ബംഗ്ലാദേശിലെ ഗൗരീപൂരില് 1928 ആഗസ്റ്റ് 8നാണ് വിലായത്ത് ഖാന് ജനിച്ചത്. പിതാവ് പ്രശസ്തനായ സിത്താര് ഗുരുവായ ഉസ്താദ് ഇനായത്ത് ഖാന്. സംഗീത പാരമ്പര്യമുള്ള കുടുംബത്തില് ജനിച്ച വിലായത്ത് ഖാന്റെ പൂര്വികര് മുഗള് രാജസദസ്സിലെ സംഗീതഞന്മാരായിരുന്നു. ഹിന്ദുസ്ഥാനി സംഗീതത്തിലെ ഇറ്റാവ ഖരാനയുടെ പിന്തുടര്ച്ച അവകാശപ്പെടാവുന്ന സംഗീത പാരമ്പര്യം വിലായത്ത് ഖാന്റെ സംഗീത ജീവിതത്തിലെ അനുഗ്രഹമായിരുന്നു.അദ്ദേഹത്തിന്റെ മുത്തച്ചനായ ഉസ്താദ് ഇമാദ് ഖാനാണ് ഇറ്റാവ ഖാരാനയുടെ സ്ഥാപകനായി അറിയപ്പെടുന്നത്.ഏട്ടാം വയസ്സില് ആരംഭിച്ച വിലായത്ത് ഖാന്റെ സംഗീത ജീവിതം 2004ല് അദ്ദേഹത്തിന്റെ എഴുപത്തിയഞ്ചാം വയസ്സില് അന്തരിക്കുന്നത് വരെ നിലനിന്നു.