"മേഴത്തോൾ അഗ്നിഹോത്രി" എന്ന താളിന്റെ പതിപ്പുകൾ തമ്മിലുള്ള വ്യത്യാസം

[[പറയി പെറ്റ പന്തിരുകുലം|പറയി പെറ്റ പന്തിരുകുലത്തിലെ]] പ്രഥമ പുത്രനാണ്‌ '''മേഴത്തോൾ അഗ്നിഹോത്രി'''. <ref>http://www.namboothiri.com/articles/agnihothri.htm</ref>'''ബ്രഹ്മദത്തൻ''' എന്നായിരുന്നു അദ്ദേഹത്തിന്റെ യഥാർത്ഥ നാമധേയം. "യജ്ഞസ്ഥാനം സംരക്ഷ്യം" എന്ന കലിദിനമനുസരിച്ച് കലി വർഷം 3444 (AD342) മീനമാസം രണ്ടാം തിയ്യതി വ്യാഴാഴ്ച്ചയാണ്‌ അഗ്നിഹോത്രി ജനിച്ചത്‌ എന്ന് ചരിത്രം. വരരുചിയും പത്നിയും ഉപേക്ഷിച്ച നവജാത ശിശുവിനെ [[നിള|നിളാതീരത്തു]] നിന്നും, [[തൃത്താല വേമഞ്ചേരി മന|വേമഞ്ചേരി മനയിലെ]] അന്തർജ്ജനം കണ്ടെടുത്ത്‌ വളർത്തി.<ref>http://www.naranathubranthan.com/panthirukulam.php</ref> വളരെ കുഞ്ഞുനാളിലേ കുട്ടിയിൽ ഒരു ദിവ്യ ചേതസ്സ്‌ കാണപ്പെട്ടു. ഒരു ദിവസം അന്തർജ്ജനം കുളിയ്ക്കാനായി പുഴയിലേയ്ക്ക്‌ പോയപ്പോൾ കൂടെ ചെന്ന കുട്ടി,അവരുടെ [[താളി]]ക്കിണ്ണത്തിൽ,പുഴമണൽ കൊണ്ടുണ്ടാക്കിയ [[ശിവലിംഗം]] പ്രതിഷ്ഠിച്ചുവെന്നും, വരന്തുട്ടിക്കടവിൽ വെച്ച്‌ പുഴയുടെ ഗതി മാറ്റി ഒഴുക്കി എന്നും ഐതിഹ്യം. പുഴമണൽ കൊണ്ടുണ്ടാക്കിയ ശിവലിംഗം തിരുത്താലത്തിൽ(താളിക്കിണ്ണത്തിൽ) പ്രതിഷ്ഠിച്ചതു കൊണ്ട്‌ അത്‌ തിരുത്താല അപ്പനും പിന്നീട്‌ തൃത്താല അപ്പനും ആയി മാറി എന്ന് വിശ്വാസം. ഈ ക്ഷേത്രം നിൽക്കുന്നതിനു ചുറ്റും ഉള്ള നാട്‌ [[തൃത്താല]] എന്ന പേരിൽ അറിയപ്പെടുകയുണ്ടായി.