"റോബർട്ട് ബ്രൗണിങ്" എന്ന താളിന്റെ പതിപ്പുകൾ തമ്മിലുള്ള വ്യത്യാസം

വരി 79:
വിക്ടോറിയൻ യുഗത്തിലെ കവികളിൽ [[ആൽഫ്രെഡ് ലോർഡ് ടെനിസൺ|ടെനിസണു]] സമശീർഷനായി ബ്രൗണിങ് അംഗീകരിക്കപ്പെട്ടത് ദീർഘകാലത്തെ കാത്തിരിപ്പിനു ശേഷമാണ്. എന്നാൽ വരും യുഗങ്ങൾ അദ്ദേഹത്തെ [[ആൽഫ്രെഡ് ലോർഡ് ടെനിസൺ|ടെനിസനേക്കാൾ]] മികച്ച കവിയെന്നോ, [[വില്യം ഷേക്സ്പിയർ|ഷെയ്ക്സ്പിയറിനു]] ശേഷം [[ഇംഗ്ലീഷ്|ഇംഗ്ലീഷ് ഭാഷയ്ക്കു]] ലഭിച്ച ഏറ്റവും മികച്ച കവിയെന്നോ വിലയിരുത്താൻ മതി.
 
ബ്രൗണിങ് കവിതയുടെ വായനയിലെ ഏറ്റവും വലിയ പ്രശ്നം ശൈലിയുടെ ദുർഗ്രഹതയാണ്. ഈ ദുർഗ്രഹതയ്ക്കു പല കാരണങ്ങളും ചൂണ്ടിക്കാണിക്കപ്പെട്ടിട്ടുണ്ട്. കവിയുടെ ചിന്താധാരയുടെ സങ്കീർണ്ണതയോടു നീതിപുലർത്താൻ ഭാഷയ്ക്കുള്ള ബുദ്ധിമുട്ടാണ് ഒരു കാരണം. പലപ്പോഴും ഭാഷയുടെ വ്യക്തതയിൽ ശ്രദ്ധയൂന്നാതെ ഭാഷയെ വ്യാക്ഷേപകങ്ങളുടെ ഒരു പരമ്പരയായി വെട്ടിച്ചുരുക്കി അദ്ദേഹം. കവിയുടെ ചിന്താപ്രക്രിയ പിടികിട്ടാത്തെ വായനക്കാരൻ ആ വ്യാക്ഷേപകങ്ങളുടെ അർത്ഥം കിട്ടാതെ വലയുന്നു. കവിതയിൽ അദ്ദേഹം തന്റെ പരന്ന വായനയിൽ സ്വാംശീകരിച്ച അറിവിനെ, ത്വരിതപ്രസക്തിയില്ലാത്ത വിദൂരസൂചനകളായി തിരുകി പലപ്പോഴും കയറ്റുന്നു. ബ്രൗണിങ് ഒട്ടുവളരെ എഴുതുകയും ഒട്ടും തന്നെ തിരുത്താതിരിക്കുകയും ചെയ്തു എന്നതാണ് ദുർഗ്രഹതയുടെ മറ്റൊരു കാരണം. ഒരു ഖനിവേലക്കാരനെപ്പോലെ മനുഷ്യഹൃദയത്തിന്റെ അഗാധതകൾ പരതിയ കവി ഖനിജങ്ങൾക്കൊപ്പം മണ്ണും വായനക്കാർക്ക് എത്തിച്ചുകൊടുത്തു.
 
ഇപ്പറഞ്ഞ കുറവുകളെയെല്ലാം അതിലംഘിക്കുന്നതാണ് ബ്രൗണിങ് കവിതയിൽ ഒളിഞ്ഞിരിക്കുന്ന നിധികൾ. ദീർഘകാലം നേരിടേണ്ടി വന്ന അവഗണയും പരിഹാസവും അവഗണിച്ച് ഉത്സാഹപൂർവം പരിശ്രമം തുടർന്ന അദ്ദേഹത്തിന്റെ പ്രതിഭയുടെ മാറ്റ് അംഗീകരിക്കാൻ ഒടുവിൽ ആസ്വാദകലോകം വിവശമായി. മനുഷ്യരാശിയുടെ പ്രബോധകന്റെ ചുമതല ഇത്രബോധപൂർവം ഏറ്റെടുത്ത് ഗാംഭീര്യത്തോടെ നിർവഹിച്ച മറ്റൊരു കവി [[ഇംഗ്ലീഷ്]] ഭാഷയിലില്ല. മറ്റു പലരേയും പോലെ അദ്ദേഹം വിനോദിപ്പിക്കുന്ന കവിയല്ല. അത്താഴത്തിനു ശേഷം ചാരുകസാലയിൽ കിടന്നു വായിക്കാവുന്ന തരം കവിതയല്ല അദ്ദേഹം രചിച്ചത്. എഴുന്നേറ്റിരുന്ന്, ബുദ്ധിയെ സൂഷ്മതയിൽ നിർത്തി ബോധപൂർവം വായിക്കേണ്ട കവിതയാണത്.
 
==കുറിപ്പുകൾ==
"https://ml.wikipedia.org/wiki/റോബർട്ട്_ബ്രൗണിങ്" എന്ന താളിൽനിന്ന് ശേഖരിച്ചത്