലേക്കയച്ചു. അവിടെ വൈദികർക്കിടയിൽ പ്രചരിച്ചിരുന്നനിലവിലിരുന്ന അനാചാരങ്ങൾ അവസാനിപ്പിക്കുക എന്നതായിരുന്നു ഡാമിയന്റെ കർത്തവ്യം. 1063-ൽ അലക്സാണ്ടർ രണ്ടാമൻ ഡാമിയനെ ഫ്രാൻസിലേക്കയച്ചു. ക്ലൂന്നിയിലെ സന്ന്യാസിമഠത്തിന്റെ അധിപനായ ഹ്യുഗും മേകണിലെ ബിഷപ്പായ ഡ്രൊഗൊയും തമ്മിലുള്ള തർക്കം ഒതുക്കുകയായിരുന്നു ഡാമിയനിൽ നിക്ഷിപ്തമായിരുന്ന ഉത്തരവാദിത്വം. ഡാമിയൻ വിജയം കൈവരിക്കുകയും ചെയ്തു. ഇതിൽ സന്തുഷ്ടരായ സന്ന്യാസിമാർ ഡാമിയനു നിരവധി സമ്മാനങ്ങൾ നൽകാൻ തയ്യാറായെങ്കിലും ഡാമിയൻ അവരെ വിലക്കുകയാണുണ്ടായത്. താത്ക്കാലിക പാരിതോഷികങ്ങൾ സ്വീകരിക്കുന്നത് ശാശ്വതമായവ ലഭിക്കുന്നതിനു തടസ്സമാകും എന്നായിരുന്നു ഇദ്ദേഹത്തിന്റെ വിശ്വാസം. ഡാമിയന്റെ അവസാന ദൗത്യം റവന്നയിലായിരുന്നു. അവിടെ നിന്നുള്ള മടക്കയാത്രയിൽ 1072 [[ഫെബ്രുവരി]] 23-ന് ഫായൻസയിൽ വച്ചു ഇദ്ദേഹം നിര്യാതനായി.

ദൈവശാസ്ത്രം സംബന്ധിച്ച് നിരവധി കൃതികൾ ഇദ്ദേഹം രചിച്ചിട്ടുണ്ട്. 1828-ൽ പോപ്പ് ലിയോ പന്ത്രണ്ടാമൻ ഡാമിയനെ ഡോക്ടർ ഒഫ് ദ് ചർച്ച് ആയി പ്രഖ്യാപിച്ചു. [[റോമൻ കത്തോലിക്ക സഭ]] ഫെബ്രുവരി 23 ഡാമിയന്റെ ഓർമദിനമായി ആചരിക്കുന്നു.