"യൂസുഫ്" എന്ന താളിന്റെ പതിപ്പുകൾ തമ്മിലുള്ള വ്യത്യാസം

മറ്റൊരു ദിവസം വീണ്ടും ഉപായത്തിൽ യൂസുഫിനെ മുറിക്കത്തേക്ക് സുലൈഖ വിളിച്ച് വരുത്തി. ഇപ്രാവശ്യം വളരെ തന്ത്രപൂർവം പലതും പറഞ്ഞെങ്കിലും വഴിപ്പെടാതെ നിന്ന യൂസുഫിനെ സകലശക്തിയും പ്രയോഗിച്ച് അവൾ വിടാതെ കെട്ടിപിടിച്ചു. അവിടെ നിന്നും രക്ഷപ്പെട്ട് പുറത്തേക്കോടിയ യൂസുഫിന്റെ കുപ്പായത്തിൽ അവൾ പിടികൂടി. പിടിവലിയിൽ കുപ്പായം കീറിയെങ്കിലും പിടികൊടുക്കാതെ യൂസുഫ് വീണ്ടും ഓടി. രൺട്രണ്ട് പേരും ഓടിയെത്തിയത് അസീസിന്റെയും,സുലൈഖായുടെ പിതൃസഹോദരനായ യംലീഖാന്റേയും മുന്നിലേക്കായിരുന്നു. രണ്ട് പേരുടേയും ഭാവം കണ്ടപ്പോൾ കാര്യമായ എന്തോ പ്രശ്നം ഉള്ളതായി അസീസിന് തോന്നി. സുലൈഖായുടെ വസ്ത്രങ്ങൾ മാറികിടക്കുന്നു. യൂസുഫിന്റെ വസ്ത്രം കീറിയിരിക്കുന്നു. പെട്ടെന്ന് സുലൈഖ പറഞ്ഞു. 'ഇത്തരം തെമ്മാടികളെയാണോ വീട്ടിൽ വളർത്തുന്നത്? ഇവന്റെ തെമ്മാടിത്തം മൂത്ത് എന്നെക്കൂടെ മാനഭംഗം ചെയ്യുവാൻ മുതിർന്നിരിക്കുന്നു. ഞാനും ഇവനുമായി വേണ്ട വഴക്ക് കഴിഞ്ഞു. എന്നെ ഉപദ്രവിച്ച ഇവന്ന് എന്ത് ശിക്ഷയാണ് നിങ്ങൾ കൊടുക്കുവാൻ വിചാരിക്കുന്നത്.'

തന്റെ പേരിലുള്ള അപവാദം ഇല്ലായ്മ ചെയ്യുവാൻ സുലൈഖ ഒരു യുക്തി കണ്ടുപിടിച്ചു. നാട്ടിലെ പ്രഭുസ്ത്രീകളെ അവൾ തന്റെ സത്ക്കാരത്തിന് ക്ഷണിച്ചു. എല്ലാവർക്കും തേനും ഓരോ കക്കരിയും മൂർച്ചയുള്ള ഓരോ കത്തിയും നൽകി. കക്കരി മുറിച്ച് തേനിൽ മുക്കി കഴിക്കുവാനാണ് തയാറാക്കിയിരുന്നത്. സുലൈഖ എല്ലാവരോടും ഭക്ഷണം കഴിച്ചു തുടങ്ങുവാൻ നിർദ്ദേശിച്ചു. അങ്ങനെ അവർ കക്കരി മുറിക്കുന്ന സമയം മുൻക്കൂട്ടി തയാറാക്കിയതിൽ പ്രകാരം യൂസുഫിനെ അവരുടെ ഇടയിലേക്ക് നടത്തുവാൻ ഏർപ്പാട് ചെയ്തിരുന്നു. യൂസുഫിനെ കണ്ടതും മിസ്രിലെ പ്രഭുസ്ത്രീകളുടെ കത്തികൊൺടുകത്തികൊണ്ടു കക്കരി മുറിക്കുന്നതിനുള്ള സൂക്ഷ്മത കൈവിട്ടു പോയി. മുറിപറ്റിയ കൈകളിൽ നിന്ന് രക്തമൊഴുകി. 'ഹാ! പടച്ചവനെ... ഇതൊരു മനുഷ്യനല്ല! ഇതൊരു മാന്യനായ മലക്കാണ്(മാലാഖ)' എന്ന് അവർ പറഞ്ഞുപോയി. ഈ കോലാഹലങ്ങളെല്ലാം നോക്കി ഒരു ഭാഗത്ത് സുലൈഖ നിൽക്കുകയായിരുന്നു. അവൾ പറഞ്ഞു 'നിങ്ങളെല്ലാം യൂസുഫിനെ കാമിച്ച ഞാൻ മോശക്കാരിയാണെന്നും മറ്റും പറഞ്ഞു പരിഹസിച്ചു. ഇപ്പോഴോ? യൂസുഫിനെ ഒരിക്കൽ കണ്ട നിങ്ങളുടെ അവസ്ത ഇത്രയുമായിരിക്കെ കൂടെ താമസിക്കുന്ന ഞാൻ അവനെ മോഹിക്കുന്നതിൽ നിങ്ങൾക്കെന്താണ് എന്നെ കുറ്റം പറയാനുള്ളത്? ആരാണ് അധികം മോശക്കാരികൾ.' പ്രഭുസ്ത്രീകൾ സുലൈഖായെ പരിഹസിച്ചതിന് മാപ്പ് പറഞ്ഞു. സുലൈഖ തുടർന്ന് പറഞ്ഞു 'ഇവൻ ഇതുവരെ എനിക്ക് വഴിപ്പെട്ടിട്ടില്ല. ഞാൻ പറഞ്ഞതുപ്രകാരം ഇവൻ ചെയ്യാത്തപക്ഷം ഞാനവനെ ജയിൽശിക്ഷക്ക് വിധിക്കും.' ഇതുകേട്ട് യൂസുഫ് പ്രാർതിച്ചു 'എന്റെ രക്ഷിതാവെ ഇവർ എന്നെ ഏതൊന്നിലേക്ക്‌ ക്ഷണിക്കുന്നുവോ അതിനെക്കാളും എനിക്ക്‌ കൂടുതൽ പ്രിയപ്പെട്ടത്‌ ജയിലാകുന്നു.'

ഏഴുകൊല്ലത്തിനുശേഷം ക്ഷാമംതുടങ്ങി. കൊല്ലംതോറും ക്ഷാമം വർദ്ധിച്ചു. മിസ്റിൽ മാത്രമല്ല അടുത്തരാജ്യങ്ങളിലും ക്ഷാമം ബാധിച്ചു. മിസ്റിൽ ഭക്ഷണ നിയന്ത്രണം നടപ്പാക്കി. രാജധാനിയിൽനിന്നു ഓരോ കുടുംബത്തിനും വേൺടത്വേണ്ടത് അളന്ന് കൊടുത്തുവന്നു. ഭക്ഷണക്ഷാമം ബാധിച്ച അയൽരാജ്യക്കാർ മിസ്റിൽ വന്ന് അത്യാവശ്യം ഭക്ഷണസാധനങ്ങൾ വാങ്ങികൊണ്ടുപോകുവാൻ യൂസുഫ്നബി കല്പിച്ചു. മിസ്ർ ദേശക്കാർക്ക് ഭക്ഷണവിതരണത്തിന് ഒരു വകുപ്പും, അന്യദേശക്കാർക്ക് ആവശ്യം അറിഞ്ഞ് ക്വാട്ട നിശ്ചയിച്ചുകൊടുക്കുന്നതിന് വേറൊരു വകുപ്പുംതിരിച്ചു. ഈ രണ്ടു വകുപ്പുകളുടേയും മേൽനോട്ടം യൂസുഫ്നബി നിർവഹിച്ചു.