സർജിക്കൽ സ്ട്രൈക്ക്
കൃത്യതയാർന്ന സൈനിക ആക്രമണ തന്ത്രമാണ് സർജിക്കൽ സ്ട്രൈക്ക്. ആക്രമിക്കപ്പെടുന്ന ശത്രുവ്യൂഹം, കെട്ടിടങ്ങൾ, വാഹനങ്ങൾ , തുടങ്ങിയവയ്ക്കല്ലാതെ മറ്റാന്നിനും നാശമോ, ഹാനിയോ ഏൽപ്പിക്കാതെ (minimum or no collateral damage) ഉദ്ദിഷ്ട പ്രഹരണ ലക്ഷ്യം കൈവരിക്കുന്നതിനേയാണ് സർജിക്കൽ സ്ട്രൈക്ക് എന്ന് വിശേഷിപ്പിക്കുന്നത്.[1]
സർജിക്കൽ സ്ടൈക്കിന്റെ സവിശേഷതകൾ തിരുത്തുക
- അപ്രതീക്ഷിതവും പൊടുന്നനേയും ഉള്ളതായിരിക്കും
- ലക്ഷ്യം കൃത്യമായും മുൻകൂട്ടി തീരുമാനിച്ചുറച്ചതായിരിക്കും
- സൈന്യേതര ആളുകൾക്കോ, തന്ത്രപരമല്ലാത്ത കെട്ടിടങ്ങൾക്കോ, സാധാരണ ജനജീവിതത്തിനോ കേടുപാടുകളോ നാശമോ സംഭവിക്കാതെയിരിക്കണം ശത്രുവിനു പ്രഹരമേൽപ്പിക്കേണ്ടത്.
- സർജിക്കൽ സ്ട്രൈക്ക് വ്യോമാക്രമണമോ, പാരച്യൂട്ട് വിദഗ്ദ്ധ സേനയോ (air drop special ops) കാലാൾ ആക്രമണമോ, (ground troops), അതിവിദഗ്ദ്ധ സൈന്യവ്യൂഹമോ (special troops), ഏതുമാവാം.
അതികൃത്യ ബോംബിംഗും ചുരുൾ ബോംബിംഗും. തിരുത്തുക
അതികൃത്യ ബോമ്പിംഗ് (Precision Bombing) ലക്ഷ്യത്തെ മാത്രം പ്രഹരിക്കുന്നു. ചുറ്റിനുമുള്ള കെട്ടിടങ്ങൾക്കൊ ജനത്തിനോ ഹാനി സംഭവിക്കാറില്ല.
ചുരുൾ ബോമ്പിഗ് അഥവാ (carpet bombing) കാർപ്പറ്റ് ബോമ്പിംഗ് – പറക്കുന്ന വിമാനത്തിൽ നിന്നും ആയിരക്കണക്കിനു ബോംബുകൾ വർഷിക്കുന്ന തന്ത്രമാണ് കാർപറ്റ് ബൊംമ്പിംഗ്. പരവതാനി ചുരുൾ അഴിച്ചാൽ എന്നപോലെയാണ് ബോമ്പുകൾ വീഴുന്നത്. ഒരു വലിയ ഭൂവിസ്തൃതിയിൽ ആകെ നാശം വിതയ്ക്കുകയും വലിയ ജനവിഭാഗത്തിനു ജീവഹാനിയോ പരിക്കോ ഏൽപ്പിക്കുകയും ചെയ്യുന്നതാണ് ഈ വിദ്യ. അതികൃത്യ ബോംബിംഗ് സർജിക്കൽ സ്ട്രൈക്കായി വിനിയോഗിക്കാറുണ്ട്.കാർപറ്റ് ബോംബിംഗ് സർജിക്കൽ സ്ട്രൈക്കിൽ പെടില്ല.
സർജിക്കൽ സ്ട്രൈക്ക് ഉദാഹരണങ്ങൾ തിരുത്തുക
- 1981- ഇറാക്കിലെ ഒസിറാക്ക് (Osirak) ആണവനിലയം ഇസ്രാഇൽ തകർത്തത്.
- 1976 – യുഗാണ്ടയിലെ ഇന്റ്ബീ (Entebbe) ആക്രമിച്ച് സ്വന്തം പൗരന്മാരെ മോചിപ്പിക്കാൻ ഇസ്രാഈൽ നടത്തിയ ആക്രമണം.
- അൽ ഖാഇദ കേന്ദ്രങ്ങളെ ലക്ഷ്യമിട്ട് അമേരിക്ക നടത്തിയ അനേകം ക്രൂയിസ് മിസൈൽ ആക്രമണങ്ങൾ.
അവലംബം തിരുത്തുക
- ↑ Shultz, Jr., Richard H.; Pfaltzgraff, Robert L., eds. (1992). The Future of Air Power: In the Aftermath of the Gulf War. DIANE Publishing. ISBN 1-58566-046-9.