ഹിപ്പോളൈറ്റ് ടെയിൻ

ഒരു ഫ്രഞ്ച് നിരൂപകനും ചരിത്രകാരനുമായിരുന്നു ഹിപ്പോലൈറ്റ് അഡോൾഫ് ടെയിൻ (18 ഏപ്രിൽ 1828 - മാർച്ച് 5, 1893). ഫ്രഞ്ച് പ്രകൃതിവാദത്തിൽ മുഖ്യ സൈദ്ധാന്തിക സ്വാധീനം, സാമൂഹ്യശാസ്ത്ര പോസിറ്റീവിസത്തിന്റെ പ്രധാന വക്താവ്, ചരിത്രപരമായ വിമർശനത്തിന്റെ ആദ്യ പരിശീലകരിൽ ഒരാൾ എന്നിവയായിരുന്നു അദ്ദേഹം. ഒരു വിമർശനാത്മക പ്രസ്ഥാനമെന്ന നിലയിൽ സാഹിത്യ ചരിത്രവാദം അദ്ദേഹത്തിൽ നിന്നാണ് ഉത്ഭവിച്ചതെന്ന് പറയപ്പെടുന്നു.

ഹിപ്പോളൈറ്റ് ടെയിൻ
Portrait of Hippolyte Taine by Léon Bonnat.
ജനനം	Hippolyte Adolphe Taine (1828-04-21)ഏപ്രിൽ 21, 1828 Vouziers, France
മരണം	മാർച്ച് 5, 1893(1893-03-05) (പ്രായം 64) Paris, France
ദേശീയത	French
പഠിച്ച വിദ്യാലയം	École Normale Supérieure
കയ്യൊപ്പ്

ജീവിതരേഖ

ഫ്രെഞ്ച് നിരൂപകനും ചരിത്രകാരനും തത്ത്വചിന്തകനും. ഫ്രാൻസിലെ വൗസിയേഴ്സിൽ 1828-ൽ ജനിച്ചു. പാരീസിൽ വിദ്യാഭ്യാസം പൂർത്തിയാക്കിയശേഷം നിരൂപണരംഗത്തേക്കു തിരിഞ്ഞു. ആ നിലയിൽ പേരെടുത്ത ശേഷം തത്ത്വചിന്താസരണിയിലേക്ക് കൂടി ശ്രദ്ധപതിപ്പിച്ചു. പ്രത്യക്ഷവാദ തത്ത്വചിന്താപദ്ധതി (Positivism) ആയിരുന്നു ഇദ്ദേഹത്തിന്റെ ഇഷ്ടപ്പെട്ട മേഖല. ധാർമികഗുണങ്ങളെയും കലാപരമായ മേന്മയെയും ശാസ്ത്രീയപദസമുച്ചയത്തിന്റെ സഹായത്തോടെ വർണിക്കുന്നവയാണ് ഇദ്ദേഹത്തിന്റെ ഈ വിഭാഗത്തിൽപ്പെട്ട കൃതികൾ. സമകാലിക ഫ്രാൻസിന്റെ ഉദ്ഭവം എന്ന് അർഥം വരുന്ന ലെ ഒറിജിനെസ് ദെ ല ഫ്രാൻസ് കന്റെംപൊറെയ്ൻ (Les Origines de la France Contemporaine, 1875-'94) ആണ് പ്രകൃഷ്ടകൃതിയായി അംഗീകരിക്കപ്പെട്ടിട്ടുള്ളത്. ഫ്രെഞ്ച് വിപ്ലവകാരികളും വിപ്ലവത്തിന്റെ ഉദ്ദേശ്യലക്ഷ്യങ്ങളും ഈ കൃതിയിൽ രൂക്ഷമായ ഭാഷയിൽ ചോദ്യം ചെയ്യപ്പെടുന്നുണ്ട്. 1893-ൽ ഹിപ്പോളൈറ്റ് ടെയിൻ അന്തരിച്ചു.

പുറം കണ്ണികൾ

കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ ഹിപ്പോളൈറ്റ് ടെയിൻ എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.